….ស្ត្រីវ័យក្មេងម្នាក់នេះក្រោយពីស្វាងស្រាមិនដឹងជាខ្មាស់គេយ៉ាងណានោះទេ…ព្រោះកាលពីស្រវឹងប្រៀបបានជាតោញីមួយក្បាលយ៉ាងអញ្ចឹង ស្រែកចេចចាច ចេញក្បាច់គុនអត់មានញញើតញញើមអ្នកណាម្នាក់ឡើយ សូម្បីតែប៉ូលិសក៏វ៉ៃដែរ។ស្ត្រីវ័យក្មេងម្នាក់នៅក្នុងប្រទេសចិន បានបង្កឲ្យមានការភ្ញាក់ផ្អើលជាខ្លាំង ខណៈនាងត្រូវបានឃើញដេកស្តូកស្តឹង នៅអែបនឹងចិញ្ចើមផ្លូវ ហើយត្រូវប៉ូលីសអូសដូចគល់ឈើ។
បើតាមប្រភពព័ត៌មានបានឲ្យដឹងថា កាលពីរសៀលថ្ងៃកន្លងទៅនេះ អ្នកបើកបរតាក់ស៊ីម្នាក់ បានខលហៅប៉ូលីសមកអន្តរាគមន៍ បន្ទាប់ពីស្ត្រីអ្នកដំណើរម្នាក់នេះបដិសេធបង់ថ្លៃឈ្នួលជិះរថយន្ត ២៧ យ័ន ។ ហើយបន្ទាប់ពីប៉ូលីសបានមកដល់កន្លែងកើតហេតុ ពួកគេបានចំនួនឃើញថា ស្ត្រីរូបនោះនិយាយស្តាប់គ្នាពុំបាន ដោយស្រវឹងស្រា ។ក្នុងអំឡុងពេលសម្រុះសម្រួល នារីវ័យក្មេងនោះ ស្រាប់តែដាល់អ្នករត់តាក់ស៊ី ប៉ុន្តែ ត្រូវបានប៉ូលីសបញ្ឈប់សកម្មភាពហិង្សារបស់នាងផងដែរ ។ បន្ទាប់ពីធ្វើការបញ្ចុះបញ្ចូល នារីរូបនេះបានយល់ព្រមបង់ថ្លៃឈ្នួលជិះរថយន្ត ២០ យ័ន ។ នៅពេលអ្នករត់តាក់ស៊ីទទួលលុយចាកចេញ នាងក៏ស្ទុះទៅ ដាល់ ប៉ូលីស ។ ហើយ ក៏បានប្រាសខ្លួនដេកពាំងផ្លូវតាក់ស៊ីទៀតផង ។
ដើម្បីចៀសវាងពីរឿងរ៉ាវចោទប្រកាន់ណាមួយ ប៉ូលីសក៏បានទាក់ទងទៅគ្រួសាររបស់នាង និងសម្រេចអូសនាងឡើងរថយន្តទៅកាន់ប៉ុស្តិ៍ប៉ូលីស ដើម្បីឲ្យនាងស្ងប់ចិត្ត មុនពេលដោះស្រាយរឿងរ៉ាវជាក្រោយ ៕
