[wai id="5"]
[wai id="7"]
នៅព្រឹកថ្ងៃទី៩ មីនានេះ សម្ដេច ហ៊ុន សែន បានប្រកាសថានឹងបន្តដំណើរទៅជួបសុខទុក្ខបុរសជនជាតិខ្មែរ ដែលផ្ទុកវីរុសកូរ៉ូណាប្រភេទថ្មី (COVID-19) នៅខេត្តសៀមរាប។ សម្តេចបានថ្លែងបែបនេះនៅក្នុង ពិធីដាក់ឱ្យដំណើរការជាផ្លូវការផ្លូវជាតិ លេខ៥៥ តភ្ជាប់ពីផ្លូវជាតិ លេខ៥ ក្នុងទីរួមខេត្តពោធិ៍សាត់ ឆ្ពោះទៅកាន់ព្រំដែនថ្មដា ជាប់ជាមួយខេត្តត្រាត ប្រទេសថៃ។
គួរបញ្ជាក់ដែរថាការប្រកាសរបស់សម្តេច បន្ទាប់ពីមន្ត្រីសុខាភិបាលកម្ពុជា បានបញ្ជាក់នៅក្នុងសន្និសីទសារព័ត៌មានកាលពី ប៉ុន្មានថ្ងៃ ថាជនជាតិខ្មែរម្នាក់ នៅខេត្តសៀមរាប ត្រូវបានធ្វើតេស្តរកឃើញថា មានផ្ទុកមេរោគកូរ៉ូណាថ្មី ឬកូវីដ-១៩ (Covid-19)។
ពាណិជ្ជកម្ម
អ្នកនាំពាក្យក្រសួងសុខាភិបាល អ្នកស្រី ឱ វណ្ឌឌីន បញ្ជាក់ថា បុរសជនជាតិខ្មែររូបនេះ មានវ័យ ៣៨ ឆ្នាំ និងជាអ្នកគ្រប់គ្រងកិច្ចការធុរកិច្ចផ្ទាល់ របស់ជនជាតិជប៉ុន ដែលត្រូវបានអាជ្ញាធរជប៉ុន រកឃើញថា មានផ្ទុកជំងឺកូវីដ-១៩ នេះដែរ ក្រោយចាកចេញពីក្រុង សៀមរាប៖ « យើងទទួលបានព័ត៌មានថា គាត់រកឃើញ នូវជនប៉ះពាល់បន្ថែមទៀត ជាពិសេសក្រុមគ្រួសារ របស់បុរសអាយុ ៣៨ ឆ្នាំនោះ ហើយពួកគាត់ទាំងអស់នេះ បានមកដាក់ឱ្យនៅដាច់ដោយឡែកនៅមន្ទីរពេទ្យបង្អែកសៀមរាបរួចហើយ»៕
[wai id="6"]
