[wai id="5"]
…នាងក្រមុំម្នាក់នេះព្រោះតែចង់ដឹងរស់ជាតិថា តើប្រាក់ដែលឪពុក-ម្តាយរកបានវាលំបាកយ៉ាងណានោះ នាងបានប្រឡូកខ្លួនធ្វើជាកម្មករក្នុងការដ្ឋានសំណង់...។ជាការពិតហើយ នៅក្នុងពេលបច្ចុប្បន្ននេះ មនុស្សភាគច្រើនតែងតែគិតថា មនុស្សស្រីគឺទន់ខ្សោយ ចូលចិត្តគិតអ្វីដែលស្មុគស្មាញ និងមិនហ៊ានធ្វើការសម្រេចចិត្តជាដើម។ ម្យ៉ាងវិញទៀត មនុស្សមួយចំនួនក៏គិតផងដែរថា មនុស្សស្រីគឺជាអ្នកដែលចាំតែពឹងផ្អែកទៅលើឪពុកម្តាយឲ្យជួយផ្គត់ផ្គង់ខ្លួនជាដើម -ល-។
ពាណិជ្ជកម្ម
ដោយឡែក ដោយយោងទៅតាមសារព័ត៌មួយបានចុះផ្សាយថា ព្រោះតែចង់បានឯករាជ្យភាពផ្ទាល់ខ្លួន ចង់ឈ្នះនូវផ្នត់គំនិតដែលថា នារីទន់ខ្សោយ និងចូលចិត្តពឹងផ្អែកលើគ្រួសារ នារីជនជាតិចិនម្នាក់ឈ្មោះ Xiao Mei បានប្តេជ្ញាចិត្តយ៉ាងម៉ឺងម៉ាត់ថា នាងនឹងធ្វើជាកម្មករសំណង់ដើម្បីសន្សំលុយទិញផ្ទះផ្ទាល់ខ្លួនមួយ ព្រមទាំងផ្គត់ផ្គង់លើការចំណាយផ្ទាល់ខ្លួន និងដើម្បីបង្ហាញប្រាប់ទៅកាន់មនុស្សគ្រប់គ្នាថា មនុស្សស្រីមិនមែនទន់ខ្សោយ និងចាំតែពឹងពាក់លើគ្រួសារនោះទេ។នៅពេលនាងចូលមកធ្វើការក្នុងថ្ងៃដំបូង មើលទៅនាងហាក់ដូចជាលំបាក និងគួរឲ្យអាណិតខ្លាំងណាស់។ តែនាងនៅតែមានការតាំងចិត្តយ៉ាងមុតមាំថា នាងនឹងមិនប្រើប្រាស់ភេទស្រីរបស់នាងដើម្បីឲ្យបុរសៗដែលធ្វើការនៅទីនោះ មានចិត្តអាណិតអាសូរនាង ហើយឲ្យនាងធ្វើកិច្ចការស្រាលៗនោះទេ តែផ្ទុយទៅវិញ នាងរឹតតែខិតខំប្រឹងប្រែងធ្វើកិច្ចការងារទាំងនោះ ព្រោះនាងសប្បាយចិត្តនឹងធ្វើវា។ ម្យ៉ាងវិញទៀត នាងក៏ចង់បង្ហាញថា នាងក៏អាចធ្វើនូវកិច្ចការលំបាកៗជាច្រើនបាន ដើម្បីសម្រេចបាននូវគោលបំណងរបស់នាងផងដែរ។ ការងារដែលនាងត្រូវធ្វើនោះរួមមាន ការរែកឥដ្ឋ និងខ្សាច់ ជាដើម។ក្រោយពីនាងទទួលបានជោគជ័យដ៏លំបាកមួយនេះហើយ មនុស្សជាច្រើនបានចាត់ទុកនាងថា គឺជាអ្នកដែលជួយបំផុសគំនិតដល់នារីៗ ក៏ដូចជាយុវវ័យជំនាន់ក្រោយដែលមានបំណងប្រាថ្នាចង់បាននូវឯករាជ្យភាពផ្ទាល់ខ្លួន ចូរឲ្យពួកគេចេះខិតខំប្រឹងប្រែង និងលើកទឹកចិត្តខ្លួនឯងក្នុងការធ្វើអ្វីមួយ។
នាង បាននិយាយនូវពាក្យប៉ុន្មានម៉ាត់ ថា ប្រសិនជាអ្នកចង់បានភាពជោគជ័យ ចូរអ្នកស្វែងរកនូវក្តីស្រមៃផ្ទាល់ខ្លួនសម្រាប់ខ្លួនឯង ហើយធ្វើយ៉ាងណាឲ្យក្តីស្រមៃនោះ ធ្វើជាអ្នកជំរុញទឹកចិត្តអ្នកឲ្យដើរទៅមុខជារៀងរហូត៕
