[wai id="5"]
…នៅពេលដែលលោកតាអះអាងប្រាប់ថា…តាំងពីក្មេងរហូតមកដល់អាយុ៨៣ឆ្នាំនេះគាត់ពុំបានបរិភោគអាហារនឹងផឹកទឹកនោះទេ អស់លោកដុកទ័រម្នាក់ៗផ្ទុះសំណើចកក្អឹកចាត់ទុកថាលោកតានិយាយកំប្លែងលេងសើច ប៉ុន្តែដល់លោកតានៅតែអះអាងដដែលជាដដែលដោយទឹកមុខស្ងួតចែសអស់លោកដុកទ័រទាំងឡាយនោះមានតែការធ្វើពិសោធន៍ប៉ុណ្ណោះរួចហើយម្នាក់ៗសឹងដាច់ផ្ងារទៅក្រោយ ដ្បិតលោកតានិយាយពិតប្រាកដមែន។ជាការពិតណាស់ គ្រប់សភាវៈមានជីវិតទាំងអស់នៅលើផែនដីនេះ សុទ្ធតែត្រូវការអាហារជាចាំបាច់ទើបអាចមានជីវិតរស់បាន។ តើមនុស្សអាចរស់រានមានជីវិតបានដោយរបៀបណា បើអត់បរិភោគអាហារ និងទឹករយៈវែងបែបនេះ?
ពាណិជ្ជកម្ម
នេះជាសំនួរដែលត្រូវបានគេចោតសួរ។ប៉ុន្តែផ្ទុយទៅវិញលោកតាPrahlad Jani អាយុ៨៣ឆ្នាំ រស់នៅក្នុងរូងភ្នំ ក្បែរវិហារអាំបាជី នៃប្រទេសឥណ្ឌា ត្រូវបានអះអាងថារស់នៅដោយមិនបរិភោគអាហារនិងទឹក តាំងតែពីគាត់មានអាយុ៧ឆ្នាំ មកម្លេះដែលជាការដើរបញ្ច្រាសនូវក្រិត្យក្រមធម្មជាតិ។ចំពោះការអះអាង នេះបានធ្វើឲ្យក្រុមវេជ្ជបណ្ឌិត និងអ្នកឯកទេសល្បីៗជាច្រើនមានមន្ទិល ហើយពួកគេក៏បាននាំលោក Prahlad Jani មកមន្ទីពេទ្យមួយដែលមានឈ្មោះថា Sterling Hospital ក្នុងរដ្ឋអាមេដាបាដ នៃប្រទេសឥណ្ឌា ដើម្បីធ្វើការពិសោធន៍។លោកតា ត្រូវបានគេដាក់នៅក្នុងបន្ទប់ដាច់ដោយឡែកមួយនិងមិនអនុញ្ញាតិឲ្យមានមនុស្សណាម្នាក់នៅក្បែរ និងស្ថិតនៅក្រោមការតាមដានដោយកាមេរ៉ាសុវត្ថភាព២៤ម៉ោងលើ២៤ម៉ោង និងគ្មានការផ្តល់អាហារនិងទឹកក្នុងរយៈពេល១៥ថ្ងៃ។លទ្ធផលគឺពិតជាធ្វើឲ្យក្រុមវេជ្ជបណ្ឌិត និងអ្នកឯកទេសមានការភ្ញាក់ផ្អើលនិយាយមិនចេញ ដោយឃើញលោកតា Jani នៅតែមានសុខភាពធម្មតា ហាក់ដូចជាគ្មានរឿងអ្វីកើតឡើងចំពោះគាត់។
ក្រៅតែពីធ្វើឲ្យក្រុមវេជ្ជបណ្ឌិត និងអ្នកឯកទេសកប់យោបល់ដោយសារតែគាត់អាចរស់រានមានជីវិតបានដោយមិនបាច់បរិភោគអាហារនិងទឹកនោះ លោក Jani ក៏ត្រូវបានក្រុមវេជ្ជបណ្ឌិត និងអ្នកឯកទេស អះអាងថាថ្វីត្បិតតែគាត់មានវ័យ៨៣ឆ្នាំក៏ពិតមែន តែប្រាជ្ញា និង ស្មារតីរបស់គាត់គឺវាងវៃដូចជាមនុស្សអាយុ២៥ឆ្នាំអីចឹង៕
