[wai id="5"]
[wai id="7"]
ក្មេងស្រីអាយុ៨ឆ្នាំម្នាក់ ដែលត្រូវបានចាប់រំលោភដោយបុរស១៦នាក់ ដែលជាសាច់ញាតិ និងសមាជិកគ្រួសាររបស់នាងអស់រយៈពេល៣ឆ្នាំកន្លងមកនេះ នៅទីបញ្ចប់នាងក៏បានស្លាប់ហើយនៅក្នុងមន្ទីរពេទ្យ។យោងតាមសេចក្តីរាយការណ៍ក្នុងស្រុក បានឲ្យដឹងថា ក្មេងស្រីតូចម្នាក់នេះ ត្រូវបាននាំយកទៅកាន់មន្ទីរពេទ្យ ក្រោយសន្លប់លែងដឹងខ្លួន ក្នុងបន្ទប់ទឹកនៅផ្ទះរបស់នាង។មុនពេលសន្លប់ ក្មេងស្រីអាយុ៨ឆ្នាំម្នាក់នេះ បានត្អូញត្អែរពីបញ្ហាឈឺពោះ។
ពាណិជ្ជកម្ម
ក្រោយពេលដែលមិនឮឆ្លើយពីក្នុងបន្ទប់ទឹក ឪពុកម្តាយរបស់នាង ក៏បានទម្លុះទ្វារបន្ទប់ទឹក រួចនាំយកនាងទៅកាន់មន្ទីរពេទ្យ។ក្មេងស្រីម្នាក់នេះ បាននាំទៅកាន់មន្ទីរពេទ្យ ស្ថិតនៅក្នុងទីក្រុង Chennai រដ្ឋ Tamil Nadu ប្រទេសឥណ្ឌា ។ ពេលដែលពួកគេបានទៅដល់មន្ទីរពេទ្យ នាងត្រូវបានគ្រូពេទ្យប្រកាសថានាងបានស្លាប់ទៅហើយ។បច្ចុប្បន្នក្រុមនគរបាលកំពុងរង់ចាំរបាយការណ៍ធ្វើកោសល្យវិច្ច័យសាកសព ដើម្បីកំណត់មូលហេតុពិតប្រាកដនៃការស្លាប់របស់នាង។ឪពុកចុងរបស់ក្មេងស្រីរងគ្រោះ បាននិយាយប្រាប់សារព័ត៌មានក្នុងស្រុកថា នាងគឺជាក្មេងស្រីឆ្លាត ហើយនាងចង់ធ្វើជាមន្ត្រីនគរបាលនៅពេលធំឡើង។ករណីរបស់ក្មេងស្រីតូចម្នាក់នេះ បានបែកធ្លាយដំបូងកាលពីឆ្នាំមុន ពេលដែលម្តាយរបស់នាង បាននិយាយប្រាប់ក្រុមនគរបាលថា មនុស្សប្រុស១៦នាក់ ដែលសុទ្ធតែជាសាច់ញាតិរបស់ក្មេងស្រី បានចាប់រំលោភនាងតាំងពីឆ្នាំ២០១៧មកម្ល៉េះ។បងស្រីអាយុ១០ឆ្នាំរបស់នាង ត្រូវបានពួកគេចាប់រំលោភផងដែរ អំឡុងពេលនេះ។ឪពុកម្តាយរបស់ក្មេងស្រីទាំង២ បានទៅកាន់ស្ថានីយ៍នគរបាល ក្រោយពេលកត់សំគាល់ឃើញពីការផ្លាស់ប្តូរអាកប្បកិរិយារបស់កូនស្រីទាំង២ក្នុងឆ្នាំ២០១៩។
យោងតាមសារព័ត៌មានក្នុងស្រុក បានឲ្យដឹងថា ក្មេងស្រីទាំងនេះ កើតមានជំងឺដេករវើរវាយ ការភ័យខ្លាច ភ័យញាប់ញ័រភ្លាមៗ និងមិនឲ្យគេប៉ះពាល់រូបនាង។ដោយឡែក មនុស្សទាំង១៦នាក់ ត្រូវបានចាប់ខ្លួនបានហើយៗបច្ចុប្បន្នកំពុងស្ថិតក្រោមការឃុំឃាំងរបស់នគរបាល រងចាំការកាត់ទោស៕
[wai id="6"]