[wai id="5"]
[wai id="7"]
...ជារឿងមួយដែលទើបតែជួបប្រទះហើយ កូនកម្លោះភ្លោះមួយនេះបានដៅទុកនៅក្នុងចិត្តរួចជាស្រេចថា កូនក្រមុំរបស់គេត្រូវតែជាកូនភ្លោះហើយអាចារ្យទៀតសោតដែលចាត់ចែងក្នុងពិធីមង្គលការក៏ត្រូវតែជាកូនភ្លោះដែរ។ចំពោះបំណងប្រាថ្នាបែបនេះបានទទួលនូវការសើចចំអកពីសាច់ញាតិថាទោះស្ពាយអង្ករប្រឹងដើររកទូទាំងនគរក៏រកពុំបានដែរ។ប៉ុន្តែចុងក្រោយ អាពាហ៍ពិពាហ៍ចម្លែកបំផុតមួយនៅក្នុងប្រទេសឥណ្ឌា បានបង្កឲ្យមានការចាប់អារម្មណ៍មួយ ដោយសារកូនកំលោះជាកូនភ្លោះ រៀបការជាមួយកូនក្រមុំជាកូនភ្លោះដូចគ្នា និងថ្ងៃតែមួយថែមទៀត។ ទម្រាំបានជួបគ្នា ពួកគេបានចំណាយពេលវេលាជាច្រើនខែឆ្នាំ ដើម្បីស្វែងរកគូជីវិតដ៏កម្រមួយនេះ។
[wai id="7"]
...ជារឿងមួយដែលទើបតែជួបប្រទះហើយ កូនកម្លោះភ្លោះមួយនេះបានដៅទុកនៅក្នុងចិត្តរួចជាស្រេចថា កូនក្រមុំរបស់គេត្រូវតែជាកូនភ្លោះហើយអាចារ្យទៀតសោតដែលចាត់ចែងក្នុងពិធីមង្គលការក៏ត្រូវតែជាកូនភ្លោះដែរ។ចំពោះបំណងប្រាថ្នាបែបនេះបានទទួលនូវការសើចចំអកពីសាច់ញាតិថាទោះស្ពាយអង្ករប្រឹងដើររកទូទាំងនគរក៏រកពុំបានដែរ។ប៉ុន្តែចុងក្រោយ អាពាហ៍ពិពាហ៍ចម្លែកបំផុតមួយនៅក្នុងប្រទេសឥណ្ឌា បានបង្កឲ្យមានការចាប់អារម្មណ៍មួយ ដោយសារកូនកំលោះជាកូនភ្លោះ រៀបការជាមួយកូនក្រមុំជាកូនភ្លោះដូចគ្នា និងថ្ងៃតែមួយថែមទៀត។ ទម្រាំបានជួបគ្នា ពួកគេបានចំណាយពេលវេលាជាច្រើនខែឆ្នាំ ដើម្បីស្វែងរកគូជីវិតដ៏កម្រមួយនេះ។
ពាណិជ្ជកម្ម
ក្នុងនោះដែរ ដើម្បីឱ្យអាពាហ៍ពិពាហ៍នោះក្លាយជាចំណងស្នេហ៍ភ្លោះដ៏ស្មើភាពគ្នា ហើយអស្ចារ្យសម្រាប់ទាំង ២គូ ពួកគេបានស្វែងរកអាចារ្យរៀបចំកម្មវិធី គឺជាកូនភ្លោះដូចគ្នាថែមទៀត។ កូនកំលោះភ្លោះ ឈ្មោះ Dhiraj និង Dilkar បានរៀបការជាមួយកូនក្រមុំភ្លោះឈ្មោះ Reema និង Reena នៅវិហារ St. Xavier នៅស្រុក Thrissur នៃរដ្ឋ Kerala ភាគខាងត្បូងប្រទេសឥណ្ឌា។ យោងទៅតាមសារព័ត៌មាន ដេលីម៉េល បានឲ្យដឹងថា នៅពេលពួកគេនៅវ័យជំទង់ Dilkar និង Dilkar បានសម្រេចចិត្តថា ពួកគេនឹងរៀបការជាមួយកូនភ្លោះដូចខ្លួនដែរ ហើយពួកគេបានរកឃើញ Reema និង Reena ដែលមានវ័យប្រហាក់ប្រហែលគ្នា