[wai id="5"]
[wai id="7"]
…ប្រព្រឹត្តិនូវអំពើសុច្ចរិតទៀងត្រង់ពុំមានចិត្តវៀចវេរមែងទទួលបាននូវផលតបស្នងយ៉ាងគាប់ប្រសើរ។ ដូចករណីរឿងហេតុរបស់និស្សិតស្រីជនជាតិចិនម្នាក់ជាឧទាហរណ៍ស្រាប់…ចៃដន្យនាងបានជិះកង់មកប៉ះរថយន្តបណ្តាលឲ្យឆ្កួតទឹកថ្នាំតែនាងពុំបានរត់គេចនោះឡើយ គឺនៅរងចាំសារភាពកំហុសនៅចំពោះមុខម្ចាស់ឡាន ចុងក្រោយអំពើសុច្ចរិតទៀងត្រង់នេះធ្វើឲ្យនាងទទួលបាននូវអ្វីដែលនាងពុំធ្លាប់បានដឹកដល់។នៅថ្ងៃកើតហេតុ និស្សិតស្រីវ័យ១៨ឆ្នាំត្រកូល Zhang ទើបនឹងចេញពីចុះឈ្មោះនៅសាលា បានជិះកង់តម្រង់ទៅធនាគារ ដើម្បីបើកប្រាក់ឧបត្ថម្ភរបស់នាង។
ពាណិជ្ជកម្ម
នៅពេលកំពុងធ្វើដំណើរ មិនប្រយ័ត្នក៏បានធ្វើឲ្យឆ្កូតឡានទំនើបសេរ៊ី Lexus ES 350 មួយគ្រឿងដែលចតនៅចំណតឡាន។ នាងពិតជាភ័យស្លន់ស្លោរខ្លាំងមែនទែន ប៉ុន្តែនាងមិនបានរត់ទៅណាទេ។ នាងសុខចិត្តនៅចាំក្បែរឡាននោះ រហូតដល់ម្ចាស់ឡានមកដល់តែម្តង។ នាងក៏បានបង្ហាញភាពក្លាហាន និងនិយាយទៅកាន់ម្ចាស់ឡានថា៖“ពូ! ពូជាម្ចាស់ឡាននេះមែនទេ? ខ្ញុំពិតជាសោកស្តាយខ្លាំងណាស់។ ខ្ញុំបានជិះកង់ប៉ះឡានរបស់ពូ ហើយក៏ធ្វើឲ្យឆ្កូតបែបនេះ ដូច្នេះខ្ញុំក៏សុខចិត្តនៅចាំពូនៅទីនេះ”។ និស្សិតស្រីវ័យ១៨ឆ្នាំមួយរូប ឈ្មោះថា Zhang ម្ចាស់ឡានត្រកូល លី ដែលជាអ្នកបម្រើការនៅក្នុងក្រុមហ៊ុនអចលនទ្រព្យមួយ បាននិយាយថា“ខ្ញុំពិតជាឆ្ងល់ខ្លាំងណាស់ នៅពេលដែលឃើញក្មេងស្រីម្នាក់ឈរក្បែរឡានរបស់ខ្ញុំ។ នាងមើលទៅដូចជាភ័យស្លន់ស្លោរ និងខ្លាចខ្លាំងមែនទែន។ នៅពេលដែលខ្ញុំដឹងថា នាងបានរង់ចាំខ្ញុំក្រោមកម្តៅថ្ងៃអស់រយៈពេលមួយម៉ោង ខ្ញុំតក់ស្លុតក្នុងចិត្តតែម្តង។ ខ្ញុំក៏បានប្រាប់នាងថា ខ្ញុំមិនត្រូវការប្រាក់សំណងទេ”។ ឮបែបនេះនិស្សិតស្រី Zhang មានទឹកចិត្តរំភើបត្រេកអរយ៉ាងខ្លាំងរហូតដល់ស្រក់ទឹកភ្នែកទៀតផង។ ខណៈដែលរាងកាយជោកជាំទៅដោយញើស នាងបានឱនក្បាលគោរព និងអរគុណលោក Zang ដែលមិនបានយកទោសពៃអ្វីឡើយ។ ការសន្ទនារវាងអ្នកទាំងពីរបានធ្វើឲ្យលោក លី ដឹងថា ក្មេងស្រីម្នាក់នេះ គឺជាកូនរបស់គ្រួសារក្រីក្រ ហើយប្រាក់ដែលនាងយកទៅបង់ថ្លៃសិក្សាចំនួន ៨ ០០០យ័ន ប្រហែល១ ២០០ដុល្លារ គឺជាប្រាក់កម្ចីពីធនាគារ ។មិនយូរប៉ុន្មានរឿងហេតុទាក់ទងនឹងក្មេងស្រីស្មោះត្រង់នេះ ក៏បានលេចឮដល់នាយកក្រុមហ៊ុនដែលលោក លី កំពុងធ្វើការ។ លោកនាយករូបនោះ ពិតជាពេញចិត្តភាពក្លាហាន និងភាពស្មោះត្រង់របស់យុវតី Zhang ខ្លាំងមែនទែន។លោកនាយកបាននិយាយថា៖“ឡានដែលបានធ្វើឲ្យឆ្កូតនោះគឺម៉ាក Lexus ដែលមានតម្លៃប្រហែល ៧០០ ០០០យ័ន ប្រហែល ១០៦ ០០០ដុល្លារ ហើយបើតាមការប៉ាន់ស្មាន ថ្លៃជួសជុលស្នាមឆ្កូតនោះ យ៉ាងហោចណាស់ក៏២ ០០០យ័ន ប្រហែល ៣០០ដុល្លារ ដែរ។ គ្រួសាររបស់នាងកំពុងមានបញ្ហាហិរញ្ញវត្ថុ។ បើសិនជាយើងឲ្យនាងសង វាប្រៀបដូចជាយកអំបិលទៅលាបនៅលើរបួសយ៉ាងអ៊ីចឹង។ ដូច្នេះពួកយើងមិនត្រឹមតែមិនឲ្យនាងសងទេ ពួកយើងក៏បានជួយនាងឲ្យរៀនដល់ចប់រយៈពេល៤ឆ្នាំដោយជោគជ័យទៀតផង”។
ក្រៅពីថ្លៃសិក្សាទាំង៤ឆ្នាំ និស្សិតរូបនេះត្រូវបានផ្តល់ឱកាសឲ្យចូលបម្រើការងារនៅក្នុងក្រុមហ៊ុនអចលនទ្រព្យនោះតែម្តង បើសិនជានាងរៀនចប់ ហើយមានចំណាប់អារម្មណ៍ជាមួយការងារ៕
[wai id="6"]
