[wai id="5"]
[wai id="7"]
…មុនចូលធ្វើការជាគិលានុប្បដ្ឋានយិកាប្រាកដណាស់មានការស្បថស្បែគោរពទៅតាមវិជ្ជាជីវះ យកចិត្តទុកដាក់មើលថែអ្នកជម្ងឺយ៉ាងអស់ពីចិត្តពីថ្លើម…។ ប៉ុន្តែដោយឡែកចំពោះគិលានុប្បដ្ឋាយិកា២នាក់នេះ ពុំដឹងជាឆេះដុំពីណាពីណីមកទេស្រាប់តែមានចិត្តខ្មៅដាក់អ្នកជម្ងឺ ខុសពីពាក្យសម្បថ។ តែស័ក្តិសិទ្ធិមែនធ្វើផ្ទុយពីពាក្យសម្បថ បាត់បង់អស់រលីងការងារ។ ខ្សែវីដេអូថតដោយកាមេរ៉ាសុវត្ថិភាព នៅកន្លែងកើតហេតុ បង្ហាញឲ្យឃើញគិលានុប្បដ្ឋាយិកា២រូបនៅមន្ទីរពេទ្យក្នុងប្រទេសរុស្ស៊ី បានប្រើរទេះរុញដឹកអ្នកជំងឺម្នាក់ ចេញពីកន្លែងសង្គ្រោះបន្ទាន់ ហើយទុកនៅក្រៅទាំងសីតុណ្ហភាពដ៏ត្រជាក់។
ពាណិជ្ជកម្ម
កាមេរ៉ាសុវត្ថិភាពបង្ហាញឲ្យឃើញអ្នកជំងឺដេកលើដី ហើយមានស្នាមរបួសហូរឈាមនៅជើង ធ្វើឲ្យពលរដ្ឋក្នុងតំបន់ផ្ទុះកំហឹងយ៉ាងខ្លាំង។Marina Vartazaryan, មេដឹកនាំអាជ្ញាធរតុលាការកំពូលទីក្រុងSochi បានថ្លែងថា ៖ “យើងខ្ញុំថ្កោលទោសយ៉ាងម៉ឺងម៉ាត់ចំពោះគិលានុប្បដ្ឋាយិកាទាំង ២រូបនេះ ។ ឥឡូវនាងទាំង ២ ត្រូវបានបណ្តេញចេញពីការងារហើយ។គ្រូពេទ្យស្រី២នាក់នេះបានកុហកថាអ្នកជម្ងឺ ចង់ចាកចេញពីមន្ទីរពេទ្យ ព្រោះមិត្តភក្តិរបស់គេនៅចាំខាងក្រៅ។ ប៉ុន្តែជាក់ស្តែង គេពុំឃើញមានសាច់ញាតិ ឬមិត្តភក្តិណានៅក្រៅទាំងអស់។
សាក្សីម្នាក់បានទម្លាយចេញរឿងគួរឲ្យព្រឺក្បាលថានៅ គ្រានេះគាត់បានសុំឲ្យគិលានុប្បដ្ឋាយិកាទាំង២រូប បកស្រាយចំពោះទង្វើខាងលើ ស្រាប់គេស្រែកដាក់គាត់ថា ៖ “យកគាត់ទៅ បើអ្នកឯងចង់។ ពួកខ្ញុំពុំត្រូវការគេទេ!”៕
[wai id="6"]