[wai id="5"]
[wai id="7"]
…នៅប្រទេសជឿនលឿនអ្នកច្នៃម៉ូត ល្បីឈ្មោះខ្លះបានរិះគិតបង្កើតនូវវត្ថុប្រើប្រាស់សំរាប់កំពូលមានតម្លៃថ្លៃអស្ចារ្យ…សំរាប់អតិថិជនដែលមានប្រាក់រាប់សិបរយលានដុល្លារឡើងទៅដូចជាស៊េរីលោកប៊ីលហ្គេត ថៅកែក្រុមហ៊ុនម៉ាយក្រូសូហ្វ ឬក៏លោកជេក ម៉ាថៅកែក្រុមហ៊ុន អាលីបាបាជាដើមចំណែកឯអ្នកផ្សេងគ្រាន់តែឮពីតម្លៃចង់ដាច់ផ្ងាទៅហើយ!។សារព័ត៌មាន Mirror បានចុះផ្សាយ ថា អ្នករចនាម៉ូតជនជាតិអង់គ្លេសម្នាក់ឈ្មោះ Bebbie Wingham មានកេរ្តិ៍ឈ្មោះល្បីល្បាញខាងរចនាម៉ូតសម្ភារៈថ្លៃកប់ពពក បានបញ្ចេញម៉ូតស្បែកជើងមួយគូដែលខ្លួនទើបតែរចនារួចរាល់ ហើយដាក់តាំងក្នុងតម្លៃមួយដែលអ្នកទាំងអស់គ្នានឹកស្មានមិនដល់ ពោលគឺមានតម្លៃរហូតដល់ ជាង១៥លានដុល្លារឯណោះ។
ពាណិជ្ជកម្ម
ចំពោះ មូលហេតុដែលធ្វើឲ្យស្បែកជើងមួយគូនេះថ្លៃកប់ពពកលើសពីស្បែកជើងធម្មតានោះ គឺ ដោយសារវាត្រូវបានរចនាឡើងដោយប្រើប្រាស់ ពេជ្រពណ៌ផ្កាឈូក ជាមួយនឹងពេជ្រពណ៌ខៀវ ដែលជាប្រភេទពេជ្រដ៏កម្រ។ ម្យ៉ាងវិញទៀតនៅចំនុចផ្នែកមុខនៃស្បែកជើង វាត្រូវបានរចនាអមមកជាមួយ ពេជ្រពណ៌សដែលមានភាពប្រណីតឥតខ្ចោះ ៣ការ៉ាត់ ចំនួន៤គ្រាប់។ មិនត្រឹមតែប៉ុណ្ណោះ វាក៏មានអមមកជាមួយពេជ្រពណ៌សចំនួន ១ ០០០ គ្រាប់ផ្សេងទៀត ស្រោបលើស្បែកជើងទាំងមូលផងដែរ។ បន្ថែមពីនេះទៀត ផ្នែកមួយចំនួនត្រូវបានស្រោបដោយប្លាទីន ខណៈដែលបាតនៃស្បែកជើងទាំងមូល និងរូត ត្រូវបានក្រាលដោយមាសសុទ្ធ។
គួរបញ្ជាក់ផងដែរថា អ្នករចនាម៉ូតជនជាតិអង់គ្លេសដែលមានកេរ្តិ៍ឈ្មោះដ៏ល្បីល្បាញមួយរូបនេះ ត្រូវបានល្បីរន្ទឺដោយសារសមិទ្ធផលរបស់នាង ដែលមានតម្លៃថ្លៃកប់ពពក។ ជាក់ស្តែងកាលពីឆ្នាំ២០១៣ នាងបានរចនាម៉ូតសម្លៀកបំពាក់មួយឈុតដែលមានឈ្មោះថា Red Diamond Abaya ដែលតម្លៃ ជាង១៣ លានដុល្លារឯណោះ។ ហើយនៅពេលខាងមុខនេះ នាងនឹងបង្កើតនំខេកមួយដែលមានតម្លៃ ៥០លានដុល្លារ៕
[wai id="6"]