[wai id="6"]
…បុរសជាឪពុកម្នាក់នេះថ្វីបើមានប្រាក់រាប់លានដុល្លារក្លាយជាសេដ្ឋី តែរូបគេហាក់ពុំសូវសប្បាយចិត្តនោះឡើយ ដោយសារតែកូនប្រុសមានចរឹកប៉ោឡែអត់ជួយកិច្ចការរកស៊ីថែមទាំងខ្ជិលរៀនសូត្រទៀតផង។ ប៉ុន្តែសេដ្ឋីម្នាក់មានអាយុ ៥០ឆ្នាំ ជាម្ចាស់ក្រុមហ៊ុនអចលនទ្រព្យមួយកន្លែងនៅប្រទេសចិន មានមនុស្សជាច្រើននាក់ច្រណែននឹងរូបគាត់ តែជីវិតគាត់បែរជាគ្មានក្ដីសុខទាល់តែសោះ ដោយសារតែកូនប្រុសរបស់គាត់ម្នាក់មានអាយុ ២២ឆ្នាំ ជាមនុស្សមិនបានការ មិនព្រមចូលសាលារៀន រវល់តែជួបជុំមិត្តភក្ដិ ដើរលេងផឹកស៊ី ចាយលុយខ្ជះខ្ជាយពីមួយថ្ងៃទៅមួយថ្ងៃទាំងមិនទាន់ចេះរកលុយខ្លួនឯង។
ពាណិជ្ជកម្ម
មានថ្ងៃមួយសេដ្ឋី និងកូនប្រុស បានធ្វើដំណើរទៅស្ថានីយ៍រថភ្លើងដើម្បីទៅកំសាន្តនៅឯទីក្រុងមួយ។ ខណៈពេលនោះលោកសេដ្ឋី បានឃើញស្ដ្រីវ័យកណ្ដាលម្នាក់បីក្មេងប្រុសពិការដៃអង្គុយសុំទាននៅក្បែរនោះ គាត់ឃើញហើយមានអារម្មណ៍អាណិតខ្លោចចិត្ត គាត់ក៏បានដកលុយចំនួន ៥០ដុល្លារ ឲ្យទៅអ្នកសុំទាននោះក្នុងចំណោមមនុស្សម្នាជាច្រើន។ ស្ដ្រីរូបនោះត្រេកអរខ្លាំងណាស់ រកអ្វីប្រៀបផ្ទឹមពុំបាន។រយៈពេល ៤ថ្ងៃក្រោយមកទៀត សេដ្ឋីរូបនោះក៏បានប្រទះឃើញស្ដ្រីដដែល អង្គុយសុំទានតែបែរជាបីក្មេងស្រីម្នាក់ផ្សេងទៀតវិញម្តង ពេលនោះកូនប្រុសរបស់គាត់បាននិយាយឡើងថា “ប៉ាឃើញទេថា គេជាពួកបោកប្រាស់” សូមទូរស័ព្ទទៅប្ដឹងប៉ូលីសទៅ តែឪពុកចង់ដឹងថា ស្ដ្រីរូបនេះជាជនឆបោក ឬក៏មិនមែន គាត់បានសម្រេចចិត្តអង្គុយរង់ចាំរហូតដល់មេឃងងឹតត្រឡប់ទៅផ្ទះ ដើម្បីតាមដានរកការពិតពីស្ត្រីរូបនោះ។លុះតាមទៅដល់ សេដ្ឋីក៏បានឃើញផ្ទះខ្ទមតូចមួយខ្នងដែលស្ដ្រីម្នាក់នោះរស់នៅ ហើយក្នុងនោះមានក្មេងពិការចំនួន ៥នាក់កំពុងអង្គុយសើចយ៉ាងមានក្ដីសុខ។ នៅពេលឃើញម្ដាយរបស់ពួកគេត្រឡប់មក ស្ដ្រីរូបនោះបានចែកនំឲ្យក្មេងៗ អោបថើបពួកគេដោយក្ដីស្រលាញ់ រហូតធ្វើឲ្យសេដ្ឋី និងកូនក្ដុកក្ដួលស្រក់ទឹកភ្នែកទាំងមិនដឹងខ្លួន។ស្ត្រីរូបនោះបានរៀបរាប់ប្រាប់លោកសេដ្ឋីថា កាលពី ៥ឆ្នាំមុននាង បានរស់នៅជាមួយស្វាមីរបស់នាងស្រាប់តែមានថ្ងៃមួយនាងបានប្រទះឃើញក្មេងពិការដែលគេបោះបង់ចោល ដោយក្ដីអាណិតនាងក៏សម្រេចចិត្តយកក្មេងទាំងនោះមកចិញ្ចឹម ប៉ុន្ដែស្វាមីមិនព្រម ដោយដាក់លក្ខខណ្ឌថា បើនាងនៅតែរឹងទទឹង គាត់នឹងលែងលះជាមួយនាង។ប៉ុន្តែនាងមិនខ្វល់ពីអ្វីទាំងអស់ សុខចិត្តលែងលះ ហើយយកក្មេងទាំងនោះមកចិញ្ចឹម រហូតដល់សព្វថ្ងៃនេះមានក្មេងពិការរហូតទៅដល់ ៥នាក់ ដែលនាងយកមកមើលថែ ប៉ុន្តែដោយជីវភាពខ្វះខាត ទើបធ្វើឲ្យនាងត្រូវដើរសុំទានគេដើម្បីចិញ្ចឹមជីវិត និងក្មេងៗ។ក្រោយពីបានដឹងរឿងរ៉ាវសព្វគ្រប់អស់ហើយ សេដ្ឋី និងកូនប្រុសក៏បានធ្វើដំណើរត្រឡប់មកផ្ទះវិញ ដើម្បីយកលុយចំនួន ៥ពាន់ដុល្លារ ទៅបរិច្ចាគឲ្យស្ដ្រីរូបនោះ។ គាត់ត្រេកអរ ហើយក្ដុកក្ដួលចិត្តយ៉ាងខ្លាំង ព្រោះក្មេងៗទាំងនោះលែងលំបាកទៀតហើយ។បន្ទាប់មកទៀត ស្រាប់តែមានរឿងមួយដែលសេដ្ឋីនឹកស្មានមិនដល់ គឺក្រោយពីបានឃើញសង្គមខាងក្រៅដូច្នេះ កូនប្រុសរបស់គាត់បានប្រែចិត្តត្រឡប់កាយ កែខ្លួនមកជាមនុស្សល្អ ប្រឹងប្រែងរៀនសូត្រ ត្រឡប់មកជួយការងារឪពុក និងថែមទាំងបានយកលុយមួយចំនួន ទៅបរិច្ចាគឲ្យមូលនិធិក្មេងពិការជារៀងរាល់ឆ្នាំទៀតផង៕