[wai id="5"]
[wai id="7"]
…ក្រោយពីដឹងថាកូនស្រីរបស់ខ្លួនមានផ្ទៃពោះជាមួយមិត្តប្រុសដោយពុំទាន់បានរៀបការ…ស្ត្រីជាម្តាយមានអារម្មណ៍ក្តៅក្រហាយតិចៗទៅហើយ តែពេលអាចសង្កត់ភ្លើងកំហឹងបាន…។លុះដល់កូនស្រីចង់ចាកចេញពីផ្ទះទៅរស់នៅជាមួយប្រុសស្នេហ៍ភ្លើងកំហឹងក៏ឆាបឆេះយ៉ាងសន្ធោសន្ធៅតែម្តង!។ស្ត្រីម្នាក់ត្រូវបានចាប់ខ្លួន ក្រោយពីបាញ់សម្លាប់ក្មេងប្រុសជំទង់ម្នាក់ ដែលជាសង្សាររបស់កូនស្រីខ្លួន។
ពាណិជ្ជកម្ម
យោងតាមសារព័ត៌មាន Atlanta Journal-Constitution បានឲ្យដឹងថា អ្នកស្រី Paw Law បានបាញ់សម្លាប់យុវជនឈ្មោះ Nyatole Eh អាយុ១៧ឆ្នាំ ត្រូវជាមិត្តប្រុសកូនស្រីខ្លួន នៅក្នុងផ្ទះល្វែងមួយកន្លែងដែលស្ថិតនៅភាគខាងកើតនៃតំបន់ Ponce de Leon Avenue។ ស្ត្រីជាម្តាយដែលមានវ័យ ៥៧ឆ្នាំរូបនេះ បានខកចិត្តយ៉ាងខ្លាំង បន្ទាប់ពីបានដឹងថាកូនស្រីវ័យ១៨ឆ្នាំរបស់ខ្លួនមានផ្ទៃពោះជាមួយមិត្តប្រុស ហើយចង់ចាកចេញពីផ្ទះ ដើម្បីទៅរស់នៅជាមួយគ្នា នៅឯរដ្ឋ Wisconsin សហរដ្ឋអាមេរិក។ព្រោះតែខឹងរឿងកូនស្រីមានផ្ទៃពោះ ម្តាយហ៊ានទិញកាំភ្លើងបាញ់សម្លាប់មិត្តប្រុសរបស់កូនខ្លួនឯង លោក Jason Elliot ដែលជាប៉ូលិសស៊ើបអង្កេតក្នុងរឿងក្តីនេះ បានប្រាប់ទៅកាន់សារព័ត៌មាន Channel 2 Action News ថា៖“វាមើលទៅដូចជាស្ត្រីជាម្តាយនោះ បានរៀបចំគម្រោងរួចរាល់យ៉ាងអ៊ីចឹង ហើយវាប្រហែលមកពីគាត់មិនចង់ឲ្យកូនស្រីចាកចេញទៅរស់នៅជាមួយមិត្តប្រុសរបស់នាង”។ នៅមុនថ្ងៃកើតហេតុមួយថ្ងៃ ស្ត្រីជាម្តាយបានទៅទិញកាំភ្លើងវែងពីហាងបញ្ចាំមួយកន្លែង បន្ទាប់ពីពួកគេមានជម្លោះជាមួយគ្នានៅក្នុងផ្ទះ។ ព្រឹកថ្ងៃបន្ទាប់ យុវជន Eh ត្រូវបានបាញ់ចំជាច្រើនគ្រាប់នៅក្នុងផ្ទះបាយ ហើយស្ត្រីជាម្តាយក៏មានបំណងចង់បាញ់សម្លាប់ខ្លួនឯងដែរ ប៉ុន្តែត្រូវកូនស្រីឃាត់ជាប់។
លោកប៉ូលិស Elliot បានបន្ថែមថា៖ “ពួកគេកំពុងរៀបចំស្រស់ស្រូបអាហារពេលព្រឹកជាមួយគ្នា ហើយនៅព្រឹកនោះ ពួកគេមិនបានមានជម្លោះនោះទេ។ ស្ត្រីជាម្តាយគ្រាន់តែដើរពីក្រោយជនរងគ្រោះ ហើយក៏បាញ់សម្លាប់គេតែម្តង”។ ចំនែកឯកូនស្រី ដែលកំពុងមានផ្ទៃពោះ៤ខែវិញ បាននិយាយថា នាងពិតជាតក់ស្លុតចំពោះទង្វើរបស់ម្តាយនាងខ្លាំងណាស់។ នាងបានប្រាប់ទៅកាន់សារព័ត៌មាន Channel 2 ថា៖“ខ្ញុំពិតជារន្ធត់ខ្លាំងណាស់។ ខ្ញុំមិនដែលគិតថា រឿងបែបនេះអាចកើតឡើងចំពោះខ្ញុំនោះទេ។ Eh គឺជាមនុស្សប្រុសដ៏ល្អម្នាក់ ហើយគេគ្មានកំហុសទេ”៕
[wai id="6"]
