[wai id="5"]
[wai id="7"]
បើគិតមកត្រឹមថ្ងៃនេះ មេរោគកូរ៉ូណា បានរីករាលដាលទៅកាន់ប្រទេស 100ប្រទេសហើយ នៅទូទាំងពិភពលោក។ ៩៧% នៃករណីឆ្លងទាំងអស់ គឺជាការឆ្លងនាំយកមេរោគ ចេញពីប្រទេសចិន ទៅកាន់ប្រទេសផ្សេង។ ចំណែក៣% ទៀត គឺជាករណីឆ្លង កើតឡើងនៅតាមប្រទេសផ្សេង ក្រៅពីចិន។ ក្រុមអ្នកជំនាញនៃអង្គការសុខភាពពិភពលោក កំពុងតែស្វះស្វែង រកថ្នាំព្យាបាល ដើម្បីសម្លាប់មេរោគនេះ រហូតមកដល់ពេលនេះគេនៅពុំទាន់ទទួលបានព័ត៌មានស្តីអំពីថ្នាំបង្ការនៃជំងឺនេះឲ្យបាន ច្បាស់លាស់ នៅឡើយទេ។
ពាណិជ្ជកម្ម
សម្រាប់នៅកម្ពុជាវិញកាលពីប៉ុន្មានថ្ងៃនេះ មានការចុះផ្សាយពីបណ្តាសារព័ត៌មានមួយចំនួនក្នុងស្រុកថា រដ្ឋាបាលភិបាលកម្ពុជា នឹងទទួលបានថ្នាំព្យាបាលជំងឺ Covid-19 ពីប្រទេសចិននៅដើមខែនេះ ។ ប៉ុន្តែយ៉ាងណាមិញទាក់ទងនឹងបញ្ហានេះ លោក ផៃ ស៊ីផាន អ្នកនាំពាក្យរាជរដ្ឋាភិបាលកម្ពុជាបានបដិសេធព័ត៌មាន នេះ។
តាមរយៈបណ្តាញសង្គមហ្វេសបុកលោក ផៃ ស៊ីផាន បានសរសេរថា៖ “គោរពជម្រាបជូនបណ្ដាញសារព័ត៌មាន និងប្រិយមិត្តFBFs ក្នុងនាម ខ្ញុំជាអ្នកនាំពាក្យរាជរដ្ឋាភិបាល សូមច្រានចោលនូវព័ត៌មាន ដែលបានផ្សព្វផ្សាយថា “រាជរដ្ឋាភិបាលប្រកាសថា ថ្នាំព្យាបាលជំងឺកូវីដ១៩ នឹងនាំពីចិនមកកម្ពុជានៅចុងខែនេះ”។ ការពិត ខ្ញុំគ្រាន់តែលើកឡើងថា “ចិន និងអាមេរិក បានរកឃើញវ៉ាក់សាំងដើម្បីការពារជំងឺ កូវីដ១៩” តែប៉ុណ្ណោះ។ ចំពោះការផ្សព្វផ្សាយព័ត៌មានលើសពីនេះ ខ្ញុំពុំទទួលខុសត្រូវឡើយ។ អរគុណ”។
[wai id="6"]