[wai id="5"]
[wai id="7"]
...ពិធីមង្គលការដែលរវល់ហត់នឿយអស់ពេញមួយថ្ងៃបានឈានដល់ទីបញ្ចប់នៅសល់តែស្នូរសម្លេងបន្លឺចេញពីធុងបាសទៀតប៉ុណ្ណោះឈានចូលដល់រាត្រីទឹកឃ្មុំហើយ។ ប៉ុន្តែពុំនឹកស្មានសោះកូនក្រមុំ-កូនកម្លោះមួយគូនេះអត់បានដឹកដៃគ្នាចូលក្នុងបន្ទប់ផ្សំដំណេកនោះទេ ព្រោះតែកូនកម្លោះរត់ចេញពីផ្ទះការទាំងមុខហើមពោរទៅដេកផ្ទះម្តាយ។ ពិធីមង្គលការកម្លោះក្រមុំវៀតណាមមួយគូ ជិតបញ្ចប់ ស្រាប់តែភាគីខាងក្រុមគ្រួសារកូនក្រមុំ និងខាងកូនកម្លោះផ្ទុះហឹង្សាវាយគ្នាដោយសារបញ្ហាចាក់ធុងបាស់ បណ្ដាលឲ្យភាគីកូនកម្លោះរងរបួសប៉ោងមុខប៉ោងមាត់ មិនហ៊ានដេកនៅបន្ទប់ផ្សំដំណេក ហើយគេចខ្លួនទៅដេកផ្ទះម្តាយ ព្រោះខ្លាចបងប្អូនខាងកូនក្រមុំតាមវាយខ្លួនបន្តទៀត ។
ពាណិជ្ជកម្ម
ហេតុការណ៍ផ្ទុះហឹង្សាក្នុងពិធីមង្គលការនេះ បានកើតឡើងកាលពីវេលាម៉ោង១០និង៥០នាទី យប់ថ្ងៃទី២ ខែមិនា ឆ្នាំ២០២០ នៅចំណុចគេហដ្ឋានខាងស្រី ស្ថិតក្នុងភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ ។សមត្ថកិច្ចមូលដ្ឋាន បានឲ្យដឹងថា មុនពេលកើតហេតុ គឺភាគីខាងកូនកំលោះ និងកូនក្រមុំបានបានចាក់ធុងបាស់រាំលេងយ៉ាងសប្បាយ ។ មួយសន្ទុះក្រោយមក ស្រាប់តែភាគីទាំង២ឈ្លោះគ្នាពីរឿងចាក់ភ្លេងរាំលេង ដោយភាគីខាងកូនក្រមុំសុំបិទធុងបាស់ព្រោះយប់ជ្រៅហើយ កុំឲ្យរំខានដំណេកអ្នកជិតខាង តែភាគីខាងកូនប្រុសទទូចសុំរាំលេងបន្តទៅទៀត ក៍មានការខ្វែងគំនិតគ្នា រហូតធ្វើឲ្យភាគីទាំង២ ផ្ទុះហឹង្សាវាយគ្នាទៅវិញទៅមក បណ្តាលសាម៉ីខ្លួនជាកូនកម្លោះ និងបងប្រុស រងរបួសប៉ោងមុខប៉ោងមាត់ ។ ចំណែកភាគីខាងបងប្អូនកូនក្រមុំ រងរបួសស្រាលចំនួន៣នាក់ ហើយកូនកម្លោះបានគេចទៅដេកនៅផ្ទះម្តាយខ្លួន ដោយមិនបានផ្សំដំណេកនៅក្នុងផ្ទះរបស់កូនក្រមុំទេ ព្រោះខ្លាចខាងបងប្អូនកូនក្រមុំ ជាគូជម្លោះតាមរករឿងដល់ក្នុងបន្ទប់ផ្សំដំណេក ។សមត្ថកិច្ចមូលដ្ឋាន បានឲ្យដឹងថា ក្រោយពេលកើតហេតុ ភាគីទាំង២បានមកដាក់ពាក្យបណ្តឹងនៅប៉ុស្តិ៍ច្បារអំពៅ២ ដោយភាគីទាំង២ធំក្លិនស្រាហួង និយាយឡើងស្អិតមាត់ ។ ពេលនោះ សមត្ថកិច្ចសុំឲ្យគូជម្លោះទាំង២ ផ្លុំជាតិអាកុល សិន តែពួកគេមិនព្រមផ្លុំទេ ហើយសុំទៅផ្ទះរៀងៗខ្លួនសិន ដោយរង់ចាំព្រឹកឡើងមកដាក់ពាក្យបណ្តឹងម្តងទៀត ។
លុះដល់ព្រឹកថ្ងៃទី៣ ខែមីនា ឆ្នាំ២០២០នេះ សមត្ថកិច្ចមិនឃើញគូជម្លោះទាំង២ មកដាក់ពាក្យបណ្តឹង រហូត សមត្ថកិច្ចមូលដ្ឋាន បានហៅឳពុកម្តាយទាំងសង្ខាងមកសម្រុះសម្រួលគ្នា បញ្ចប់បញ្ហា កុំឲ្យគុំគួនគ្នាតទៅទៀត ដើម្បីឲ្យកូនក្រមុំ និងកូនកម្លោះបានផ្សំដំណេកដោយសុវត្ថិភាពផង៕
[wai id="6"]
