[wai id="5"]
…ចោរម្នាក់នេះពិតជាថ្លើមធំមែនទែនតែម្តងហើយមនុស្សនៅក្នុងផ្ទះក៏មាន…នៅពីមុខផ្ទះក៏មាននៅតែហ៊ានចូលទៅកាច់សោរម៉ូតូ…ប៉ុន្តែប៉ះនារីក្លាហានដូចក្នុងខ្សែភាពយន្តក្រុមនាងហ៊ឺលីលី វ៉ៃកប់..ទាត់ធាក់រត់ឡើងផាស់ក្រញុំា។កាលពីថ្ងៃទី១៨ កុម្ភះ ២០២០ នៅម្តុំគីឡូលេខ ៦ មានករណីចោរកម្មមួយបានកើតឡើង ដោយចោរម្នាក់ហ៊ានលួចកាច់កម៉ូតូម៉ាក Honda Scoopy ដែលចតនៅក្នុងផ្ទះល្វែងមួយកន្លែង តែត្រូវម្ចាស់គេតាមទាន់។
ពាណិជ្ជកម្ម
យោងតាមគណនីហ្វេសប៊ុកឈ្មោះ Sreymom Chau បានបង្ហោះវីដេអូតាមរយៈកាមេរ៉ាសុវត្ថិភាព ថែមទាំងសរសេរថា៖ «សកម្មភាពចោរលួចម៉ូតូនៅផ្ទះខ្ញុំស្ដាយណាស់បងប្អូនអើយអត់បានឃេីញមុខវាច្បាស់ » ។បើតាមការសង្កេតតាមរយៈវីដេអូ ចោរមួយរូបក្លាហានបែកស្លុយមួយរូបនេះ ពិតជាហ៊ានមែន ម្ចាស់ផ្ទះនៅក្នុង និងមុខផ្ទះពេញ បែរជាហ៊ានផ្តាច់ច្រវាក់ ហើយទាញយកភ្លាមៗតែម្តង តែស៊យធំប៉ះនារីម្ចាស់ម៉ូតូ និងម្ចាស់ផ្ទះក្លាហានទាំង៣ រត់ទៅប្រទាញប្រទង់ជាមួយចោរ វាយផងធាក់ផង រហូតលោក ចោរទ្រាំមិនបានរត់ផាស់ក្រញ៉ាំទៅបាត់។នេះសំណាងហើយដែលម្ចាស់ម៉ូតូក្លាហាន មិនគិតខ្លួនជាស្រី មិនស្លុតមិនភ័យពេលឃើញចោរធ្វើសកម្មភាពស្តែងៗនៅនឹងមុខ ព្រមទាំងហ៊ានចេញមកតតាំងវាយចោរ ហើយក៏ជាសំណាងល្អមួយដែរ ដែលចោរនេះគ្មានអាវុទក្នុងដៃ៕