[wai id="5"]
[wai id="7"]
ព្រឹកថ្ងៃទី២៨ ខែកុម្ភៈ ឆ្នាំ២០២០នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសថា តំបនអរិយក្សត្រ និងល្វាឯម នៃខេត្តកណ្តាល នឹងត្រូវកាត់បញ្ចូឡជាខណ្ឌមួយរបស់រាជធានីភ្នំពេញ នៅពេលខាងមុខនេះ ដោយសារតែរាជធានីភ្នំពេញ ត្រូវការពង្រីកខ្លួនកាន់តែធំថែមទៀត។ ការថ្លែងបែបនេះ ក្នុងពិធីស្រោចស្រពព្រះសុគន្ធវារី ប្រគេនសម្តេចព្រះនាយករង៣ព្រះអង្គ ដែលព្រះមហាក្សត្រទើបត្រាស់បង្គាប់តែងតាំងថ្មី នៅវត្តមុនីសុវណ្ណ ហៅវត្តចំពុះក្អែក ស្ថិតនៅខណ្ឌច្បារអំពៅ រាជធានីភ្នំពេញ ។
ពាណិជ្ជកម្ម
សម្តេចតេជោ ហ៊ុន សែន បានមានប្រសាសន៍យ៉ាងដូច្នេះថា៖ «កន្លែងនេះកាលពីដើមឡើយជាទឹកដីរបស់ខេត្តកណ្ដាលទេ ប៉ុន្តែដោយសារតែភ្នំពេញត្រូវការរីកចម្រើន ដូច្នេះបានជាកាត់ គឺកាត់ចង់អស់ហើយ បន្តិចទៀតនឹងមានការកាប់ថែមទៀត។ បើស្ពានរួចហើយ រៀបចំកាត់តាំងពីអរិយក្សត ល្វាឯមឯនោះ ដើម្បីយកមកបញ្ចូលក្នុងរាជធានីភ្នំពេញថែមទៀត ដែលអាហ្នឹងនឹងក្លាយជាខណ្ណមួយរបស់រាជធានីភ្នំពេញ»។
សម្ដេចតេជោ បានបញ្ជាក់ថា នៅថ្ងៃខាងមុខនេះ នឹងមានស្ពានចំនួន២ដែលត្រូវតភ្ជាប់ ទី១ស្ពានពីជ្រោយចង្វារទៅកាន់តំបន់ អរិយក្សត្រ ហើយស្ពានទី២ គឺតភ្ជាប់ពីតំបន់ផ្លូវជាតិលេខ១ ត្រង់ចំណុចក្ដីតាកុយ ទៅកាន់ស្រុកល្វាឯម។ បន្ទាប់ពីស្ពានទាំង២នេះតភ្ជាប់រួចហើយ នឹងធ្វើឱ្យដីនៅក្នុងតំបន់ទាំងនេះឡើងថ្លៃ៕
[wai id="6"]