[wai id="5"]
[wai id="7"]
នៅកណ្តាលវាលសាធារណៈរឿងវ៉ៃតប់…ឬក៏ឈ្លោះប្រកែកដោយប្រើពាក្យសម្តីយ៉ាងតឹងសសៃករដាក់គ្នានោះ ទោះបីជាបុគ្គលដែលមានសុជីវធម៌ខ្ពស់យ៉ាងណាក្តីតែកើតមាននូវភ្លើងកំហឹងដល់កហើយ ក្តីអៀនខ្មាស់ទាំងប៉ុន្មាន…មានគេមកចោមរោមមើលដូចហ្វូងឃ្មុំក្តីក៏អត់ខ្វល់ដែរទាត់ប៉ើងទៅរៀនជញ្ជាំងសិន សំខាន់បញ្ចេញភ្លើងកំហឹងឲ្យបានរសាយពីក្នុងខ្លួន។ វីដេអូឃ្លីបមួយ ត្រូវបានគេយកទៅបង្ហោះចែកចាយជាសាធារណៈ ល្បីខ្លាំងលើបណ្តាញទំនាក់ទំនងសង្គមហ្វេសប៊ុក ចំពោះឈុតឆាកវាយតប់គ្នា រវាងនារីម្នាក់ដែល ជាប្រពន្ធដើម និងម្នាក់ទៀតជាស្រីកំណាន់របស់លោកប្តី។
ពាណិជ្ជកម្ម
រឿងរ៉ាវ បានកើតឡើងបន្ទាប់ពីនារី ជាប្រពន្ធដើម តាមទាន់ពេលប្តីកំពុងទទួលទានអាហារពេលល្ងាចយ៉ាងរ៉ូមែនទិចតែពីរនាក់ជាមួយស្រីកំណាន់។ នាងប្រពន្ធដើម បាននាំមិត្តភក្តិទៅព្រួតវាយយ៉ាងចាស់ដៃ ផ្អើលគេផ្អើលឯងតែម្តង។គេឃើញមានបុរសម្នាក់ ដែលគេជឿថាជាប្តី បានព្យាយាមឃាត់មិនឲ្យពួកគេ ឈ្លោះប្រកែកវាយតប់គ្នា ប៉ុន្តែនារីជាប្រពន្ធដើមនិងគ្នីគ្នា មិនព្រមបញ្ឈប់សកម្មភាពរបស់ខ្លួន នៅតែបន្តវាយធ្វើបាប នារីរងគ្រោះជាស្រីកំណាន់យ៉ាងចាស់ដៃ ហើយមនុស្សជាច្រើន បានត្រឹមនាំគ្នាចោមរោមមើលទាំងស្រឡាំងកាំងប៉ុណ្ណោះ។
អ្នកនិយមលេងអ៊ីនធើណែតជាច្រើន បានបញ្ចេញមតិថា នាងជាប្រពន្ធដើមគួរវាយតប់ប្តីរបស់ខ្លួនទើបត្រូវ ឬប្រើវិធីសាស្ត្រណាមួយមានហេតុផលត្រឹមត្រូវអាចស្តាប់គ្នាបាន ជាជាងបង្កជម្លោះអឺងកង នៅកណ្តាលចំណោមមនុស្សជាច្រើន គួរឲ្យអាម៉ាសយ៉ាងដូច្នេះ៕
[wai id="6"]