[wai id="5"]
ពាណិជ្ជកម្ម
…បណ្តាតារាសម្តែងវ៉ៃតប់ក្នុងខ្សែភាពយន្តដូចជាឈិន ឡុង-កុំកុំ-លីលានជាលីតាវហ៊ួរនិងចូវយ៉ុងហ្វាតជាដើមមានប្រាក់ក្នុងខ្លួនម្នាក់ៗរាប់សិបលានដុល្លារដោយសារតែប្រើកណ្តាប់ដៃរន្ទះជើងកន្ត្រៃហោះស្រែកចេចចាចវ៉ៃកប់ទាត់ធាក់ក្នុងខ្សែភាពយន្តហត់ឡើងគឃូសពេលខ្លះភ្លាត់ស្នៀតរងរបួសទៀតផង។ដោយឡែកបើក្រឡេកមកមើលចុងភៅម្នាក់នេះវិញគ្រាន់តែប្រើក្បាច់រោយអំបិលមួយក្តាប់ប៉ុណ្ណោះ ក៏ទៅជាចុងភៅល្បីឈ្មោះមានប្រាក់រាប់សិបលានដុល្លារដែរ...។បណ្តាប្រិយមិត្តដែលនិយមលេងបណ្តាញសង្គម Facebook Instagram និង ទស្សនាវីដេអូរលើ Youtube ប្រាកដជាធ្លាប់ឃើញវីដេអូរបុរសសាច់ដុំម្នាក់អាំងសាច់ ហើយចុងក្រោយគាត់តែងតែរោយអំបិលលើម្ហូបដែលគាត់បានចម្អិនគួរឱ្យអស់សំណើច ។
តាមពិតនេះគ្រាន់តែជាកាយវិការរោយអំបិលលើម្ហូប ដែលចុងភៅម្នាក់នេះតែងតែធ្វើវា របៀបជាកំប្លែងលេងសើចជាមួយនិងអតិថិជនរបស់ខ្លួនតែប៉ុណ្ណោះ ។ ប៉ុន្តែលោកអ្នកជឿទេថា ក្បាច់រោយអំបិលលើម្ហូបបែបនេះអាចផ្លាស់ប្តូរជីវិតគាត់ស្ទើរតែទាំងស្រុង ពីជនធម្មតាទៅជាមហាសេដ្ឋី ។ លោក Salt Bae ជាម្ចាស់ភោជនីយដ្ឋានល្បីឈ្មោះមួយកន្លែងនៅក្នុងប្រទេសតួគី ។ ពីមុនរូបលោកផ្ទាល់ និងភោជនីយដ្ឋានរបស់លោកគឺគ្រាន់តែជាកន្លែងមួយលក់ម្ហូប លក់ភេសជ្ជៈសាមញ្ញធម្មតា ហើយរូបលោកក៏ជាចុងភៅធម្មតានៅក្នុងហាងមិនសូវមានអ្នកណាស្គាល់ច្រើនឡើយ ។ ប៉ុន្តែមានទម្លាប់មួយដែលលោកតែងតែលេងសើចជាមួយអតិថិជន គឺយកអំបិលមករោយលើសាច់អាំងក្រោយពេលចម្អិនរួច ។ អតិថិជនដែលធ្លាប់បានមកញ៉ាំអារហារនៅក្នុងភោជនីយដ្ឋានរបស់លោកស្ទើរគ្រប់គ្នាតែងតែនាំគ្នាសើច និងមើលទៅកាយវិការរោយអំបិលរបស់លោក គឺកំប្លែងបំផុត ។ មានថ្ងៃមួយកាយវិការរោយអំបិលលើម្ហូបរបស់លោកត្រូវបានបង្ហោះលើបណ្តាញសង្គម ហើយមានអ្នកចូលមើល និងមានអ្នកចែករំលែករហូតទៅដល់ជាង ១០លាននាក់នៅក្នុង Instagram ផ្ទាល់ខ្លួនរបស់លោក ។ ក្រោយមកទៀតសកម្មភាពដែលលោក Salt Bae រោយអំបិលលើម្ហូបត្រូវបានភ្ញៀវនាំគ្នាថតបង្ហោះច្រើនទៅៗពីមួយថ្ងៃ ទៅមួយថ្ងៃ រហូតទៅដល់រាប់រយវីដេអូរ និងចែករំលែករាប់លានអ្នកពាសពេញពិភពលោក ។ពេលនោះហើយដែលលោក Salt Bae ចាប់ផ្តើមល្បីល្បាញយ៉ាងឆាប់រហ័ស និងមានអ្នកស្គាល់លោកស្ទើគ្រប់គ្នាតាមរយៈវីដេអូកំប្លែងរបស់គាត់ ។ អ្វីដែលកាន់តែអស្ចារ្យជាងនេះទៅទៀត ភោជនីយដ្ឋានគាត់ចាប់ផ្តើមមានមនុស្សច្រើនទៅៗ រហូតថ្ងៃខ្លះគ្មានកន្លែងសម្រាប់ទទួលភ្ញៀវថែមទៀតផង ។ មិនតែប៉ុណ្ណោះរូបលោកវិញSalt Bae ក៏បានប្រែក្លាយខ្លួនពីចុងភៅធម្មតា ទៅជាចុងភៅល្បីឈ្មោះមានតម្លៃខ្លួនរាប់ម៉ឺនដុល្លារដោយសារតែកាយវិការរោយអំបិលដ៏ល្បីល្បាញរបស់លោក ។ បច្ចុប្បន្នលោក មានទ្រព្យសម្បត្តិសរុបប្រមាណជាង ៥០លានដុល្លារសហរដ្ឋអាមេរិក និងមានភោជនីយដ្ឋានផ្ទាល់ខ្លួនដែលអាចរកចំណូលជូនលោករាប់ម៉ឺនដុល្លារ ក្នុងមួយថ្ងៃៗផងដែរ ។ លោកSalt Bae ត្រូវបានបុគ្គលល្បីឈ្មោះជាច្រើនរួមមាន មេដឹកនាំពិភពលោកធំៗ បុគ្គលល្បី មហាសេដ្ឋីកំពូលៗជាច្រើនរូប បានជួលរូបលោកឱ្យទៅចម្អិនម្ហូប និងរោយអំបិល ក្នុងតម្លៃខ្លួនយ៉ាងខ្ពស់កប់ពពក ។ បុគ្គលល្បីដែលបានជួលលោកទៅចម្អិនម្ហូបរួមមាន កំពូលកីឡាប្រដាល់ ផ្លយ៍ កីឡាករបាល់ទាត់ រ៉ូណាល់ដូ និងប្រធានាធិបតី និងមេដឹកនាំពិភពលោកប្រមាណ ៤៨ប្រទេស និងអ្នកមានកំពូលជាច្រើនអ្នកទៀត ៕