[wai id="5"]
[wai id="7"]
...ពិតជាឈាមរត់រកឈាមមែន កាលពីក្មេងៗពួកគេទាំងពីររាប់អានគ្នាដូចជាពួកម៉ាកតែប៉ុណ្ណោះ...លុះដល់ចាស់កោងខ្នងតែរៀងៗខ្លួន...ទើបអាថ៌កំបាំងបានលាតត្រដាងប្រៀបដូចជាឈុតបញ្ចប់ក្នុងខ្សែភាពយន្តតាមពិតទៅពួកគេទាំងពីរជាបងប្អូនបង្កើតនឹងគ្នាសោះ!។បុរសចំណាស់ពីរនាក់ ដែលបានរាប់អានគ្នាតាំងពីក្មេងៗអស់រយៈពេល ៦០ឆ្នាំមកហើយ ទើបបានដឹងថា ការពិតពួកគាត់គឺជាបងប្អូនបង្កើតនឹងគ្នាសោះ ។
ពាណិជ្ជកម្ម
លោក Walter Macfarlane អាយុ ៧៤ ឆ្នាំ ចំនែកលោក Alan Robinson អាយុ ៧១ឆ្នាំ។ អ្នកទាំងពីរកើតនៅក្នុងរដ្ឋហាវៃ សហរដ្ឋអាមេរិច។ ពួកគាត់ទាំងពីរនាក់បានជួបគ្នាកាលនៅរៀនថ្នាក់ទី ៦ និងបានរាប់អានគ្នាជាមិត្តល្អនឹងគ្នាអស់រយៈពេល ៦០ឆ្នាំ។បើតាមឯកសាររបស់ពួកគាត់ មានភាពដូចគ្នាច្រើនខ្លាំង ប៉ុន្តែពួកគេមិនដែលគិតថា ពួកគាត់ជាប់សាច់ឈាមនឹងគ្នានោះទេ រហូតដល់គេហទំព័រផ្គូផ្គង DNA បានបង្ហាញថាពួកគាត់មានទំនាក់ទំនងនឹងគ្នា។កាលនៅតូច លោក Alan Robinson ត្រូវបានគេសុំយកទៅចិញ្ជឹម ចំនែកលោក Macfarlane មិនស្គាល់ថាឪពុករបស់លោកជានរណាសោះ ដូច្នេះអ្នកទាំងពីរបានព្យាយាមស្វែងរកមើលព៌តមានដើម្បីចង់ដឹងពីប្រវត្តដើមរបស់គ្រួសារពូកគាត់។
អស់រយៈពេលជាច្រើនឆ្នាំ លោក Macfarlane បានព្យាយាមស្វែងរកប្រវត្តិថាឪពុករបស់លោកជានរណា ប៉ុន្តែលោកមិនអាចរកដឹងសោះ។ ប៉ុន្តែកូនស្រីរបស់លោកបានជួយលោក ដោយគាត់នឹងកូនស្រី បានចាប់ផ្តើមពិនិត្យមើលភស្ថុតាងតាមរយៈការផ្គូផ្គងដែលគាត់បានលើគេហទំព័រ DNA។ទីបំផុតពួកគាត់បានដឹងថា ពួកគាត់មានមានឈ្មោះម្តាយតែមួយ៕
[wai id="6"]