នារីម្នាក់ អាចគេចផុតពីក្រញ៉ាំបិសាចតណ្ហា ដោយធ្វើជាក្អក និងនិយាយប្រាប់ជនល្មោភកាមម្នាក់នោះថា នាងទើបតែវិលត្រឡប់ពីទីក្រុងអ៊ូហាន ប្រទេសចិន ហើយនិងឆ្លងវីរុសអ៊ូហាន Corona។ក្រុមនគរបាល បានអះអាងថា ជនសង្ស័យមានឈ្មោះ Xiao អាយុ២៥ឆ្នាំ បានចូលទៅក្នុងបន្ទប់ដេករបស់នារីរងគ្រោះ កាលពីថ្ងៃសុក្រសប្តាហ៍មុន នៅទីក្រុង Jingshan ប្រទេសចិន នៅជិតចំណុចស្នូលនៃការផ្ទុះវីរុសអ៊ូហាន Corona។
ជនល្មោភកាមម្នាក់នេះ បានព្យាយាមចាប់រំលោភនាងទាំងកម្រោល ប៉ុន្តែនាងបាននិយាយប្រាប់គាត់ថា នាងទើបតែវិលត្រឡប់ពីទីក្រុងអ៊ូហាន ហើយនិងបានឆ្លងវីរុសនេះទៅហើយ ហេតុដូច្នេះហើយនាងនៅផ្ទះម្នាក់ឯង ដើម្បីរស់នៅដាច់ដោយឡែកពីគេ។ជនរងគ្រោះឈ្មោះ Yimou បានធ្វើជាក្អកខ្លាំងៗពេលដែលនាងព្យាយាមរុញជនល្មោភកាមចេញ ពេលដែលគាត់កំពុងថើបញក់ញីត្រង់ក.របស់នាង។ជងសង្ស័យមានការតក់ស្លុតជាខ្លាំងពេលឮនារីរងគ្រោះអះអាងបែបនេះ ហើយក៏បានដាក់មេប្រូចរត់ផាស់ក្រញ៉ាំទៅបាត់ ដោយបានទាំងលួចទូរស័ព្ទ និងលុយ៣.០៨០យ័នពីនាង។មន្ទីរសន្តិសុខសាធារណៈក្រុង Jingshan បានរៀបរាប់រឿងរ៉ាវដែលបានកើតឡើងនៅតាមព័ត៌មានសង្គម ។ដោយពួកគេបានអះអាងថា ជនសង្ស័ម្នាក់នេះ បានប្រគល់ខ្លួនឲ្យក្រុមនគរបាល ដោយមកជាមួយឪពុករបស់គាត់ ក្រោយពេលក្រុមមន្ត្រីបើកការឆេកឆេរស្វែងរកចាប់ខ្លួនឧក្រិដ្ឋជននៅក្នុងទីក្រុង Pingba ដែលជិះរថយន្តប្រហែល៣ម៉ោងពីទីក្រុងអ៊ូហាន។ឧក្រិដ្ឋជនម្នាក់នេះ បានសារភាពចំពោះករណីលួចគាស់ទ្វារ ប៉ុន្តែពេលមើលឃើញនារីម្នាក់នៅម្នាក់ឯងមើលទៅដូចជាទំនង ក៏មានបំណងចង់ចាប់រំលោភនាងបែបនេះតែម្តង។
ក្រុមនគរបាលនិយាយថា ជនសង្ស័យបានបែកគំនិត ក្រោយពីឈ្លោះប្រកែកគ្នាជាមួយគ្រួសាររបស់គាត់ ហើយពេលដែលគាត់អត់លុយ គាត់ក៏បានលួចគាស់ផ្ទះនារីរងគ្រោះតែម្តង។ គាត់បានពាក់ម៉ាស់ ពេលប្រព្រឹត្តបទឧក្រិដ្ឋ ប៉ុន្តែនារីរងគ្រោះ អាចស្គាល់ភិនភាគរបស់គាត់ និងស្គាល់សំឡេងជនសង្ស័យបានយ៉ាងច្បាស់៕
