[wai id="6"]
...មានឈ្មោះជាលោកសេដ្ឋីបើនិយាយប្រាប់គេឯងថាខ្លួននអត់មានគូស្នេហ៍ដូចជាខ្មាស់គេពេកហើយ តែចំពោះលោកសេដ្ឋីម្នាក់នេះអត់ខ្មាស់អៀននរណាទេ ថែមទាំងហ៊ានឲ្យលុយទៅដល់មេអណ្តើកទៀតផង បើរកបានគូស្នេហ៍ឲ្យលោក។អ្នកជំនួញម្នាក់ដែលមានមូលដ្ឋាននៅរដ្ឋកាន់សាស សហរដ្ឋអាមេរិកនឿយហត់នឹងការណាត់ជួបតាមអ៊ីនធើណេតជាមួយនឹងស្រីៗបានប្រកាសថា គាត់នឹងចំណាយប្រាក់ចំនួន២៥០០០ដុល្លារ ដល់អ្នកណាដែលអាចរកសង្សារឱ្យគាត់បាន ។
ពាណិជ្ជកម្ម
លោក Jeff Gebhart អាយុ៤៧ឆ្នាំ ប្រាប់ថាគាត់ធុញនឹងការណាត់ជួបស្រីៗតាមអ៊ីនធើណេតណាស់ ។ អ្នកជំនួញជោគជ័យរូបនេះ បានសរសេរលើវេបសាយរបស់គាត់ថា ៖ «នៅក្នុងទំនាក់ទំនងមួយ ខ្ញុំគាំទ្រការបើកចំហរចិត្តទូលាយ និងរីករាយ ។ ជាទូទៅខ្ញុំជាមនុស្សរីករាយដែលមានជីវិតល្អប្រសើរ ។ ខ្ញុំមិនត្រូវការមនុស្ស ដើម្បីបំពេញខ្ញុំទេ ប៉ុន្តែខ្ញុំកំពុងស្វែងរកមនុស្សម្នាក់ ដែលមានគុណសម្បតិ្តដែលអាចអោយយើងបំពេញគ្នាទៅវិញទៅមក ។ ខ្ញុំចង់ស្វែងរកនរណាម្នាក់ ដែលមានភាពសប្បាយរីករាយ ងាយស្រួលក្នុងការចំណាយពេលជាមួយ និងអាចជួយឱ្យជីវិតពោរពេញទៅដោយថាមពលសង្ឃឹម។» មនុស្សដែលគាត់ស្រឡាញ់ចង់បាន ត្រូវតែជាមនុស្សបើកចិត្តទូលាយ និងមានការគិតវិជ្ជមាន ។ ជាពិសេស គឺចូលចិត្តឆ្កែ ព្រោះតែគាត់មានឆ្កែមួយឈ្មោះ Gunner។គាត់ថា គាត់មិនត្រឹមតែផ្តល់ប្រាក់ ២៥០០០ដុល្លារឱ្យទៅអ្នកដែលអាចរកសង្សារឱ្យគាត់បាននោះទេ ។ គាត់សន្យាថា នឹងផ្តល់ប្រាក់ ២៥០០០ដុល្លារទៀត ទៅឱ្យអង្គការជួយដល់សត្វឆ្កែអនាថា ដោយដាក់ឈ្មោះអ្នកដែលរកសង្សារឱ្យគាត់បាន ៕
