…ចោរបានគាស់ផ្ទះលួចយកលុយកាក់ស្ទើរអស់រលីងតែបុរសដែលជាម្ចាស់ផ្ទះ ហាក់កុំសូវជាស្តាយប៉ុន្មាននោះទេ…អ្វីដែលលោកសោកស្តាយបំផុតនោះគឺកាមេរ៉ាមួយគ្រឿងដែលមានតម្លៃត្រឹម១០០០ដុល្លារប៉ុណ្ណោះ។ ក្រោយពីដេកកើតទុក្ខនឹកសោកស្តាយស្រណោះទៅដល់កាមេរ៉ាអស់ជាង១ឆ្នាំនៅថ្ងៃមួយម្ចាស់ផ្ទះរូបនេះអរស្ទើរលោតកញ្ឆោងដ្បិតការមេរ៉ាដែលបាត់នោះបានវិលមករកលោកវិញ…។
លោក Dave ជនជាតិអាមេរិកបាន បាត់បង់ប្រពន្ធរបស់គាត់ឈ្មោះ Erica ដោយសារជំងឺមហារីក បន្ទាប់ពីរៀបការបានពីរឆ្នាំ។ អ្វីៗទាំងអស់ដែលគាត់នៅសេះសល់គឺការចងចាំដែលមាននៅក្នុងរូបភាព ដែលគាត់ថតជាមួយនាងនិងរូបភាពខ្លះនៃបុណ្យសពនាង ដែលលោក Dave ថតដោយផ្ទាល់ដៃ។ ប៉ុន្ដែវាត្រូវបានចោរលួចយកទៅបាត់ ហើយ Dave គ្មានសង្ឃឹមថានឹងរកឃើញវាត្រឡប់មកវិញនោះឡើយ ។លោកDave និង Erica រៀបការក្នុងឆ្នាំ ២០០៩ ប៉ុន្តែ មិនយូរប៉ុន្មាននាង Erica ចេះតែក្រដាស ក៏មានមន្ទិលសង្ស័យខ្លួនឯង ហើយនាងបានទៅស្កែន CT ឃើញមានមហារីកខួរក្បាល។លទ្ធផលនេះបានបំផ្លាញសុភមង្គលប្ដីប្រពន្ធមួយគូនេះ ប៉ុន្ដែនាង Erica នៅតែបន្តមង្គលការជាមួយបុរសជាទីស្រឡាញ់របស់នាងឱ្យទាល់តែបាន។ រហូតដល់ខែធ្នូឆ្នាំ ២០១១ នាងបានលាចាកលោក។ ហើយ Dave គ្មានអ្វីនៅសល់ក្រៅពីពេលវេលាចុងក្រោយនៅជាមួយនាង និងរូបថតអនុស្សាវរីយ៍ដែលថតបានជាង ៣០០ ប៉ុស្តិ៍ក្នុងកាមេរ៉ា Cannon នោះឡើយ។ ក្រោយមកឆ្នាំ ២០១២ មានចោរគាស់ផ្ទះលោក ដោយបានលួចកាមេរ៉ា និងរបស់មានតម្លៃផ្សេងទៀត។ថ្ងៃមួយលោកប៉ូលិស Paul McClaskey និង Jerry Verdugo បានទៅឆែកឆេផ្ទះមួយជាសម្បុកចោរ និងបានរឹបអុសវត្ថុជាច្រើន។ ហើយពួកគេបានឃើញកាមេរ៉ានោះក្នុងផ្ទះជនល្មើស និងភ្លាមៗបានបើកកាមេរ៉ានោះឃើញមានរូបភាពបុណ្យសព។ក្នុងរូបមានមនុស្សច្រើនណាស់ ប៉ូលិសមិនដឹងថាម្នាក់ណាក្នុងរូបនោះជាម្ចាស់កាមេរ៉ានោះទេ។ ប៉ុន្ដែពួកគេបានឃើញផ្ទះពណ៌ខៀវមួយក្នុងរូបថតស្ថិតនៅជិតតំបន់ដែលប៉ូលិសធ្លាប់ស្គាល់។ ក្រោយស្វែងរកអស់មួយឆ្នាំ ពួកគេមិនឃើញមានផ្ទះពណ៌ខៀវឡើយ រហូតដល់អ្នកស្រុកម្នាក់បានប្រាប់ពួកគេថាផ្ទះនេះបានដូរពណ៌ថ្មី ហើយម្ចាស់ផ្ទះនេះបានបាត់បង់ភរិយាដោយសារកើតជំងឺមហារីក។
ប៉ូលិសជឿជាក់ថាបានរកឃើញម្ចាស់របស់កាមេរ៉ា។ លោក Dave សឹងមិនជឿ ថាប៉ូលិសអាចរកឃើញកាមេរ៉ារបស់គាត់ទេ។ ហើយពេលនោះគាត់បានចាប់ផ្ដើមបើកកាមេរ៉ានោះ ទឹកភ្នែកក៏ចាប់ផ្ដើមស្រក់ពេញថ្ពាល់នៅពេលឃើញរូបបុណ្យសពប្រពន្ធគាត់។ គាត់បាននិយាយថា "ពេលបានវាត្រឡប់មកវិញ ខ្ញុំមានអារម្មណ៍ដូចជាប្រពន្ធខ្ញុំកំពុងសម្លឹងមើលមកខ្ញុំអ៊ីចឹង"៕
