[wai id="5"]
[wai id="7"]
តារាYouTubeចាយសម្រស់ដ៏មានឥទ្ធិពលម្នាក់របស់សិង្ហបុរី បានបង្កឲ្យមានសង្គ្រាមតាមអនឡាញ ជាមួយនឹងតារាម៉ូដែលមាឌយក្សសហរដ្ឋអាមេរិក ក្រោយពេលនាងអះអាងថា មនុស្សដែលធាត់ជ្រុលដូចនាង ពិតជាគួរឲ្យស្អប់ខ្ពើមខ្លាំងណាស់ ហើយរស់មិនផុតពីអាយុ៤០ឆ្នាំនោះឡើយ។តារាសិង្ហបុរី Wendy Cheng អាយុ៣៥ឆ្នាំ បាននិយាយថា តារាម៉ូដែលមាឌយក្សអាមេរិក La'Shaunae Steward អាយុ២៣ឆ្នាំ មិនទាក់ទាញទាល់តែសោះ។
នាង Wendy បាននិយាយថា មនុស្សដែលធាត់ជ្រុល មិនដែលទាក់ទាញម្តងណានោះទេ ដោយសារតែពួកគេ ឆាប់ស្លាប់ និងមានជំងឺច្រើន។នាង Wendy បាននិយាយនៅលើបណ្តាញសង្គម Instagram កាលពីថ្ងៃទី១៤ ខែកុម្ភះ កន្លងទៅថា មាននូវរឿងមួយគួរឲ្យស្អប់ខ្ពើមចំពោះមនុស្សធាត់ ហើយភាគច្រើននៃអ្នកធាត់ជ្រុល រស់មិនផុតអាយុ៤០ឆ្នាំនោះទេ។នាងបានបន្តទៀតថា អ្នកធាត់ដូចជា La'Shaunae Steward គួរឲ្យស្អប់ខ្ពើមខ្លាំងណាស់ ហើយសូម្បីតែពេលដែលពួកគេស្លាប់ក៏ត្រូវការមនុស្ស៣នាក់សែងសាកសពរបស់ពួកគេដែរ។សង្គ្រាមតាមអនឡាញនេះ ចាប់ផ្តើមផ្ទុះឡើង ក្រោយការបង្ហោះរូបថតតាម Instagram របស់នាង La'Shaunae នៅលើជញ្ជាំង កាលពីថ្ងៃទី១៤ ខែមករាកន្លងទៅ ដើម្បីផ្សព្វផ្សាយលើកកម្ពស់រាងកាយវិជ្ជមាន។នាង Wendyបានបង្ហោះសារថា ប៉ុណ្ណឹងបានហើយ ឈប់បានក៏ឈប់ទៅ ខ្មាស់គេណាស់លោកអើយ។ប៉ុន្តែការបង្ហោះរបស់នាង Wendy ត្រូវបានដកចេញវិញដោយបណ្តាញសង្គម Instagram ក្រោយពីមានអ្នកប្រើប្រាស់ផ្សេងទៀត បានរាយការណ៍ពីនាង។នាង La'Shaunae បានប្រតិកម្មនឹងនាង Wendyវិញ ដោយនាងបាននិយាយថា ហេតុអ្វីបានជាមនុស្សស្គមៗទាំងនេះ ពូកែទើសគេខ្លាំងណាស់ ហើយបើពូកែទើសចឹង ប្រាប់ខ្ញុំមកថាតើ ខ្ញុំនឹងស្លាប់នៅអាយុប៉ុន្មានឲ្យពិតប្រាកដនោះ?
ពាណិជ្ជកម្ម
នាងបន្តបន្តថា ខ្ញុំមិនបានជំពាក់គីឡូនរណាម្នាក់ទេ ខ្ញុំមិនបានជំពាក់នរណាម្នាក់ត្រូវទៅពន្យល់និយាយប្រាប់គេថា ហេតុអ្វីបានជាខ្ញុំធាត់បែបនេះនោះទេ៕
[wai id="6"]
