…នៅក្នុងថ្ងៃចូលស្តីដណ្តឹងឪពុក-ម្តាយខាងកូនកម្លោះបានព្រមព្រៀងទាំងទឹកមុខញញឹមញញែមចំពោះថ្លៃទឹកដោះដែលឪពុក-ម្តាយកូនក្រមុំបានបង្គាប់។ លុះដល់ថ្ងៃចូលរោងការស្រាប់តែអត់ឃើញកូនកម្លោះព្រមទាំងសាច់ញាតិ...លុះតាមទៅមើលដល់ផ្ទះ ឪពុកខាងកូនក្រមុំហួសចិត្តពេកស្រែកខ្លាំងៗថា អត់ម៉េចមិនប្រាប់ឥឡូវរត់ចោលផ្ទះបាត់អស់រលីង!។ហេតុការណ៏នេះបានកើតឡើងកាលពីថ្ងៃអាទិត្យសប្តាហ៍មុនដោយពីផ្ទះរបស់លោក Boonyang Sawatdee អាយុ ២៦ឆ្នាំ ពីខេត្តស្រះកែវ ទៅកាន់កន្លែងរៀបចំពិធីខាងស្រីនាង Arunee អាយុ ២៤ឆ្នាំ នៅខេត្តប្រាចិនបូរី ប្រទេសថៃគឺធ្វើដំណើរតែ ៤៥នាទីប៉ុណ្ណោះ។
យោងទៅតាមគ្រួសារខាងស្រី កូនកំលោះលោក Boonyang រំពឹងថាមក ដល់ផ្ទះខាងស្រីនៅម៉ោង ៦ព្រឹកប៉ុន្តែដល់ម៉ោងកំណត់ កូនកំលោះបានសុំពន្យារពេលដល់ម៉ោង ៩ព្រឹក ដោយប្រាប់ថាកំពុងនៅតាមផ្លូវ។ ដល់ម៉ោង ៩ហើយ នៅតែមិនទាន់ឃើញមកទៀត ហើយក៏គ្មានដំណឹងពាក់ព័ន្ធនឹងកូនកំលោះ កូនក្រមុំក៏បានទូរសព្ទទៅតែមិនអាចទាក់ទងបាន។ គ្រួសារកូនក្រមុំក៏បានជិះរថយន្តទៅដល់ផ្ទះកូនកំលោះនៅស្រះកែវ តែពុំឃើញអ្នកណាម្នាក់ឡើយ គឺពួកគេចាកចេញពីផ្ទះទាំងអស់គ្នា។បន្ទាប់មកគ្រួសារខាងស្រីទើបដឹងថា គ្រួសារលោក Boonyang ប្រហែលជាមិនមានប្រាក់ថ្លៃបង្គាប់តាមពាក្យសន្យាចំនួន ៦ពាន់ដុល្លារ ។ គ្រួសារខាងស្រីអះអាងថា ខ្លួនបានរៀបចំពិធីចំណាយជាង ៣ពាន់ដុល្លារ ដូច្នេះពួកគេបានជួលមេធាវីដើម្បីប្ដឹងកូនកំលោះទារសងជំងឺចិត្ត។
ចំណែកកូនក្រមុំ ត្រូវគេរាយការណ៍ថាបានស្រែកយំស្ទើរសន្លប់ និងសម្រេចបោះបង់ការងារនៅរោងចក្រព្រោះខ្មាសមិត្តរួមការងារ ៕
