…នឹកឡើងហួសចិត្តចំពោះទង្វើរបស់ខ្លួនឯងដែលកាលពីដំបូងខំតែបោះជំហានត្រុនៗដូចមនុស្សកំពុងកើតជម្ងឺគ្រុនញាក់សំដៅទៅរកខ្លារខិនមួយក្បាលដែលដេកស្តូកស្តឹងនៅលើថ្នល់ក្នុងបំណងជួយសង្គ្រោះ។ ប៉ុន្តែលុះទៅដល់ជិត ម្នាស់ថ្លៃគ្រាន់តែជាអាវមួយប៉ុណ្ណោះ។
កាលពីព្រឹកថ្ងៃទី3 កុម្ភះ លោក Ben Billy វ័យ៤០ឆ្នាំ បានធ្វើដំណើរឆ្លងកាត់ទីប្រជុំជន Hebden Bridge ហើយគាត់ក៏បានប្រទះឃើញខ្លារខិនមួយក្បាលហាក់ដូចជារងរបួសដេកលើផ្លូវហើយភ្លាមៗនោះគាត់មានចិត្តចូលទៅជួយសង្គ្រោះ។ លោក Ben Billy បានឲ្យដឹង ថា ដោយមានចិត្តអាណិតអាសូរ គាត់បានឈប់ឡានអែបម្ខាងផ្លូវ និងចេញទៅមើលទាំងភ័យញ័រខ្លួន ព្រោះតែខ្លាចខ្លារខិនក្រោកឡើងក្រញៅមុខរបស់គាត់។ តែនៅពេលដែលគាត់ដើរចូលសន្សឹមៗកាន់តែជិតទៅ ទើបដឹងថានោះមិនមែនជាខ្លារខិនឡើយ វាគឺជាអាវក្រៅមានកន្ទុយដែលគេបោះចោលប៉ុណ្ណោ។
ក្រោយពីដឹងការពិតរួចមក លោក Ben Billy ឈរសើចហួសចិត្តម្នាក់ឯង និងចែករំលែករឿងរ៉ាវខាងលើនេះ ទៅលើបណ្ដាញសង្គមហ្វេសប៊ុកផងដែរ៕
លោក Ben Billy
Home សង្គមប្លែកៗ មើលពីចម្ងាយស្មានតែខ្លារខិន…លុះដើរត្រុនៗចូលទៅជិតខ្មាស់គេមែនគ្រាន់តែអាវមួយសោះ