…មនុស្សគ្រប់រូបសុទ្ធតែបានដឹងរួចហើយនូវច្បាប់ធម្មជាតិ គឺកាលពីកើតមកជាទារកមានដៃទទេស្អាតអត់មានយកអ្វីមកជាមួយទេ លុះដល់ពេលស្លាប់ទៅក៏ទៅទាំងដៃទទេដែរគ្មានបានយកអ្វីទៅជាមួយនោះឡើយ។ ដូច្នេះចំពោះរឿងរ៉ាវនេះស្តាប់ទៅដូចជាកំប្លែងបន្តិចហើយដែលបុរសជាប្តី កាលនៅរស់ប្រឹងរកស៊ីសន្សំប្រាក់មិនហ៊ានចាយវាយផ្តេសផ្តាសនោះឡើយ រហូតសូម្បីតែនាំប្រពន្ធកូនដើរលេងក៏រឹតត្បិតក្នុងការចំណាយទិញនំចំណីហូបចុកដែរ។
លុះថ្ងៃមួយធ្លាក់ខ្លួនមានជម្ងឺទំនងជាគិតថាពុំអាចព្យាបាលជាសៈស្បើយនោះបុរសជាប្តី បានប្រាប់ប្រពន្ធនូវបំណងប្រាថ្នាមិននឹកស្មានដល់ថាចង់ឲ្យនាងកប់លុយទាំងអស់ដែលគេរកបានទៅជាមួយនៅពេលស្លាប់ មិនគិតទុកឲ្យប្រពន្ធកូនឡើយ។ហើយនៅពេលរៀបផុតដង្ហើម រូបគេបាននិយាយប្រាប់ប្រពន្ធម្ដងទៀត ឲ្យកប់លុយទាំងអស់ដែលរកបានទៅក្នុងមឈូស។ ចំណែកប្រពន្ធ ក៏មិនបានប្រកែកឡើយ ហើយសន្យាថានឹងបំពេញបំណងប្រាថ្នាចុងក្រោយរបស់ប្ដី។ពិធីបុណ្យសពបានដំណើរការធម្មតា ប៉ុន្តែនៅពេលរៀបកប់មឈូស នាងជាប្រពន្ធបានស្រែកឲ្យគេផ្អាក និងដាក់មឈូសចុះវិញ។ បន្ទាប់មកនាងបានដាក់របស់ម្យ៉ាងចូលទៅក្នុងមឈូសជាមួយសពប្ដី រួចចាក់សោវិញដូចមុន។ ឃើញដូចនេះ មិត្តនាងម្នាក់បានលាន់មាត់ឡើង “ខ្ញុំគិតថាឯងមិនឆ្កួតដល់ថ្នាក់យកលុយទាំងអស់ ទៅកប់ជាមួយសពប្តីរបស់ឯងនោះទេ”។ភ្លាមនោះនាង ជាប្រពន្ធបានឆ្លើយតបវិញ ធ្វើឲ្យមិត្តនាងភ្ញាក់ផ្អើលយ៉ាងខ្លាំង។ ខ្ញុំសន្យាមែន… ខ្ញុំជាគ្រិស្តសាសនិកដ៏ល្អម្នាក់ ខ្ញុំមិនអាចកុហកទេ… ខ្ញុំសន្យាជាមួយប្តីខ្ញុំថា ខ្ញុំនឹងដាក់លុយទាំងអស់ចូលមឈូសរបស់គាត់”។
មិត្តនាងបានបន្តសួរទៀតថា តើនាងពិតជាកប់លុយឲ្យប្ដីទាំងអស់ សូម្បីមួយកាក់មួយសេនក៏មិនទុកដែរមែនទេ? នាងជាប្រពន្ធបានប្រាប់ ថា ខ្ញុំបានយកលុយ ទៅដាក់ក្នុងកុងធនាគាររបស់ខ្ញុំ… ហើយខ្ញុំសរសេរសែកមួយដាក់លុយទាំងអស់នោះទៅឲ្យប្ដី”៕
Home សង្គមប្លែកៗ ភ្លេចច្បាប់ធម្មជាតិមែន…កើតមកដៃទទេរទៅវិញក៏ដៃទទេដែរ ម៉េចក៏ផ្តាំឲ្យដាក់ប្រាក់ក្នុងមឈូសជាមួយ