…នៅក្នុងរូបភាពវីដេអូមួយនេះប្រិយមិត្តានឃើញហើយច្បាស់ជាសង្គ្រឺតធ្មេញគ្រឺតៗខឹងទៅដល់អ្នកបើកបររថយន្តនោះជាខ្លាំងដែល ដូចជាព្រហើនពេកបើកឡានមកបង្ករហេតុដាក់គេ…ដល់គេខឹងសងវិញគប់មួយដុំថ្មក៏តាំងធ្វើចរិតបែបជនអន្ធពាល។ហេតុការណ៍នេះ បាន កើតឡើង នៅតាមបណ្តោយផ្លូវមួយកន្លែង ស្ថិតក្នុងទីក្រុង Lianyungang ភាគខាងជើងខេត្ត Jiangsu ប្រទេសចិន។
តាមរយៈវីដេអូឃ្លីបថតជាប់ដោយកាម៉េរាសុវត្ថិភាព នៅក្នុងថ្ងៃកើតហេតុនោះ គេឃើញនារី ចំនួន ២នាក់ បានធ្វើដំណើរដោយថ្មើរជើង អែបតាមចិញ្ចើមផ្លូវមួយកន្លែងក្នុងទីក្រុង Lianyungangហើយ ស្របពេលនោះក៏មានរថយន្តពណ៌.ស មួយគ្រឿង បានបើកយឺតៗពីក្រោយពួកនាង។ ហើយភ្លាមៗនោះ ក៏ស្រាប់តែធ្វើសកម្មភាព បើកកៀរនារី ទាំងពីរ ហាក់មានចេតនា ចង់បំបិទផ្លូវមិនឲ្យដើរ។ដោយសារតែ ខឹងក្តៅចិត្តខ្លាំងពេក ទៅនឹងទង្វើអសីលធម៌របស់អ្នកបើកបរ រូប នោះ នារីរងគ្រោះដែលដើរនៅខាងមុខគេ ពាក់អាវពណ៌ខ្មៅ ខោខូវប៊យខៀវ ដែលប៊ិះតែនឹងត្រូវឡានកៀរដួលនោះ ក៏ស្រាប់តែប្រវេប្រវា ស្ទុះអោនរើសដុំ ថ្ម គប់កញ្ចក់ឡានផ្ទៃខាងមុខតែម្តង ប៉ុន្តែមិនបានបែកនោះឡើយ។ ហើយភ្លាមៗនោះ ម្ចាស់រថយន្តទំនងជាក្តៅចិត្តនឹងនាងវិញ ក៏បានបើករថយន្តបំបុកកិនពីលើតែម្តង។ក្រោយកើតហេតុ អ្នកដំណើរជាច្រើន ក៏បានប្រញាប់ប្រញាល់រត់ចូលជួយ រុញបង្ហើបរថយន្តដើម្បីរំដោះនារីរងគ្រោះ ចេញពីក្រោមរថយន្ត នោះ។ បន្ទាប់មក នាងក៏ត្រូវបានគេបញ្ជូនទៅសង្គ្រោះនៅមន្ទីរពេទ្យ។បើទោះបីជាយ៉ាងណាក្តី នារីរងគ្រោះ បានធូរស្បើយ និងមិនមានអ្វីគំរាមកំហែងខ្លាំង ដល់អាយុជីវិតនាងនោះឡើយ។ នោះក៏ដោយសារតែ មានការជួយសង្គ្រោះពីអ្នកនៅជុំវិញ និងបានបញ្ជូនមកមន្ទីរពេទ្យទាន់ពេលវេលា។
គួរឲ្យដឹងផងដែរថា ទាក់ទងទៅនឹងករណីខាងលើនេះទៀតសោត ប្រភពមិនបានឲ្យដឹងច្បាស់ទេថា ជាករណីប៉ុនប៉ង គំនុំសងសឹក ហើយនឹងមានការឃាត់ខ្លួនម្ចាស់រថយន្ត ដើម្បីចាត់ការតាមផ្លូវច្បាប់ ឬយ៉ាងណានោះទេ ៕
