…ឃើញម៉ាក់ចេញទៅក្រៅផ្ទះ…ក្មេងស្រីច្រម៉ក់២នាក់នេះបានស្ទុះភ្លែតចូលក្នុងបន្ទប់ ចាក់បទចំរៀងហើយរាំញាក់គ្រវីគូទយ៉ាងសប្បាយក្អាកក្អាយ។ ខណៈពេលកំពុងស្លុងទៅដោយអារម្មណ៍សប្បាយរីករាយ ប្រឹងគ្រវីគូទទៅតាមចង្វាក់ភ្លេង ស្រាប់តែទ្វាបន្ទប់របើកឃ្វាំង…កូនៗស្រែកយ៉ៃ…។វីដេអូឃ្លីប របស់ក្មេងស្រីវ័យជំទង់២នាក់ជនជាតិអេស្ប៉ាញ កំពុងតែទទួលបានការចាប់អារម្មណ៍យ៉ាងខ្លាំង នៅលើបណ្តាញសង្គម រហូតអាចធ្វើឲ្យអ្នកទស្សនាផ្ទុះសំណើច ក្រោយពួកនាងត្រូវម្តាយតាមទាន់ ដោះស្បែកជើងវ៉ៃក្បាល ខណៈពេលកំពុងតែសំងំរាំក្បាច់គ្រលែងស្ទើរដាច់ចង្កេះ ។
បើតាមវីដេអូឃ្លីប ដែលត្រូវបានបង្ហោះចែកចាយលើអ៊ីនធើណែត បានបង្ហាញ ពីសកម្មភាពរបស់នារីវ័យជំទង់ទាំង២នាក់ខាងលើនេះ កំពុងតែរាំ ញាក់គូទ) ដែលមានការពេញនិយមខ្លាំងនៅអឺរ៉ុប យ៉ាងស៊ីអារម្មណ៍បំផុត ទៅតាមចង្វាក់ភ្លេង នៅមុខកាម៉េរាដែលពួកនាងបានថតក្នុងបន្ទប់។ប៉ុន្តែ ការចាប់ផ្តើមមិនទាន់ទាំងបានប៉ុន្មានផង ក៏ស្រាប់តែ ម្តាយរបស់ពួកនាងបើកទ្វារបន្ទប់ចូលមក ឃើញសភាពបែបនេះ ខឹងស្ទុះដោះស្បែកជើង ទៅវ៉ៃក្បាលពួកនាងតែម្តង ទាំងដៃកណ្ដៀតកន្ត្រកខោអាវជាប់។ក្នុងនោះ គេបានឮសូរសំឡេង ក្មេងស្រីជំទង់នៅដើមទ្វារ ស្រែកទាំងភ្ញាក់និងភ័យស្លន់ស្លោ ពេលដែលត្រូវម្តាយនាងវ៉ៃ ខណៈដែលក្មេងស្រីជំទង់មួយរូបទៀត ក៏បានស្ទុះទៅចុចបិទការថតវីដេអូឃ្លីបរបស់ពួកនាងផងដែរ។
គួរឲ្យដឹងផងដែរថា បន្ទាប់ពីវីដេអូឃ្លីបនេះ ត្រូវបានបង្ហោះចែកចាយ អ្នកលេងបណ្តាញសង្គមជាច្រើន បានសម្ដែងការហួសចិត្ត និងអស់សំណើចយ៉ាងខ្លាំង នូវអ្វីដែលបានកើតឡើងនេះ ៕
