[wai id="5"
[wai id="7"]
ការរីករាលដាលនៃវីរុស Covid-19 នៅក្នុងពិភពលោក និងក្នុងតំបន់បានជះឥទ្ធិពល ដល់សេដ្ឋកិច្ចកម្ពុជា សម្ដេចនាយករដ្ឋមន្ត្រី ហ៊ុន សែន ប្រាប់ឱ្យគ្រឺះស្ថានហិរញ្ញវត្ថុទាំងអស់ ពន្យាការបង់ និងអត់យកការប្រាក់ពីកម្មកររោងចក្រ ដែលព្យួរការងារ ដោយសាររោងចក្របិទទ្វារបណ្ដោះអាសន្ន នៅគ្រាដែលចិនជាអ្នកផ្គត់ផ្គង់វត្ថុធាតុដើមដ៏ធំ កំពុងប្រយុទ្ធប្រឆាំងបញ្ហាវីរុស COVID-19។
សម្ដេច ហ៊ុន សែន ក៏បានបញ្ជាឱ្យរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជួយសម្រួល និងដោះស្រាយបញ្ហាជាមួយគ្រឹះស្ថានហិរញ្ញវត្ថុ។ការថ្លែងខាងលើនេះ ធ្វើឡើងក្នុងពិធីសម្ពោធដាក់ឱ្យប្រើប្រាស់ផ្លូវជាតិលេខ៥៥ តភ្ជាប់ពីផ្លូវជាតិ លេខ៥ ក្នុងទីរួមខេត្តពោធិ៍សាត់ ឆ្ពោះទៅកាន់ព្រំដែនថ្មដា ជាប់ជាមួយខេត្តត្រាត ប្រទេសថៃ និងបើកការដ្ឋានសាងសង់ ផ្លូវជាតិ១០ តភ្ជាប់ពីសំឡូត ទៅខេត្តកោះកុង នាព្រឹកថ្ងៃទី៩ ខែមីនា ឆ្នាំ២០២០។
ពាណិជ្ជកម្ម
ជុំវិញបញ្ហានេះដែរ ធនាគារជាតិនៃកម្ពុជាអំពាវនាវឱ្យគ្រឹះស្ថានធនាគារ និងមីក្រូហិរញ្ញវត្ថុបន្តផ្តល់ប្រាក់កម្ចី និងរិះរកវិធីពន្យារការសងត្រឡប់សម្រាប់ប្រភេទអាជីវកម្មក្នុងវិស័យខ្លះដែលទំនងកំពុងទទួលរងផលប៉ះពាល់យ៉ាងដំណំដោយសារការរីករាលដាលនៃវីរុស Covid-19 ខណៈធនាគារឯកជនបានត្រៀមខ្លួនឆ្លើយតបចំពោះរឿងនេះ។
លោក រ័ត្ន សុវណ្ណនរៈ អគ្គនាយកត្រួតពិនិត្យនៃធនាគារជាតិនៃកម្ពុជា បានរៀបចំកិច្ចប្រជុំជាមួយគ្រឹះស្ថានធនាគារ និងគ្រឹះស្ថានមីក្រូហិរញ្ញវត្ថុទទួលប្រាក់បញ្ញើកាលពីថ្ងៃពុធ ដើម្បីពិភាក្សា និងស្វែងរកយន្តការការពារផលប៉ះពាល់ដែលកំពុងជះឥទ្ធិពលបណ្តាលមកពីការរីករាលដាលជាសកលនៃវីរុស Covid-19 មកលើវិស័យធនាគារ និងគ្រឹះស្ថានមីក្រូហិរញ្ញវត្ថុនៅកម្ពុជា។នេះបើយោងតាមការចុះផ្សាយរបស់សារព័ត៌មានអន្តរជាតិមួយមានការិយាល័យនៅភ្នំពេញ ។
លោកបានលើកឡើងនូវវិធានការចំនួន ៣ ចំណុចគឺ
ទី១៖ ត្រូវបន្តផ្តល់ឥណទានឱ្យកាន់តែសកម្មដល់វិស័យអាទិភាព ដើម្បីធានានិរន្តរភាពអាជីវកម្មទាំងនោះ
ទី២ ៖ រក្សាភាពទន់ភ្លន់តាមលទ្ធភាពជាក់ស្តែង តាមរយៈការពិនិត្យលទ្ធភាពក្នុងការបន្ធូរបន្ថយ និងពន្យារពេលនៃការសងប្រាក់ដើម និងការប្រាក់ ពិសេសចំពោះម្ចាស់អាជីវកម្មក្នុងវិស័យសណ្ឋាគារ និងផ្ទះសំណាក់ និងវិស័យពាក់ព័ន្ធទេសចរណ៍ផ្សេងៗទៀត និង ទី៣៖ បន្តតាមដាន និងដាក់ចេញវិធានការការពារការរីករាលដាលនៃវីរុស Covid-19 ទៅលើបុគ្គលិក និងអតិថិជន ដើម្បីធានាឱ្យបាននិរន្តរភាពប្រតិបត្តិការរបស់គ្រឹះស្ថានធនាគារ និងហិរញ្ញវត្ថុជាប្រក្រតី។
គួរបញ្ចាក់ដែរថា ក្រសួងសេដ្ឋកិច្ច និងហិរញ្ញវត្ថុបានឲ្យដឹងថា រាជរដ្ឋាភិបាលកម្ពុជា បានត្រៀមកញ្ចប់ថវិកា៣០លានដុល្លារអាមេរិក ដើម្បីការពារវីរុស Covid-19 និងមេរោគឆ្លងនានា សម្រាប់រយៈពេល៦ខែ ចាប់តាំងពីបច្ចុប្បន្ននេះ ហើយប្រសិនបើនៅតែមិនទាន់រក ឃើញឱសថព្យាបាលជំងឺនេះទៀត រាជរដ្ឋាភិបាលក៏ត្រៀមនូវកញ្ចប់ថវិកាមួយចំនួនទៀតផងដែរ៕
[wai id="6"]
