[wai id="5"]
…ជិតដល់ថ្ងៃទៅសាលារៀនជាលើកដំបូងរបស់កូនតូចច្រម៉ក់…ប៉ុន្តែកូនប្រុសចេះតែយំង៉ក់ងរប្រាប់ថាអត់ចង់ទៅសាលារៀនទេ…ធ្វើឲ្យស្ត្រីជាម្តាយនឹកឃើញនូវវិធីសាស្ត្រមួយនាំកូនប្រុសដើររើសអេតចាយ…រហូតដល់បានស្តាប់ឮ នូវសំឡេងកូនស្រែកប្រាប់នាងថាម៉ែខ្ញុំចង់ទៅសាលារៀនៗ!...។យោងតាមសារព័ត៌មាន Asia One បានឲ្យដឹង ស្ត្រីជាម្តាយដែលមានឈ្មោះថា Nuttanitcha និងស្វាមីរបស់អ្នកស្រី បានយកថ្ងៃសម្រាកការងាររបស់ខ្លួន ដើម្បីផ្តល់ជាមេរៀនដល់កូនប្រុស ដែលត្រៀមនឹងចូលរៀននៅពេលខាងមុខ។
នៅក្នុងសារដែលបានបង្ហោះក្នុងបណ្តាញសង្គម អ្នកម្តាយរូបនេះបានប្រាប់ឲ្យដឹងថា កូនប្រុសរបស់អ្នកស្រីបានដើរចម្ងាយប្រហែល ២.២គីឡូម៉ែត្រ និងរើសបានសំបកដបមួយចំនួនដែលមានទម្ងន់ប្រហែល ២គីឡូក្រាម ប៉ុន្តែក្នុងមួយគីឡួក្រាម អាចលក់បាន ប្រហែល ០.០៦ ដុល្លារអាមេរិក តែប៉ុណ្ណោះ។កូនប្រុសរបស់អ្នកស្រីបានដើរចម្ងាយប្រហែល ២.២គីឡូម៉ែត្រ និងរើសបានសំបកដបមួយចំនួនដែលមានទម្ងន់ប្រហែល ២គីឡូក្រាម បន្ទាប់ពីបានដើររើសសំបកដបទាំងអស់នោះរួចមក ក្មេងប្រុសនោះបានសុំម្តាយរបស់គេជិះឡានក្រុងត្រលប់ទៅផ្ទះវិញ។ ជំនួសឲ្យពាក្យថា បាន ឬ មិនបាននោះ អ្នកស្រី Chotsirimeteekul បានសួរទៅកាន់កូនប្រុសរបស់ខ្លួនថា តើគេមានលុយអាចជិះឡានក្រុងដែលមានតម្លៃប្រហែល ០.៣១ ដុល្លារអាមេរិក នោះដែរឬទេ។ប៉ុន្តែក្នុងមួយគីឡួក្រាម អាចលក់បានត្រឹមតែ ២បាត តែប៉ុណ្ណោះ ជាក់ស្តែង គេមិនមានប្រាក់គ្រប់គ្រាន់ដើម្បីជិះឡានក្រុងទេ ដូច្នេះម្តាយរបស់គេក៏និយាយថា៖“អ៊ីចឹងពួកយើងត្រូវរើសសំបកដបថែមទៀត ទើបអាចមានប្រាក់គ្រប់គ្រាន់ដើម្បីជិះឡានក្រុង”។ ជាមួយពាក្យសម្តីដែលធ្វើឲ្យគេភ្ញាក់ផ្អើលខ្លាំងដូច្នេះ ក្មេងប្រុសនេះក៏ចាប់ផ្តើមផ្លាស់ប្តូរគំនិត ពីការជិះឡានក្រុង មកជាដើរទៅផ្ទះវិញ។ គេបាននិយាយថា៖“មិនអីទេ ខ្ញុំនឹងដើរទៅផ្ទះ”។ ដើរមិនបានប៉ុន្មានផង គេក៏ ចង់ញ៉ាំការ៉េម។ ប៉ុន្តែម្តាយរបស់គេបានសួរថា តើគេមានលុយដែរឬទេ ព្រោះការ៉េមនោះមានតម្លៃប្រហែល ០.១៦ដុល្លារអាមេរិក។ ក្មេងប្រុសនោះក៏ឆ្លើយថា៖“ទេ ខ្ញុំគ្មានលុយទេ”។ លើសពីនេះ នៅក្នុងវីដេអូមួយដែលបង្ហោះដោយអ្នកស្រី Chotsirimeteekul ផ្ទាល់ គេក៏បានលឺក្មេងប្រុសនេះប្រាប់ម្តាយរបស់គេថា៖“ខ្ញុំហត់ណាស់ វាក្តៅមែនទែន ខ្ញុំចង់ទៅផ្ទះ”។ អ្នកម្តាយរូបនេះបាននិយាយថា នេះគឺជាមេរៀនមួយដែលបង្រៀនកូនប្រុសរបស់អ្នកស្រីឲ្យស្គាល់ថាអ្វីជាការខំប្រឹងប្រែង។
ពាណិជ្ជកម្ម
ពិតណាស់ វាក៏ជាមេរៀនសម្រាប់អ្នកស្រីផ្ទាល់ដែរ ហើយវានឹងក្លាយជាមេរៀនដ៏ល្អ ពេញមួយជីវិតរបស់កូនអ្នកស្រីតែម្តង។ វានឹងធ្វើឲ្យគេភ្ញាក់ខ្លួនថា ទោះបីជាគេជ្រើសរើសផ្លូវបែបណា ឬដើរផ្លូវលំបាកយ៉ាងណា ក៏ម្តាយ និងឪពុករបស់គេ នៅតែនៅជិតគេគ្រប់ជំហាន។“ខ្ញុំចង់ទៅសាលារៀន” មេរៀនជីវិត ដែលអ្នកស្រីបានបង្ហោះទៅក្នុងបណ្តាញសង្គមនេះ កំពុងទទួលបានការចាប់អារម្មណ៍ខ្លាំងនៅក្នុងប្រទេសថៃ និងក្រៅប្រទេសផងដែរ រហូតដល់ទទួលបានការចែករំលែកជាង ៦ម៉ឺន ដងឯណោះ។នៅក្នុងវីដេអូមួយផ្សេងទៀត ដែលអ្នកស្រី Chotsirimeteekul បានបង្ហោះនោះ គេបានលឺអ្នកស្រីសួរទៅកាន់កូនប្រុសថា៖“អ៊ីចឹង កូនចង់ទៅរើសសំបកកំប៉ុងទៀត ឬក៏ចង់ទៅសាលា?”។ ក្មេងប្រុសដែលកំពុងហត់អស់កម្លាំងនោះ បានស្រែកលឺៗថា៖“ខ្ញុំចង់ទៅសាលារៀន!”៕