…មើលក្នុងរូបភាពនេះប្រិយមិត្តប្រាកដជាចាត់ទុកថាជាឈុតឆាកសំដែងក្នុងរឿងកំប្លែងអ្វីមួយហើយ ដែលប៉ូលិសឥណ្ឌាឈរចាំទៈកំភ្លៀងអស់លោកប្រុសៗចុះពីលើទូររថភ្លើង។ ប៉ុន្តែតាមពិតទៅជារូបភាពពិតជាការព្រមានទៅដល់ប្រុសៗដែលហាមហើយអត់ស្តាប់! មានតែផាច់ៗ…ឲ្យខ្មាស់គេ ថ្ងៃក្រោយឲ្យរាង កុំចេះតែហ៊ាន។ ប៉ូលិសមួយក្រុមបាននាំគ្នាឈរចាំទះកំផ្លៀងប្រុសៗដែលឡើងជិះរថភ្លើងសម្រាប់តែនារី នៅស្ថានីយ៍រថភ្លើង ញូដេល្លី ក្នុងប្រទេសឥណ្ឌា។
យោងតាមវីដេអូបានបង្ហាញឲ្យឃើញថា នៅពេលដែលរថភ្លើងមកដល់ចំណត មានបុរសជាច្រើននាក់បានដើរចេញ ហើយត្រូវប៉ូលិសទះកំផ្លៀង ទះខ្នង និងទះក្បាល ទុកជាការព្រមាន។ ចំពោះបុរសណាដែលធ្វើដំណើរនៅលើរថភ្លើងដោយមានប្រពន្ធកូនមកជាមួយ គឺត្រូវបានអនុគ្រោះឲ្យ។ គួរឲ្យដឹងដែរថា ឥណ្ឌាបានបែងចែកខ្សែរថភ្លើងខ្លះសម្រាប់តែនារីប៉ុណ្ណោះ ព្រោះតែការបៀតបៀនផ្លូវភេទតែងតែកើតមានឡើងចំពោះនារី ហើយម្យ៉ាងទៀត មានពេលខ្លះបុរសមិនផ្ដល់សិទ្ធិអាទិភាពអង្គុយទៅឲ្យនារីទៀតផង។
បើទោះជាយ៉ាងណាក្ដី សព្វថ្ងៃនេះនៅតែមានបុរសមួយចំនួនតូចឆ្លៀតឱកាសសម្រុកចូលក្នុងរថភ្លើងនៅពេលមានមនុស្សច្រើនណែនតាន់តាប់៕