កាលពីពេលកន្លងទៅ បាតដៃចំនួន៥៤ ដែលត្រូវបានកាត់ផ្តាច់ត្រូវបានរកឃើញក្នុងទន្លេទឹកកកមួយនៃប្រទេសរុស្ស៊ីដែលបានធ្វើឲ្យមានការងឿយឆ្ងល់យ៉ាងខ្លាំង ហើយក៏មានការសន្និដ្ឋានខុសៗគ្នាជាច្រើន តែក៏មិនអាចយកជាការបាន។ លុះក្រោយមកទើបអាថ៌កំបាំងទាំងនោះត្រូវបានទម្លាយចេញដោយគណៈកម្មារស៊ើបអង្កេតប្រចាំតំបន់នោះ។មុនពេលដែលការពិតអំពីបាតដៃមនុស្សចំនួន ៥៤ ត្រូវបានរកឃើញក្នុងស្រទាប់ព្រិល នៃទន្លេទឹកកក Amur នាទីក្រុង Khabarovsk តំបន់ស៊ីបេរី ប្រទេសរុស្ស៊ី មានពាក្សចរចាអារាមជាច្រើនបានលេចឮ។
មនុស្សមួយចំនួនលើកឡើងថា នេះអាចជាបាតដៃរបស់ពួកចោរដែលត្រូវគេកាត់ផ្តាច់ ខ្លះទៀតថា នេះអាចជាបាតដៃដែលបានត្រូវគេកាត់ចេញពីបណ្តាសាកសពនៅមន្ទីរពេទ្យ។យោងតាមតាមកាសែត Siberian Times គណៈកម្មការស៊ើបអង្កេតប្រចាំតំបន់នោះបានសន្និដ្ឋានថា វាជាបាតដៃមួយចំនួនត្រូវបានការិយាល័យកោសល្យវិច្ច័យយកទៅចោលខុសទីកន្លែងកំណត់។ ដោយឡែក នៅរុស្ស៊ីបណ្តាសាកសពដែលពុំមានសាច់ញាតិមកទទួល ត្រូវបានគេកាត់បាតដៃទុក ដើម្បីរក្សាក្រយ៉ៅដៃពេលចាំបាច់ ។ បើតាមកាសែតរុស្ស៊ីជាច្រើននោះបណ្តាបុគ្គលិកកោសល្យវិច្ច័យ អាចប្រឈមមុខនឹងការដាក់ពិន័យធ្ងន់ធ្ងរ ឬត្រូវចោទប្រកាន់ទោស ព្រោះពុំបានថែទាំសាកសពត្រឹមត្រូវតាមបទដ្ឋានកំណត់។
ក្រៅពីនោះភាគីប៉ូលិសក៏បានស្វែងយល់ពីមូលហេតុថា ការិយាល័យកោសល្យវិច្ច័យនេះ ពុំប្រើបច្ចេកវិទ្យាដើម្បីរក្សាទុកស្នាមក្រយ៉ៅដៃ ចាំកាត់ផ្តាច់វាចេញពីសាកសពបែបនេះ៕
Home សង្គមប្លែកៗ អាថ៌កំបាំងនៃបាតដៃចំនួន៥៤ត្រូវបានកាត់ផ្តាច់នៅទន្លេទឹកកកត្រូវបានលាតត្រដាងយ៉ាងគួរឲ្យហួសចិត្ត