[wai id="5"]
...រដ្ឋខ្លះនៅក្នុងប្រទេសឥណ្ឌាបានកើនឡើងនូវតួលេខស្តីពីការចាប់រំលោភស្ត្រីគួរព្រួយបារម្មណ៍ណាស់ បើទោះបីជាច្បាប់បានកំណត់ទោសជនលើ្មសយ៉ាងធ្ងន់ធ្ងរក្តី។ នារីជនជាតិឥណ្ឌាម្នាក់ បានបង្កើតខោក្នុងសុវត្ថិភាពសម្រាប់នារី ការពារពីជនល្មោមកាមចាប់រំលោភ ដោយមានបំពាក់សុទ្ធតែមុខងារពិសេសៗ រួមមានប្រព័ន្ធ GPS កំពុងតែទទួលបានការចាប់អារម្មណ៍យ៉ាងខ្លាំង ពីមជ្ឈដ្ឋានទូទៅ។នាង Seenu Kumari កើតមកក្នុងត្រកូលគ្រួសារក្រីក្រមួយ រស់នៅក្នុងទីក្រុង Farrukhabad រដ្ឋ Uttar Pradesh ប្រទេសឥណ្ឌា។
ពាណិជ្ជកម្ម
នាង Kumari បានឲ្យដឹងថា កត្តាជំរុញចិត្តនាង ឲ្យច្នៃបង្កើតខោក្នុងសម្រាប់នារីនេះឡើង គឺស្ថិតក្នុងគោលបំណងជួយការពារ ពីការរំលោភសេពសន្ថវៈលើនារីភេទ ពីសំណាក់ជនល្មោមកាម។ នេះក៏ដោយសារតែ ប្រទេសឥណ្ឌា ជាពិសេសក្នុងរដ្ឋ Uttar Pradesh នេះតែម្តង គឺតែងមានករណីចាប់រំលោភទាំងមិនរើសមុខ យ៉ាងសម្បើមបំផុត កុំថាឡើយនៅតាមផ្លូវទីសាធារណៈ ក៏ពួកទាំងនោះមិនលើកលែងដែរ។Kumari នាងបានចំណាយប្រាក់អស់ ៥០ផោន គឺប្រហែល ៦៧ដុល្លារអាមរិកតែប៉ុណ្ណោះ ដើម្បីបង្កើតខោក្នុងនេះឡើង។Kumari បានអះអាង ថា ខោក្នុងពិសេសនេះ ត្រូវបានធ្វើឡើងដោយមានបំពាក់នូវ សោសុវត្ថិភាពវ័យឆ្លាត ប្រព័ន្ធ GPS ដែលអាចរាយការណ៍ ឬផ្តល់ជាសញ្ញាដល់ប៉ូលិសឲ្យដឹងបាន ប៊ូតុងសម្រាប់ចុចខល ទៅកាន់លេខសង្គ្រោះបន្ទាន់ និងរួមទាំងមានកាម៉េរាសុវត្ថិភាព ដើម្បីថតចាប់យកមុខជនល្មើស បានចំៗថែមទៀតផង។អ្វីដែលពិសេសជាងនេះទៅទៀត Kumari បានលើកឡើងថា ខោក្នុងនេះគឺមានភាពស្វិតមាំ កុំថាឡើយយកកាំបិតមកវះ បើទោះបីយកកាំភ្លើងមកបាញ់ ក៏មិនធ្លុះដែរ។ ពោលគឺ វាប្រៀបបីដូចជា អាវក្រោះការពារយ៉ាងល្អបំផុត។Kumari បាននិយាយថា «នៅពេលដែលជនល្មើស ព្យាយាមប៉ុនប៉ងរំលោភសេពសន្ថវៈ ឧបករណ៍ដែលមានភ្ជាប់ប្រព័ន្ធទំនាក់ទំនងរួចស្រាប់ បំពាក់នៅលើខោស្លីបនេះ វានឹងធ្វើការផ្ញើសារទៅកាន់ ក្រុមគ្រួសាររបស់ជនរងគ្រោះ រួមទាំងប៉ូលិសតែម្តង។ តាមរយៈប្រព័ន្ធ GPS ប៉ូលិសអាចនឹងដឹងពីទីតាំងកើតហេតុ នឹងចុះបង្ក្រាបបានភ្លាមៗ» ។
នាងបានបន្តថា «នារីៗមិនចាំបាច់ស្លៀកខោក្នុងនេះ គ្រប់ពេលវេលាពេកនោះទេ។ ស្លៀកតែពេលធ្វើដំណើរទៅណា មកណាម្នាក់ឯង ឬគិតថាខ្លួនឯងកំពុងតែ ស្ថិតនៅកន្លែងដែលគ្មានសុវត្ថិភាពទៅបានហើយ» ៕