បន្ទាប់ពីដើរស្វែងរកគូអស់រយៈពេល ៥ ឆ្នាំ។បុរសជាកូនភ្លោះទាំង២នាក់ បានប្រាប់សារព័ត៌មានឲ្យដឹងថា ពួកគេទាំង២នាក់ បច្ចុប្បន្នធ្វើការផ្នែកព័ត៌មានវិទ្យា (IT) ហើយបានធំឡើងជាមួយគ្នា ដោយស្លៀកសំលៀកបំពាក់ដូចគ្នា និងធ្វើអ្វីៗដូចគ្នា។ Dilkar បាននិយាយថា៖ «សូម្បីតែនៅក្នុងការប្រលង យើងក៏ទទួលបានពិន្ទុប្រហាក់ប្រហែលគ្នាដែរ ខុសគ្នាតិចតួចប៉ុណ្ណោះ។ បន្ទាប់ពីបញ្ចប់ការសិក្សានៅមហាវិទ្យាល័យ យើងថែមទាំងបានចូលធ្វើការនៅក្រុមហ៊ុនតែមួយ ជាមួយគ្នាទៀតផង»។Dilkar អាយុ ៣២ ឆ្នាំបាននិយាយថា៖ «ក្រោយមកបងប្អូនយើងទាំង២នាក់ បានឆ្លងកាត់ការធ្វើការងារ បែកគ្នាជាលើកដំបូង។ ខ្ញុំត្រូវបានគេចាត់ឲ្យទៅធ្វើការ នៅភាគខាងជើងប្រទេសឥណ្ឌា ខណៈដែល Dilraj ត្រូវក្រុមហ៊ុនបញ្ជូនទៅធ្វើការនៅភាគខាងត្បូង»។ ពួកគេបានពន្យល់ថា កាលពីដំបូងឡើយ ពួកគេបានសម្រេចឲ្យសារព័ត៌មានជួយចុះផ្សាយរកគូ តែវាមិនមែនជាការងាយស្រួលនោះទេ ក្នុងការស្វែងរកគូ ជាកូនភ្លោះ ហើយមានជីវភាពគ្រួសារប្រហាក់ប្រហែលគ្នានោះ។បុរសទាំង២នាក់នេះ ជាអ្នកព័ត៌មានវិទ្យាដូចគ្នា ហើយកូនក្រមុំភ្លោះទាំង ២នាក់ ក៏ជាគិលានុបដ្ឋាយិកា ដូចគ្នាផងដែរ។ ពួកគេតែងតែសិក្សានៅសាលាដូចគ្នា ហើយតែងតែធ្វើរឿងដូចៗគ្នា។ Reema និង Reena កំពុងធ្វើការជាគិលានុបដ្ឋាយិកាហើយ ក៏កំពុងស្វែងរកស្វាមីភ្លោះអស់ពេល ៣ឆ្នាំមកហើយដែរ។ ទីបំផុត កូនភ្លោះទាំងពីរ បានជួបគ្នាហើយរៀបចំអាពាហ៍ពិពាហ៍ដ៏ធំមួយតែម្ដង។
ខាងកូនកំលោះបាននិយាយថា៖ «នៅពេលដែលយើងបានជួប Reena និង Reema យើងដឹងថាអ្នកទាំង២ គឺជាមនុស្សដែលយើងកំពុងតែស្វែងរកជាយូរមកនោះហើយ។ សំណាងណាស់ដែលពួកគេក៏មានអារម្មណ៍ និងចំនងចំណូលចិត្តស្រដៀងគ្នា បន្ទាប់ពីយើងបានជួបគ្នា»។នៅពេលនិយាយដល់អាចារ្យជាកូនភ្លោះ ពួកគេបានជួបអាចារ្យភ្លោះ Rezi និង Rozy រួចហើយ ប៉ុន្តែពួកគាត់មានរវល់ពេញអស់ទៅហើយ ក្រោយមក ពួកគេក៏ត្រូវធ្វើដំណើររាប់រយគីឡូ ពីទៅក្រុង Chennai ទៅទីក្រុង Thrissur ដើម្បីធ្វើពិធីអាពាហ៍ពិពាហ៍។ លោក Dilraj បានបញ្ជាក់ថា៖ «យើងត្រូវរង់ចាំរយៈ ពេលជាច្រើនខែ ដើម្បីឲ្យអាចារ្យមកធ្វើពិធីមង្គលការរបស់យើង»៕
[wai id="6"]