ព្រះវិហារបង្រួបបង្រួមកូរ៉េខាងត្បូង ដែលបង្កើតឡើងដោយស្ថាបនិក Sun Myung Moonបានរៀបចំពិធីអាពាហ៍ពិពាហ៍ទ្រង់ទ្រាយធំមួយនៅថ្ងៃសុក្រនេះ ស្របពេលមានការរីករាលនៃវីរុសអ៊ូហាន Coronaប្រភេទថ្មីចេញពីប្រទេសចិន នៅក្នុងប្រទេសនេះ។កូនកម្លោះកូនក្រមុំប្រហែលជាង៦ពាន់គូ មកពីបណ្តាលប្រទេសចំនួន២៤ បានចូលរួមពិធីនៅក្នុងមជ្ឈមណ្ឌល Cheongshim World Peace ស្ថិតនៅក្នុងទីក្រុងហ្គាប់យ៉ុង ចម្ងាយប្រហែល៦០គ.មភាគឦសាននៃរដ្ឋធានីសេអ៊ូល។
គូស្នេហ៍ដែលបាននិយាយថាពួកគេស្គាល់គ្នាតាមរយៈសកម្មភាពព្រះវិហារ និងការណែនាំពីឪពុកម្តាយនោះ បានស្បថស្បែជាមួយគ្នានៅមុខភ្ញៀវប្រហែល១៨.០០០នាក់ មកពីទូទាំងពិភពលោក។ប្តីប្រពន្ធថ្មោងថ្មីទាំងនេះ បាននិយាយថា ពួកគេមិនរំជើបរំជួលចំពោះវីរុស Coronaដែលបានសម្លាប់មនុស្សជាង៦០០នាក់នៅចិននោះទេ។ថ្វីត្បិតតែមានការភ័យខ្លាចចំពោះការរីករាលដាលនៃវីរុសនេះក៏ដោយ ក៏ភ្ញៀវដែលចូលរួមក្នុងពិធីនេះ មិនបានពាក់ម៉ាស់នោះដែរ បើទោះបីជាកូនកម្លោះកូនក្រមុំមួយចំនួនពាក់ម៉ាស់ក៏ដោយ។ក្រុមអ្នករៀបចំអាពាហ៍ពិពាហ៍ បាននិយាយថា ទីតាំងរៀបចំនេះ ត្រូវបានបាញ់សម្លាប់មេរោគ ហើយកាមេរ៉ាតាមដានកម្តៅ ត្រូវបានបំពាក់យ៉ាងល្អ។ក្រុមអ្នករៀបចំអាពាហ៍ពិពាហ៍ បាននិយាយប្រាប់ទីភ្នាក់ងារព័ត៌មាន APថា គ្មានកូនកម្លោះកូនក្រមុំណាម្នាក់ បានលប់ចោលការធ្វើដំណើររបស់ពួកគេ ដោយសារតែវីរុស Coronaនោះឡើយ។គិតមកទល់នឹងពេលនេះ មនុស្ស២៤នាក់ បានឆ្លងនៅក្នុងប្រទេសកូរ៉េខាងត្បូង។សូមបញ្ជាក់ថា ពិធីបុណ្យ ពិធីបញ្ចប់ការសិក្សា និងការប្រគុំតន្ត្រីរបស់ក្រុមតារាងចម្រៀង K-pop ត្រូវបានលប់ចោលទាំងអស់ដោយសារតែការភ័យខ្លាចថាព្រឹត្តការណ៍ធំៗ អាចនឹងងាយឆ្លងវីរុស ហើយក្រុមអាជ្ញាធរ បានស្នើសុំដល់ក្រុមសាសនា ចូលរួមសហប្រតិបត្តិការក្នុងការការពារការរីករាលឆ្លងនៃវីរុសនេះ។
ទោះបីជាយ៉ាងណាក៏ដោយ ព្រះវិហារបានបន្តព្រឹត្តការណ៍អាពាហ៍ពិពាហ៍ទ្រង់ទ្រាយធំនេះ តាមការគ្រោងទុក ដោយសារតែពួកគេបានចំណាយពេល៤ឆ្នាំទើបអាចបង្កើតកម្មវិធីនេះបាន ហើយម្យ៉ាងវិញទៀត វាគឺជាការខួបកំណើតលើកទី១០០របស់លោក Moon ផងដែរ។លោក Jang Young-chul គឺជាមន្ត្រីមួយរូបដែលរៀបចំកម្មវិធីនេះ បាននិយាយថា ប៉ុន្តែភ្ញៀវដែលមកពីចិន ត្រូវបានស្នើសុំមិនឲ្យចូលរួមនោះទេ៕
Home សង្គមប្លែកៗ ចិត្តសឿងមែន! កូនកម្លោះកូនក្រមុំរ៦ពាន់គូបានរៀបការទ្រង់ទ្រាយធំបំផុតដោយមិនខ្លាចឆ្លងវីរុសអ៊ូហាន Coronaប្រភេទថ្មី