…ភ្លាមៗពេលចូលក្នុងបន្ទប់…ក្រឡេកឃើញប៉ាស្ព័ររបស់ខ្លួនត្រូវអាភក្តីហែក អង្គៀមនាងខឹងខ្លាំងណាស់ប្រុងទាញរំពាត់វាត់ខ្នងឲ្យណាណី ប៉ុន្តែជួនពេលនោះដែរទូរទស្សន៍ក៏បានផ្សាយដំណឹងពីករណីផ្ទុះវិរុសកូរ៉ូណានៅក្នុងទីក្រុងវូហាននាងក៏ទំលាក់រំពាត់ចុះហើយចាប់អោបអាភក្តីដោយក្តីគ្រឺតស្រឡាញ់។ កាលពីពេលថ្មីៗនេះ ស្ត្រីម្នាក់ដែលមានគម្រោងទៅលេងនៅទីក្រុង វូហាន បានសម្ដែងការអរគុណទៅដល់សត្វឆ្កែមួយក្បាល ដែលបានខាំអង្កៀមលិខិតឆ្លងដែនរបស់នាង រហូតដល់ខូចប្រើការលែងបាន ដែលជាហេតុត្រូវបង្ខំឲ្យនាងលុបចោលការធ្វើដំណើរទៅទីក្រុង វូហាន ប៉ុន្មានថ្ងៃមុនពេលវីរុសថ្មីផ្ទុះឡើង។
ស្ត្រីម្នាក់ រស់នៅទីក្រុងតៃវ៉ាន់ បានបង្ហោះសារ រួមជាមួយនឹងរូបភាពប៉ុន្មានសន្លឹក ហើយ ដោយបានសរសេរនៅលើទំព័រហ្វេសប៊ុករបស់នាងថា៖ នៅពេល ដែលខ្ញុំបានត្រឡប់ទៅដល់បន្ទប់ ក៏ស្រាប់តែឃើញលិខិតឆ្លងរបស់ខ្ញុំត្រូវបានឆ្កែអង្កៀម។ នេះមានន័យថាខ្ញុំមិនអាចកក់ជើងហោះហើរទៅកាន់ទីក្រុងវូហានបានទេ ដែលត្រូបង្ខំឲ្យខ្ញុំលុបចោលគម្រោងធ្វើដំណើនៅទីក្រុងវូហាន។ហើយចាប់តាំងពីពេលនោះមក វូហាន ត្រូវបិទការធ្វើដំណើរចេញចូលទាំងស្រុង បន្ទាប់ពីមានការរីករាលដាលនៃវីរុសឆ្លងថ្មីយ៉ាងសាហាវ ដែលបានកើតឡើងនៅក្នុងទីក្រុង។ យ៉ាងណាមិញ ក្រោយពីវីរុសថ្មីនេះបានរីករាលដាលខ្លាំងឡើងៗ ស្ត្រីខាងលើ ក៏បានរំសាយកំហឹងរបស់នាង ហើយបែរជាសម្ដែងការអរគុណទៅដល់សត្វឆ្កែនោះទៅវិញ ហើយនាងថែមទាំងបង្ហោះសារថ្មីមួយទៀតថា៖ អរគុណឯងម្ដងទៀត ដែលអ្នកបានការពារខ្ញុំ។ ខ្ញុំពិតជាមានសំណាងណាស់ ដែលមានសត្វចិញ្ចឹមដូចជាឯង។ ខ្ញុំស្រឡាញ់ឯងខ្លាំងណាស់ ។
បើយោងតាមសារព័ត៌មានមួយ គិតត្រឹមថ្ងៃអាទិត្យកន្លងទៅនេះ ជំងឺនេះបានឆ្លងដល់មនុស្សជុំវិញពិភពលោកប្រមាណជាង ២,០០០ នាក់ហើយ និងបានសម្លាប់មនុស្សយ៉ាងហោចណាស់ ៨០នាក់នៅក្នុងប្រទេសចិន ៕
