[wai id="5"]
[wai id="7"]
…មិនថាតែនៅក្នុងសម័យទំនើបយើងនេះទេដែលរាល់ការប្រលងនីមួយៗច្រើនតែមានសិស្សខ្លះដែលមិនសូវទុកចិត្តពីប្រាជ្ញាស្មារតីរបស់ខ្លួនបានលួចយកព្រីយ៉ុងទៅបើកចាក់ក្នុងថ្នាក់ប្រលង គឺកាលពីនៅក្នុងសម័យបូរាណកាលក៏មានទង្វើបែបដូចគ្នានោះដែរ។ កាលពីពេលកន្លងទៅនេះ សារព័ត៌មានចិន សៀងហៃអ៊ីស បានចុះផ្សាយ ថា សិស្សនិស្សិតចិន ត្រូវបានគេដឹងថា មានជំនាញខ្ពស់ក្នុងការប្រើប្រាស់ឧបករណ៍បច្ចេកវិទ្យាទំនើប ដើម្បីលួចចម្លងវិញ្ញាសារ នៅក្នុងការប្រលងប្រចាំឆ្នាំ Gaokao ហើយកាលពីរាប់រយឆ្នាំមុន អ្នកប្រាជ្ញនៅក្នុងប្រទេសចិន ក៏មិនខុសពីបច្ចុប្បន្នដែរ ដោយពួកគេត្រូវបង្ខំចិត្តប្រើវិធីសាស្ត្រចាស់គម្រិល ដើម្បីបានលួចចម្លងផងដែរ។
ពាណិជ្ជកម្ម
ប្រភពព័ត៌មានបានឲ្យដឹងថា កូនសៀវភៅតូចមួយក្បាល ដែលជាសៀវភៅទុកលួចចម្លង ត្រូវបានដាក់តាំងបង្ហាញ នៅទីក្រុងឆាងសា ក្នុងខេត្តហួរណាន ។ សៀវភៅនោះ ផ្ទុកទៅដោយបន្តុំអត្ថបទនៃសៀវភៅ Four Books and Five Classics របស់អ្នកប្រាជ្ញ ខុងជឺ ដែលនិស្សិតនៅជំនាន់នោះត្រូវចងចាំ ដើម្បីប្រលងចូលធ្វើជាមន្ត្រីស៊ីវិលរបស់ព្រះចៅអធិរាជ។ម្ចាស់ហាងវត្ថុបុរាណ និងសៀវភៅម្នាក់នៅក្នុងតំបន់បានពន្យល់ថា អ្នកប្រាជ្ញនៃរាជវង្សមីង (Ming) និងឈីង (Qing) បានលួចយកសៀវភៅបែបនេះចូលទៅមណ្ឌលប្រលងរបស់ពួគេ ដោយដេរលាក់ទុកនៅក្នុងសំលៀកបំពាក់ ឬលាក់នៅក្នុងស្បែកជើង ដោយសង្ឃឹមថា នឹងអាចជាជំនួយបន្ថែមតិចតួចដល់ពួកគេក្នុងការប្រលងឲ្យជាប់ ដើម្បីទទួលបានតំណែងធំនៅក្នុងរាជការ។ប្រភពបន្តថាគេមិនបានដឹងច្បាស់ទេថា តើវិធីសាស្ត្រក្នុងការគ្រប់គ្រងពេលប្រលង និងការការពារអ្នកលួចចម្លង មានសភាពបែបណានៅសម័យនោះ។
សព្វថ្ងៃនេះវិញ សាលាជាច្រើននៅក្នុងប្រទេសចិន បានបង្ខំឲ្យសិស្សនិស្សិត ធ្វើការប្រលងនៅខាងក្រៅថ្នាក់ ដោយមានការឃ្លាំមើលយ៉ាងដិតដល់ ពីសំណាក់លោកគ្រូអ្នកគ្រូ ហើយថែមទាំងប្រើកែវយឹត ឬយន្តហោះដ្រូន (Drone) ទៀតផង៕
[wai id="6"]