កូនឆ្កែដ៏គួរឲ្យស្រលាញ់មួយក្បាលនេះ គឺជាសត្វឆ្កែដូចក្នុងរឿងព្រេងដែលពេលនេះវាមានជីវិតពិតប្រាកដ ក្រោយពេលវាកើតមកមានភ្នែកមួយនៅកណ្តាលថ្ងាសរបស់វា នៅភាគកណ្តាលប្រទេសថៃ។កូនឆ្កែដ៏ចម្លែកនេះ មានឈ្មោះក្រៅហៅថា អា Kevin ដោយវាមានភ្នែកមួយគត់នៅកណ្តាលក្បាលរបស់វា ហើយនិងមានរន្ធច្រមុះតែមួយដូចគ្នា ជាមួយនឹងបបូរមាត់ធំៗចំនួន២ ពោលគឺវាដូចស្វាជាជាងដូចឆ្កែ។
ចំណែកមេរបស់វា ហៅមី Aspin ជាឆ្កែបង្កាត់ពូជជាមួយឆ្កែហ្វីលីពីន ប៉ុន្តែគេនៅមិនទាន់ដឹងច្បាស់នោះទេ ថាតើបារបស់វាគឺជាអ្វី។ប៉ុន្តែចាប់តាំងពីពេលវាកើតកាលពីព្រឹកថ្ងៃអាទិត្យ អា Kevin មានសុខភាពរឹងមាំ ហើយបច្ចុប្បន្នវាបៅទឹកដោះគោជារៀងរាល់ថ្ងៃ។តាមធម្មតា ឆ្កែបង្កាត់ពូជរបស់អា Kevin អាចរស់បានប្រហែល១៤ឆ្នាំ ប៉ុន្តែសម្រាប់កូនឆ្កែមួយក្បាលនេះ អាយុរបស់វាប្រហែលជាតិចជាងនេះ ដោយសារតែពិការភាពរបស់វា។ស្របពេលដែលសត្វឆ្កែដ៏ទៃទៀត អាចបត់បែននឹងជីវិតជាមួយនឹងភ្នែកម្ខាងបាននោះ ភាពខុសពីប្រក្រតីរបស់អា Kevin ដែលមានច្រមុះតែមួយ វានឹងបង្កបញ្ហាច្រើនដល់ជីវិតរបស់វា។ដោយឡែក ម្ចាស់ឆ្កែ បាននិយាយថា ភាគច្រើននៃករណីចម្លែកបែបនេះ មិនថា ឆ្កែ ជ្រូក និងពពែទេ គឺពួកវាមិនអាចរស់បានជាង១សប្តាហ៍នោះឡើយ។
ទោះបីជាយ៉ាងណាក៏ដោយ វីដេអូដែលបានបង្ហាញ ឃើញកូនឆ្កែភ្នែកមួយនេះ កំពុងប្រលែងលេងជាមួយនឹងមេរបស់វា បងប្រុស អា Mah របស់វា និងម្ចាស់របស់វា គឺលោក Somjai Phummaman អាយុ៤៥ឆ្នាំ និងអ្នកស្រី Amphan អាយុ៤៩ឆ្នាំ នៅក្នុងផ្ទះរបស់ពួកគេ។លោក Somjai ដែលជាបុគ្កលឹកបម្រើការងាររដ្ឋ បាននិយាយថា គាត់បានស្លៀកពាក់ឲ្យវា ពេលគាត់ឃើញមេឆ្កែរបស់លោក កើតបានកូន២ក្បាល គឺអា Kevin និងអា Mah ។ លោកបានដាក់វាទៅក្នុងកន្ត្រក ដើម្បីឲ្យវាកក់ក្តៅ ៕
