[wai id="5"]
[wai id="7"]
…កែវភ្នែកទាំងគូរបស់កញ្ញាម្នាក់នេះស្រស់ស្អាតតាក់តែងដោយធម្មជាតិរួចទៅហើយ ប៉ុន្តែនៅពេលមួយនាងស្រាប់តែកើតមាននូវគំនិតចង់ឲ្យភ្នែកទាំងគូរបស់នាងពេលក្រឡេកឃើញនាងត្រូវសម្លឹងមើលមកនាងស្ទើរតែមិនដកភ្នែក។ យ៉ាដូច្នេះហើយ នាងបានទៅឲ្យជាងសាក់ភ្នែកប្រៀបបានជាដំបៅមិនឈឺយកឈើទៅចាក់យ៉ាងអញ្ជឹង។ តាមប្រភពព័ត៌មាន Oddity Central បានឱ្យដឹងថា នារីអាយុ២៥ឆ្នាំម្នាក់មកពីប្រទេសប៉ូឡូញ បានពិការភ្នែកខាងស្តាំរបស់នាងទាំងស្រុង និងមានបញ្ហាធ្ងន់ធ្ងរនៅភ្នែកខាងឆ្វេង បន្ទាប់ពីនាងទៅសាក់គ្រាប់ភ្នែក ក្នុងគោលបំណងធ្វើឱ្យមានភាពលេចធ្លោខុសគេ។
ពាណិជ្ជកម្ម
រឿងរ៉ាវដ៏គួរឱ្យខ្លោចផ្សារបស់ Aleksandra Sadowska បានចាប់ផ្តើមកាលពី៤ឆ្នាំមុន នៅពេលដែលក្មេងស្រីវ័យក្មេងមកពីទីក្រុង Wroclaw នៅភាគខាងលិច នៃប្រទេសប៉ូឡូញ បានសំរេចចិត្តធ្វើឱ្យភ្នែករបស់នាងមានពណ៌ខ្មៅ។ ក្រោយពីបានសាក់គ្រាប់ភ្នែករួច Aleksandra ចាប់ផ្តើមត្អូញត្អែរពីការឈឺចាប់ធ្ងន់ធ្ងរនៅក្នុងភ្នែករបស់នាងភ្លាមៗ ប៉ុន្តែវិចិត្រករសាក់រូបនេះបានប្រាប់នាងថា វាជារឿងធម្មតា ហើយបានណែនាំឱ្យនាងប្រើថ្នាំបំបាត់ការឈឺចាប់ ដើម្បីដោះស្រាយ។ ក្នុងឆ្នាំ២០១៥ Aleksandra Sadowska បានទទួលការវះកាត់កែសំរួលជាច្រើន ដើម្បីជួយសង្គ្រោះភ្នែកខាងស្តាំរបស់នាង ប៉ុន្តែមិនបានជោគជ័យនោះទេ ហើយអ្នកឯកទេសខាងរោគភ្នែកមិនអាចសន្យានឹងនាងថា នាងនឹងអាចមើលឃើញ ដោយភ្នែកខាងឆ្វេងរបស់នាងបានយូរនោះទេ។ កាសែត Daily Mail បានរាយការណ៍ថា វិចិត្រករសាក់រូបបានប្រើទឹកថ្នាំដែលត្រូវបានរចនាឡើងសម្រាប់សាក់ស្បែករបស់មនុស្ស ដែលធ្វើឱ្យមានការខូចខាតដល់គ្រាប់ភ្នែករបស់ Aleksandra Sadowska។
ទោះបីជាប្រឈមមុខនឹងភាពពិការភ្នែកទាំងស្រុងក៏ដោយ Aleksandra បានប្រាប់អ្នកយកព័ត៌មានប៉ូឡូញថា នាងមិនសោកស្តាយចំពោះការសម្រេចចិត្តរបស់នាងទេ។ អ្វីដែលនាងសោកស្តាយ គឺការជ្រើសរើសមនុស្សខុសក្នុងការមកសាក់គ្រាប់ភ្នែក៕
[wai id="6"]