[wai id="6"]
ជនអន្ធពាលមួយក្រុម ដែលបានចាប់រំលោភ និងបំពានផ្លូវភេទមកលើក្មេងស្រី២នាក់ តាំងពីនាងមានអាយុ១៣ឆ្នាំនោះ ត្រូវបានតុលាការកាត់ទោសឲ្យជាប់គុក៥៥ឆ្នាំ៦ខែ។ក្រុមអន្ធពាលដែលមានគ្នា៧នាក់នេះ បានចាប់រំលោភក្មេងស្រី២នាក់ ចាប់តាំងពីពួកនាងមានអាយុ១៣ឆ្នាំ និង១៤ឆ្នាំ ក្រោយពីបង្អកស្រា និងឲ្យពួកនាងប្រើថ្នាំញៀន។ក្មេងស្រីដំបូងត្រូវបានណែនាំឲ្យស្គាល់ជនអន្ធពាលទាំងនេះ ដោយមិត្តរួមថ្នាក់ម្នាក់ ហើយពួកល្មោភកាមទាំងអស់នេះ បានបង្ខំឲ្យនាងរួមភេទជាមួយមនុស្សប្រុសរហូតដល់ទៅ៣០០នាក់ គិតមកទល់នឹងពេលដែលនាងមានអាយុ១៥ឆ្នាំ។
ពាណិជ្ជកម្ម
លោកស្រីរដ្ឋអាជ្ញា Kate Batty បាននិយាយប្រាប់ពីវិធីដែលក្មេងស្រីសិស្សសាលា២នាក់នេះ ត្រូវបានគេល្បួង និងបង្ខំចាប់រំលោភនៅក្នុងទីក្រុង Huddersfield ស្រុក West Yorks ចក្រភពអង់គ្លេស។អ្នកស្រី បាននិយាយថា ក្មេងស្រីម្នាក់ ថែមទាំងត្រូវបានគេចាប់រំលោភពេលដែលនាងដើរចែកកាសែត។ទោះបីជាយ៉ាងណាក៏ដោយ ក្រុមសង្គមស៊ីវិលមួយចំនួន បានច្រានចោលនូវការចោទប្រកាន់ទាំងនេះ ហើយពួកគេ បាននិយាយថា បើទំពក់មិនទៅព្នៅក៏មិនមកដែរ ចឹងហើយមានតែពួកនាងព្រមដែរ ពេលដែលពួកនាងបន្តឲ្យពួកគេចាប់រំលោភបែបនេះ។តុលាការ Leeds Crown Court បានអះអាងថា ក្រុមជនអន្ធពាលទាំងនេះ ត្រូវបានរកឃើញថាបានចាប់រំលោភក្មេងស្រីដល់ទៅ១២នាក់ឯណោះ រួមទាំងករណីចាប់រំលោភចន្លោះឆ្នាំ១៩៩៥ និង២០១១ផងដែរ។តុលាការបានអះអាងទៀតថា បច្ចុប្បន្នក្មេងស្រីទាំង២នាក់ បានទទួលរងជំងឺផ្លូវចិត្តយ៉ាងធ្ងន់ធ្ងរ ខណៈដែលក្មេងស្រីម្នាក់ កើតជំងឺទុក្ខព្រួយពិបាកទ្រាំទ្រនឹងជីវិតរងការបំពានផ្លូវភេទរបស់នាង។ដោយឡែក លោកចៅក្រម Geoffrey Marson QC បាននិយាយថា ច្បាស់ណាស់ថា ក្មេងស្រីទាំងអស់នេះ មិនអាចជាសះស្បើយពីការបំពានផ្លូវភេទដែលពួកនាងបានទទួលរងនោះទេ។ ការបំពានដែលពួកនាងបានឆ្លងកាត់ គឺមិនអាចបំភ្លេចបាននោះទេ ហើយច្បាស់ណាស់ថា វាបានប៉ះពាល់ដល់ជីវិតរស់នៅរបស់ពួកនាង។
ចំណែកឯ ជនល្មោភកាមម្នាក់ឈ្មោះ Usman Ali អាយុ៣៤ឆ្នាំ មកពីទីក្រុង Huddersfield ស្រុក West Yorks ចក្រភពអង់គ្លេស ត្រូវបានគេរកឃើញផងដែរថា បានចាប់រំលោភក្មេងស្រីម្នាក់ក្នុងចំណោមក្មេងស្រីទាំង២ ហើយត្រូវបានតុលាការកាត់ទោសឲ្យជាប់គុក៨ឆ្នាំ៕
