…រឿងវ៉ៃតប់ ទាត់ធាក់ដូចក្នុងខ្សែភាពយន្តដែលបង្ករឡើងដោយស្ត្រីជាប្រពន្ធដើមទៅលើស្ត្រីដែលជាគូកំណាន់លួចលាក់របស់ប្តីបានកើតឡើងច្រើនរូបភាពណាស់…រហូតមានករណីខ្លះបណ្តាលឲ្យបាត់បង់ជីវិតនិងអ្នកជាប់គុក។ ដែលបញ្ហានេះសូមស្ត្រីទាំងឡាយដែលជួបនូវរឿងរ៉ាវលោកប្តីខ្លួនមួយកំពុងតែជិះទូកពីរកុំប៉ះដៃយកដៃ ប៉ះជើងយកជើងធ្វើទៅលើស្ត្រីជាប្រពន្ធចុងរបស់ប្តី ពីព្រោះបើទំពក់វាមិនទៅ ផ្លែព្នៅក៏វាមិនជ្រុះមកដីដែរ។
ដូចករណីស្ត្រីម្នាក់នេះបានផុងប្រាណស្រឡាញ់បុរសម្នាក់អស់រយៈពេលជាច្រើនឆ្នាំមកហើយដោយនាងពុំបានដឹងទាល់តែសោះថាបុរសម្នាក់នេះកំពុងតែមានប្រពន្ធនោះទេ។ លុះដល់នាងជួបនូវរឿងអាម៉ាស់ទើបនាងភ្ញាក់ខ្លួនព្រើត!។ តាមរយៈរូបភាពជាច្រើនសន្លឹកត្រូវបានគេចែកចាយពេញបណ្ដាញសង្គមហ្វេបុក និយាយអំពីនារីស្រស់ស្អាតដែលជាស្ដ្រីជនជាតិវៀតណាម ម្នាក់បានយកប្ដីគេ រយៈពេលជាច្រើនឆ្នាំទើប ប្រពន្ធដើមគេដឹង ហើយក៏ចាប់សម្រាតខោអាវអស់រលីងពីខ្លួន។រឿងស្រាតខោអាវមធ្យមទេ តែអ្វីដែលរន្ធត់បំផុតនោះគឺ ប្រពន្ធដើមបានយក ម្សៅម្ទេស និង ទឹកត្រីចាក់ស្រោចពេញខ្លួនប្រាណនារីរងគ្រោះតែម្ដង។ មិនដឹងថានាងឈឺចាប់យ៉ាងណានោះទេ។នារីដែលរងគ្រោះម្នាក់នោះគេមិនបានស្គាល់ឈ្មោះរបស់នាងនោះទេ គ្រាន់តែដឹងថា នាងជា ម្ចាស់គ្លីនិក មួយកន្លែង នៅក្នុងខេត្ត Thanh Hoá ។បន្ទាប់ពីហេតុការណ៍នេះកើតឡើងស្ដ្រីរងគ្រោះត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យផងដែរ។
នៅពេលដែលនាងបានធូរស្បើយពីមុខរបួសនាង បានបង្ហោះសារនៅលើបណ្ដាញសង្គមរបស់នាងថា ស្អប់មនុស្សប្រុសម្នាក់នេះខ្លាំងណាស់ ដែលធ្វើអោយនាងជួបនៅភាពអាម៉ាស់មុខបែបនេះ៕
Home សង្គមប្លែកៗ អូនស្មោះចំពោះប្រុសបងអស់ជាច្រើនឆ្នាំអត់ដឹងសោះថាប្រុសថ្លើមថ្លៃខ្លួនមួយកំពុងជិះទូកពីរត្រូវនាងដើមវ៉ៃប្រាវ