[wai id="8"]
[wai id="7"]
សន្ទុះនៃការពុះដីឡូតិ៍លក់នៅពេលបច្ចុប្បន្ននេះ បាននិងកំពុងផុសផុលយ៉ាងខ្លាំង នៅក្នុងសង្គមកម្ពុជា។ ដើម្បីជាគន្លឹះក្នុង ជួយឲ្យប្រជាពលរដ្ឋ ដែលមានបំណងចង់ទិញដីឡូតិ៍ ទុកសម្រាប់ធ្វើលំនៅឋាន ប្រកបអាជីវកម្ម ឲ្យបានត្រឹមត្រូវនោះលោកអ្នក ចាំបាច់ត្រូវដឹងអំពីព័ត៌មានមួយចំនួន ។ ការវិនិយោគ ឬការទិញដីឡូតិ៍ វាជាឱកាសសម្រាប់អ្នកខ្សត់ខ្សោយ ឬអ្នកមានជីវភាព ក្រោមមធ្យម ដែលគាត់មានលុយបន្តិចបន្តួចអាចទិញដីឡូតិ៍យកមកសង់លំនៅដ្ឋាន សម្រាប់ស្នាក់នៅ ឬទុកលក់យកប្រាក់ ចំណេញ ប៉ុន្តែក៏អាចក្លាយទៅជាហានិភ័យដែរ ប្រសិនបើអ្នកទិញមិនបានសិក្សា អោយបានច្បាស់លាស់ និងស៊ីជម្រៅទៅ លើគម្រោង ឬដីឡូតិ៍ដែលចង់ទិញ ឬនឹងទិញនោះ។ ដូច្នេះ មានន័យថា ការទិញដីឡូតិ៍ វាអាចជាឱកាសផង ជាហានិភ័យផង គឺវាអាស្រ័យទៅលើអ្នកទិញចេះពិនិត្យ និងវាយតម្លៃអោយបានត្រឹមត្រូវ មុននឹងទិញដីឡូតិ៍ពីគម្រោងណាមួយ។
ពាណិជ្ជកម្ម
១. គម្រោងផែនការ អភិវឌ្ឍន៍
គម្រោងដីឡូតិ៍ជោគជ័យត្រូវពឹងផ្នែកលើផែនការមេរបស់ទីក្រុង ជាពិសេសផែនការតំបន់ មាន ផែនទីក្នុងតំបន់នោះ ឫតំបន់ជាយដែលនៅជិតតំបន់គោលដៅ។ ប្រសិនបើរដ្ឋាភិបាលធ្វើផែនការមេគ្រប់ដណ្តប់លើតំបន់មួយចំនួន ដែលបង្កើតជាទីក្រុងរណប ថ្មី រួមមាន ផ្លូវសំខាន់ៗ លូបង្ហូរទឹក និងកន្លែងគាប់ចិត្តនានា នេះមានន័យថា ដីឡូតិ៍ទាំងនោះ នៅជិតគម្រោងអភិវឌ្ឍន៍នេះ នឹងមានតម្រូវការខ្លាំង ហើយតម្លៃនឹងកើនឡើងលឿនក្នុងពេលឆាប់ៗ។
២. ទិញដីដែលមានតម្លៃទាបជាងទីផ្សារ ឫ ក្នុងពេលបញ្ចុះតម្លៃ
ជាធម្មតាការរកស៊ីលក់ដូរ ទាំងអ្នកលក់នឹងអ្នកទិញសុទ្ធតែមានតម្រូវការដើម្បីចំណេញរៀងៗខ្លួន ដូច្នេះអ្នកគួរចេះសម្លឹងមើល នឹងសើបទីផ្សារនៅតំបន់នោះជាមុន ប្រសិនថាមានកន្លែងណាប្រកាសលក់ក្នុងតម្លៃក្រោមហាងឆេង ហើយទីតាំងល្អ តែប្រាកដថា ជាដីស្របច្បាប់ មានកម្មសិទ្ធិច្បាស់លាស់ និងត្រឹមត្រូវ ដូច្នេះអ្នកអាចពិចារណាបាន។
៣.ព័ត៌មានមន្ត្រីមូលដ្ឋាន ឫប្រជាពលរដ្ឋ
មុននឹងទិញដីឡូតិ៍ណាមួយ វាចាំបាច់ណាស់ ដែលអ្នកមិនត្រូវមើលរំលង មេភូមិ ប្រជាពលរដ្ឋនៅក្បែរគម្រោង និងមេឃុំ ឬចៅសង្កាត់ ដើម្បីសាកសួរព័ត៌មានផ្សេងៗពីពួកគាត់លើគម្រោងនោះ និងសាកសួរពីប្រវត្តិម្ចាស់ គម្រោងអោយបានច្បាស់លាស់។ ពួកគាត់ជាមនុស្សសំខាន់ទី១ ដែលផ្តល់ព័ត៌មានសុក្រឹត្យដល់អ្នកទិញ ជាងម្ចាស់គម្រោង ឬអ្នកលក់ដីឡូតិ៍ទៅទៀត ។ ម្ចាស់គម្រោង ឬអ្នកលក់ដីឡូតិ៍ខ្លះ មិនផ្តល់ព័ត៌មានពិត អោយអ្នកទិញទេ ដែលជាកត្តាធ្វើអោយអ្នកទិញពិបាកកំណត់ និងវាយតម្លៃក្នុងការសម្រេច ចិត្តទិញដីឡូតិ៍នោះ៕
[wai id="5"]
