…ពីរនាក់ស្ត្រីជាម្តាយនិងកូនស្រីមួយនេះព្រោះតែចង់រំសាយកំហឹងឲ្យចេញខ្លះពីក្នុងខ្លួនក៏បានសងសឹកទៅលើខោអាវរបស់គូ ទំនាស់ទាញទំលាក់ពីស្នួរខ្វោកៗ…ប៉ុន្តែស៊យកាមេរ៉ាសុវត្ថិភាពថតជាប់នូវសកម្មភាពនេះរកប្រកែកអត់រួចមួយម៉ាត់ អោនក្បាលទទួលយកភាពអាម៉ាស់ក្រែលែង។
ថ្មីៗកន្លងទៅនេះ ស្ត្រីម្នាក់ និងកូនស្រីរបស់គាត់ បាននាំគ្នាទាញខោអាវអ្នកជិតខាង ទម្លាក់ពីលើអាផាតមិនមួយកន្លែង នៅ ក្នុងប្រទេសសិង្ហបុរី។ កាមេរ៉ាសុវត្ថិភាពបានបង្ហាញឲ្យឃើញ ក្មេងស្រីម្នាក់បានដើរទៅទាញអាវចំនួនពីរដែលគេដាក់ហាល ទម្លាក់ទៅលើដី។ បន្ទាប់មក ស្ត្រីជាម្ដាយបានរួមដៃជាមួយកូនស្រី ទាញទម្លាក់ខោចំនួនមួយ និងអាវចំនួនពីរទៀត ហើយក៏ដើរចេញបាត់ទៅ។
ក្រោយពីម្ចាស់ខោអាវត្រលប់មកផ្ទះវិញ និងឆែកកាមេរ៉ាសុវត្ថិភាពឃើញទង្វើរបស់ម្ដាយកូនទាំងពីរ ក៏សម្រេចចិត្តដាក់ពាក្យបណ្ដឹង។ ជុំវិញរឿងរ៉ាវខាងលើនេះ ប៉ូលិសក៏បានបញ្ជាក់ដែរថា វាកើតចេញពីជម្លោះរាប់ឆ្នាំមកហើយរវាងភាគីទាំងសងខាង៕
