…កូនប្រុសមានការងារធ្វើនៅឆ្ងាយពីផ្ទះ ឯម្តាយនៅផ្ទះឯម្តាយនៅផ្ទះតែម្នាក់ឯងយូរៗណាស់ទើបបានជួបជុំគ្នាម្តង។នៅថ្ងៃមួយពេលទទួលបានដំណឹងពីកូនប្រុសប្រាប់ថាមកលេងផ្ទះ ម្តាយមានចិត្តត្រេកអរក្រៃលែង ស្ទុះស្ទារធ្វើម្ហូបអាហារជាច្រើនមុខចាំទទួលកូន។តែជាចៃដន្យកូនប្រុសជាប់រវល់អត់បានមកផ្ទះ…ឯម្តាយក៏ជួបរឿងសង្វេកសូន្យសង្ខា…!។រឿងរ៉ាវដ៏សង្វេគមួយនេះ បានកើតឡើងនៅតៃវ៉ាន់ ។ បើតាមម្ចាស់គណនី Facebook មួយដែលមានឈ្មោះ Liu ជាអ្នករៀបចំសពជនរងគ្រោះ បានរៀបរាប់យ៉ាងវែងអន្លាយថា លោកមិនដែលមានការភ្ញាក់ផ្អើលឡើយ ជាមួយស្ថានភាពសពជនរងគ្រោះក្នុងអាជីពរបស់លោក។ ប៉ុន្តែករណីស្ត្រីចំណាស់មួយនេះ ពិតជាធ្វើឱ្យលោកមានអារម្មណ៍ថាឈឺចាប់ និងសង្វេគខ្លាំងណាស់។
លោក Liu បានបញ្ជាក់ថា បានទទួលរឿងក្ដីមួយ ដែលស្ត្រីចំណាស់ម្នាក់បានស្លាប់នៅផ្ទះម្នាក់ឯង ដោយគ្មានសាច់ញាតិនៅក្បែរ។ មុនពេលមានហេតុការណ៍ភ្ញាក់ផ្អើល អ្នកជិតខាងបានរាយការណ៍ទៅកាន់សមត្ថកិច្ចថា មានក្លិនស្អុយដូចជាសត្វងាប់ចេញពីផ្ទះខាងលើ ប៉ុន្តែពួកគេមិនហ៊ានចូលទៅជិត។ នៅពេលដែលក្រុមអ្នកជួយសង្គ្រោះទៅដល់ ស្រាប់តែប្រទះឃើញស្ត្រីចំណាស់ម្នាក់ដេកស្លាប់តែម្នាក់ឯង។តាមសភាពនៅកន្លែងកើតហេតុ គឺស្ត្រីចំណាស់រស់នៅតែម្នាក់ឯងប៉ុណ្ណោះ។ លោក Liu ត្រូវគេទាក់ទងឱ្យទទួលខុសត្រូវលើកសាកសពស្ត្រីចំណាស់ ហើយនៅពេលទៅពិនិត្យឃើញថាមានដង្កូវទៅហើយ។ សាកសពនេះ ស្លាប់ប្រហែល ៤ ទៅ ៥ថ្ងៃ បើរាប់ថយក្រោយវិញ គឺចំទិវាអ្នកម្ដាយ “Mother's Day”។នៅក្នុងផ្ទះកើតហេតុ លោក Liu បានប្រទះឃើញម្ហូបអាហារនៅពេញតុបាយ ហាក់ដូចជាមិនទាន់បានទទួលទាននៅឡើយ ធ្វើឱ្យលោកមានការងឿងឆ្ងល់ជាខ្លាំង ថានៅម្នាក់ឯង ហេតុអ្វីធ្វើម្ហូបច្រើនបែបនេះ។ ក្រោយមក សមត្ថកិច្ចក៏បានស្វែងរកអត្តសញ្ញាណ និងទាក់ទងទៅកាន់សាច់ញាតិ។ អ្នកដំបូងគេ ដែលសមត្ថកិច្ចទាក់ទងនោះ គឺកូនប្រុសរបស់ស្ត្រីរងគ្រោះ ដែលកំពុងបំពេញការងារនៅឆ្ងាយ។កូនប្រុសបានប្រាប់ថា នៅពេលទិវាអ្នកម្ដាយ លោកកំពុងបំពេញបេសកកម្មនៅប្រទេសសិង្ហបុរី ហើយពេលត្រលប់មកតៃវ៉ាន់វិញ រវល់ជាមួយការងារពេក ក៏មិនបានទៅជួបម្ដាយឡើយ ទើបមិនដឹងថាមានគ្រោះអកុសលកើតឡើង។ ប៉ូលិសបានប្រាប់កូនប្រុស ថានៅលើតុ ឃើញមានអាហារជាច្រើន ទើបកូនប្រុសយំខ្សឹកខ្សួលដែលមិនបានមករួមតុជាមួយអ្នកម្ដាយ នៅថ្ងៃពិសេសនោះ។
បើតាមសភាពសពជនរងគ្រោះ គឺមានភាពអាក្រាតកាយ ហើយសមត្ថកិច្ចសន្និដ្ឋានថា ជនរងគ្រោះបានចូលទៅងូតទឹក ក៏គាំងបេះដូងដួលសន្លប់ និងស្លាប់បាត់ ដោយគ្មានអ្នកជួយ។ ចំណែកអាហារលើតុ ប្រហែលជារៀបចំចាំកូនប្រុស មកទទួលទានបាយជុំគ្នា ហើយកូនប្រុសមានបេសកកម្មមិនអាចមកបាន។ កូនប្រុស មិនបានរវល់សួរសុខទុក្ខទៀត រហូតដល់ ៤ថ្ងៃក្រោយ ទើបដឹងថាម្តាយស្លាប់ តាមរយៈសមត្ថកិច្ចទៅវិញ។លោក Liu បាននិយាយថា៖ "នៅពេលនេះ ទោះកូនប្រុសស្រក់ទឹកភ្នែករាប់លានតំណក់ ក៏មិនអាចនាំម្ដាយមកវិញបានដែរ វាបានត្រឹមតែស្ដាយប៉ុណ្ណោះ។ លោកបាននិយាយទៀតថា៖ "មិនថារវល់យ៉ាងណាក៏ដោយ ចូរកុំភ្លេច នៅផ្ទះមានអ្នកម្ដាយចំណាស់ ដែលតែងរង់ចាំអ្នក ទៅអង្គុយទទួលទានបាយជុំគ្នា"៕
Home សង្គមប្លែកៗ សង្វេកណាស់…ខំរៀបចំម្ហូបដាក់ពេញពាសលើតុចាំទទួលកូន ដូចរៀបចំសំណែនឲ្យសពខ្លួនឯងទៅវិញ