[wai id="5"]
[wai id="7"]
…ក្មេងប្រុសអាយុ១៣ឆ្នាំម្នាក់នេះ កាលពីទើបនឹងកើតមកដោយសារតែមានមុខមាត់ចំឡែកខុសគេស្ទើរពុំដែលជួបប្រទះក្រុមគ្រូពេទ្យបានប្រាប់ថា ជីវិតក្មេងនេះប្រៀបបានជាកំពុងស្ថិតនៅក្នុងបាតដៃមច្ចុរាជគ្រប់ពេលវេលា។ ប៉ុន្តែពីមួយឆ្នាំទៅមួយពេលកន្លងផុតទៅ មច្ចុរាជប្រៀបបានជាដកថយចេញពីជីវិតរបស់ក្មេងម្នាក់នេះទៅហើយ។ កុមារា Tres Johnson បានចាប់កំណើតមក ក្នុងស្ថានភាពមួយដ៏ចម្លែក ដោយគេមានមុខដល់ទៅ២ឯណោះ ហើយគ្រូពេទ្យតែងតែរំលឹកទៅកាន់ឪពុកម្តាយរបស់គេជានិច្ចថា ជីវិតកូនប្រុសរបស់ពួកគេ គឺស្ថិតនៅក្បែរល្អាងមរណៈ ស្ទើគ្រប់ជំហាន។
ពាណិជ្ជកម្ម
Johnson បានកើតនៅក្នុងរដ្ឋ Missouri សហរដ្ឋអាមេរិក ជាមួយនឹងស្ថានភាពជំងឺហ្សែនដ៏កម្រមួយ ហៅថា Sonic the Hedgehog ដែលបានធ្វើឲ្យមានបម្រែបម្រួលទៅលើលលាដ៏ក្បាលរបស់គេ។ វាបានធ្វើឲ្យ Johnson មាន រន្ធច្រមុះពីរដាច់ដោយឡែកពីគ្នា ស្នាមឆែបដ៏ធំមួយ រូបរាងក្បាលដែលខុសប្រក្រតី និងភ្នែក២ដែលនៅឆ្ងាយពីគ្នា។តាមពិតទៅ ភ្នែករបស់គេពិតជាឆ្ងាយពីគ្នាខ្លាំងណាស់ រហូតធ្វើឲ្យការសម្លឹងមើលរបស់គេ មិនអាចស្ថិតនៅក្នុងមុំតែមួយបាន ប្រៀបដូចជាសត្វគោ និងត្រីជាដើម។បើតាមសម្តីម្តាយរបស់Johnson វិញ បានឲ្យដឹងថា កាលនោះ គ្រូពេទ្យបានត្រៀមរួចរាល់ហើយ ដើម្បីឲ្យទារកចម្លែកនេះចាកចេញពីពិភពលោក ប៉ុន្តែប្តីរបស់អ្នកស្រីនៅតែព្យាយាម និងអង្វរគ្រូពេទ្យឲ្យជួយ និងធ្វើយ៉ាងណាឲ្យទារកនេះ មានជីវិតរស់នៅ។ក្មេងប្រុសដ៏កំសត់នេះ ធ្លាប់បានឆ្លងកាត់ការវះកាត់ជាច្រើនដងកន្លងមកហើយ ដែលមានដូចជា ការវះកាត់បិតក្រអូមមាត់ឆែប និងការវះកាត់បង្រួមលលាដ៏ក្បាល ។ គេក៏បានទទួលការព្យាបាលជាច្រើនមកហើយដែរ ដូចជា ការព្យាបាលដោយប្រើប្រេងកញ្ឆាជាដើម។ ចុងក្រោយ ការព្យាបាលទាំងនោះ ពិតជាបានជួយឲ្យ Johnson បានធូរស្បើយមួយកម្រិតមែន ដោយបានជួយកាត់បន្ថយការប្រកាច់ ពីមួយថ្ងៃ ៤០០ដង ឲ្យនៅសល់ត្រឹម មួយថ្ងៃ ៤០ដង។ដោយសារតែគេមានដុំពកជាច្រើននៅក្នុងខួរក្បាលរបស់គេ ដូច្នេះការអភិវឌ្ឍការយល់ដឹងរបស់គេ នៅមានកម្រិតទាបនៅឡើយ។ ថ្វីត្បិតតែ ឥឡូវនេះ គេមានអាយុ១៣ឆ្នាំក៏ដោយក្តី ក៏ស្មារតីរបស់គេ នៅតែប្រៀបដូចជាទារកយ៉ាងអ៊ីចឹង។
ម្តាយរបស់ Johnson បាននិយាយថា “មានមនុស្សជាច្រើនទន្ទឹងចាំមើលថាតើនឹងមានអ្វីកើតឡើងចំពោះកូនរបស់ពួកយើង ហើយពួកគេគិតថា នេះគឺជាសោដនាកម្មមួយ ប៉ុន្តែឥឡូវនេះ កូនរបស់ពួកយើងកំពុងតែរស់នៅជាមួយពួកយើង ហើយសម្រាប់ខ្ញុំ វាមិនមានបញ្ហាអ្វីទៀតឡើយ”។ អ្នកស្រីបានបន្ថែមទៀតថា “ជាច្រើនឆ្នាំកន្លងមកនេះ ខ្ញុំបានលឺ រាល់ការបញ្ចេញមតិរបស់អ្នកដទៃ ដែលមានដូចជា ‘ឲ្យគេស្លាប់ទៅ’ ‘ឲ្យគេសម្រាកទៅ’ ហើយមានអ្នកខ្លះទៀតនិយាយឲ្យខ្ញុំថា ខ្ញុំ ‘អាត្មានិយមខ្លាំងណាស់ ដែលចង់ឲ្យគេនៅរស់’។ ប៉ុន្តែខ្ញុំនៅតែតាំងចិត្ត អត់ធ្មត់ និងពន្យល់ពួកគេអំពីស្ថានភាពកូនរបស់ខ្ញុំ”៕
[wai id="6"]
