…ទឹកចិត្តរបស់អ្នកគ្រូពេទ្យម្នាក់នេះពិតជាប្រសើរថ្លៃថ្លាគួរឲ្យកោតសរសើរណាស់…នាងបានកោរសក់ដើម្បីចំណេញពេលវេលាផ្តោតទៅលើការព្យាបាលអ្នកជម្ងឺដែលឆ្លងវិរុស កូរ៉ូណា។ ស្របពេលជំងឺឆ្លងផ្លូវដង្ហើមថ្មីកំពុងតែវាយលុកខ្លាំងនៅទីក្រុងវូហាន គ្រូពេទ្យជាច្រើនហាក់មានភាពស្គមស្គាំងជាងមុន ដោយសារការខិតខំប្រឹងប្រែងព្យាបាលអ្នកជំងឺយ៉ាងច្រើនលើសលប់ ដែលចូលមកសម្រាកនៅឯមន្ទីពេទ្យជារៀងរាល់ថ្ងៃ។
អ្នកស្រី Shan Xia ដែលជាគិលានុបដ្ឋាយិកាធ្វើការនៅទីក្រុង វូហាន បានសម្រេចចិត្តកោរសក់ចេញកាលពីថ្ងៃទី ២៧ ខែមករា ដើម្បីសម្រួលដល់ការព្យាបាលអ្នកជំងឺដែលកំពុងឆ្លងវីរុសថ្មី Corona ។ ស្ត្រីជាម្ដាយវ័យ ៣០ ឆ្នាំដែលមានកូន ២ នាក់រូបនេះធ្វើការនៅមន្ទីពេទ្យ Renmin បាននិយាយថា មូលហេតុដែលនាងកោរសក់ដើម្បីចៀសវាងការឆ្លងមេរោគពីអ្នកជំងឺ ហើយជាពិសេសវាអាចសន្សំពេលវេលាបានច្រើននៅរៀងរាល់ពេលពាក់ និងដោះឈុតការពារម្ដងៗ។ គណៈកម្មការសុខភាពចិន បាននិយាយកាលពីថ្ងៃច័ន្ទម្សិលមិញនេះថា ពួកគេបានរៀបចំក្រុមគ្រូពេទ្យចំនួន ៩៥៩ នាក់មកពីខេត្តក្រុងចំនួន ៧ផ្សេងគ្នាទូទាំងប្រទេសចិនដូចជា ខេត្តហេណាន, ខេត្តជីលីន, ខេត្តលៀន, ខេត្តសានស៊ី, ខេត្តសានអានស៊ី, ក្រុងធានជីង និងក្រុងឆុងឈីង ដើម្បីជួយការពារ និងទប់ស្កាត់ការឆ្លងវីរុសផ្លូវដង្ហើមថ្មីនៅក្នុងទីក្រុងវូហាន។
ក្រៅពីនេះមានមនុស្សចំនួន ៧ នាក់ទៀតត្រូវបានបញ្ជូនទៅទីក្រុងប៉េកាំង ហឺប៉ី សៀងហៃ ហេណាន ហួណាន ក្វាងទុង និងស៊ីឈួន ដើម្បីពិនិត្យមើលដូចជា ការឆ្លងរាលដាល និងការព្យាបាល ក៏ដូចជាការការពារ នៅតាមសហគមន៍ និងស្ថាប័នវេជ្ជសាស្ត្រមូលដ្ឋានផងដែរ៕
Home សង្គមប្លែកៗ ទឹកចិត្តលះបង់គួរឲ្យគោរព អ្នកគ្រូពេទ្យកោសក់ដើម្បីចំណេញពេលព្យាបាលអ្នកជម្ងឺ