…មានឈ្មោះត្រឹមតែជាគូសង្សាក្រោយពេលបែកបាក់ចែកផ្លូវគ្នាដើរគ្មាបានអ្វីក្រៅតែពីទឹកភ្នែកប៉ុណ្ណោះ។ តែផ្ទុយទៅវិញចំពោះគូស្នេហ៍មួយនេះបានបែកគ្នាក្រោមរឿងរ៉ាវដែលអ្នកផងទាំងឡាយជញ្ជក់មាត់សរសើរថា…ហេតុតែខាងប្រុសជាកូនសេដ្ឋី…។ បុរសវ័យ ២៣ឆ្នាំមួយរូប មកពីភាគខាងកើតនៃប្រទេសចិន បានត្រឡប់ទៅយកលុយ ២លានយ័ន គឺប្រហែល ៣១៤,៩៦៥ ដុល្លារអាមេរិក ដែលជាថ្លៃបែកគ្នាជាមួយមិត្តស្រីវិញ បន្ទាប់ពីនាងបដិសេធមិនព្រមទទួល ព្រោះគិតថាវាតិចពេក។រឿងហេតុបានចាប់ផ្តើម នៅពេលដែលនារី២នាក់ បានទៅដល់បារមួយកន្លែងនៅក្នុងទីក្រុង Hangzhou ខេត្ត Zhejiang ប្រទេសចិន។ ពួកគេទាំងពីរ មានវ័យប្រហែលខ្ទង់២០ឆ្នាំ និងបានស្លៀកពាក់យ៉ាងស្រស់ស្អាតតែម្តង។
សារព័ត៌មាន Sina News បានចុះផ្សាយថា បុគ្គលិកប្រចាំនៅបារបានបញ្ជាក់ថា នារីទាំងពីរនាក់ បានកម្ម៉ង់គ្រឿងស្រវឹងខ្លះៗ មុនពេលដែលបុរសវ័យក្មេងខ្ពស់សង្ហា ដែលភ្ជាប់មកជាមួយវ៉ាលីសពណ៌ទឹកប្រាក់មកចូលរួមជាមួយពួកនាង។ ប៉ុន្តែ រហូតដល់ពាក់កណ្តាលអាធ្រាត្រ ពួកគេក៏ចាប់ផ្តើមមានជម្លោះជាមួយគ្នាតែម្តង។ក្រោយមក បុរសម្នាក់នោះ ក៏ចេញពីកន្លែងកើតហេតុ ទុកឲ្យស្រីៗទាំងពីរ និងវ៉ាលីស នៅក្នុងបារ។ បន្ទាប់មក នារីទាំងពីរនាក់នោះ ក៏ចេញពីបារ ហើយទុកវ៉ាលីសចោលតែម្តង។ឃើញបែបនេះ បុគ្គលិកនៅក្នុងបារក៏បានរាយការណ៍ទៅអ្នកគ្រប់គ្រង ហើយពួកគេក៏បានទាក់ទងទៅប៉ូលិសបន្តទៀត។អាជ្ញាធរបានរក្សាទុកវ៉ាលីសនោះ ដោយបានរកឃើញថា នៅក្នុងនោះមានផ្ទុកសុទ្ធតែក្រដាសប្រាក់ ១០០យ័ន ដែល មានតម្លៃ ប្រហែល ៣១៤,៩៦៥ ដុល្លារអាមេរិក ឯណោះ។ក្រោយមក បន្ទាប់បុរសជាសង្សា បានទៅស្វែងរកវ៉ាលីសរបស់គេវិញ នៅព្រឹកថ្ងៃ បុរសដែលបានទៅដល់ប៉ុស្តិ៍ប៉ូលិសជាមួយរថយន្ត Rolls-Royceនោះ មានអាយុ ២៣ឆ្នាំ បានបញ្ជាក់ថា នៅក្នុងចំណោមស្រីៗទាំងពីរនាក់នោះ មានម្នាក់ជាអតីតមិត្តស្រីរបស់គេ ដែលបានទាមទារថ្លៃបែកគ្នាដល់ទៅ ៥លានយ័ន ប្រហែលជិត ៨សែនដុល្លារ ដុល្លារអាមេរិក។បុរសរូបនេះ បានប្រាប់ ប៉ូលិសថា៖«ខ្ញុំបានបែកគ្នាជាមួយនាង។ នាងទារលុយពីខ្ញុំ៥លានយ័ន សម្រាប់ការបែកគ្នានេះ។
ខ្ញុំក៏បានប្រើវ៉ាលីសនេះ ដើម្បីដាក់លុយ ២លានយ័នឲ្យនាង។ ខ្ញុំបានជួបនាងនៅក្នុងបារមួយនោះ ហើយខ្ញុំប្រាប់នាងថា ខ្ញុំយកមកតែ២លានទេ ហើយខ្ញុំក៏ចេញទៅ។» សរុបទៅ ដោយសារតែលុយនោះមិនគ្រប់គ្រាន់ទៅតាមការស្នើសុំ ដូច្នេះហើយទើបនារីជាអតីតមិត្តស្រីនោះ ទុកវ៉ាលីសជាមួយលុយ២លានយ័នចោល ហើយក៏ទាក់ទងទៅបុរសនោះវិញថា នាងមិនបានយកលុយនោះទេ។បន្ទាប់ពីប៉ូលិសបានកោះហៅនារីជាអតីតសង្សាមកសាកសួរ នាងបានពន្យល់ថា៖«គាត់និយាយថា គាត់ឲ្យខ្ញុំតែ២លានយ័នប៉ុណ្ណោះ។ ខ្ញុំមិនត្រូវការវា ដូច្នេះខ្ញុំក៏ចាកចេញទៅ។ បន្ទាប់មកខ្ញុំក៏ទាក់ទងតាមទូរសព្ទទៅគាត់ ហើយប្រាប់ថា ខ្ញុំមិនចង់បានលុយនោះទេ ឲ្យគាត់ទៅយកវាវិញទៅ៕»