[wai id="5"]
[wai id="7"]
កាលពីពេលកន្លងទៅនេះ ដោយសង្កេតឃើញប្រជាពលរដ្ឋ មួយចំនួនមិនគោរពច្បាប់ចរាចរណ៍ផ្លូវគោក ពោលគឺ ពេលល្មើសច្បាប់អាងបង់លុយផាកពិន័យ យករួចខ្លួននោះ សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានណែនាំឲ្យភាគីពាក់ព័ន្ធរៀបចំធ្វើវិសោធនកម្មច្បាប់ដើម្បីដកសិទ្ធិអ្នកបើកបរដែលល្មើសច្បាប់ចាប់ពី៣ដងឡើងទៅ។ សម្ដេចតេជោ ហ៊ុន សែន ក៏បានសង្កត់ធ្ងន់ថា អ្នកដែលបើកបរល្មើសច្បាប់លើកទី១ ផាកពិន័យ១ដង ល្មើសលើកទី២ត្រូវផាក ពិន័យគុណនឹង២ បើល្មើសលើកទី៣ត្រូវផាកពិន័យគុណនឹង៣ដងដែរ។
ជាមួយគ្នានោះដែរ ស្នងការដ្ឋាននគរបាលរាជធានីភ្នំពេញបានចាប់ផ្ដើមអនុវត្ដវិធានការក្តៅក្នុងការរឹតបន្តឹងការអនុវត្តច្បាប់ចរាចរណ៍ នៅពេលយប់ចាប់ពីម៉ោង ១១ យប់ដល់ម៉ោង ២ កន្លះរំលងអធ្រាត្រដោយមិនមានការលើកលែងចំពោះអ្នកបើកបរល្មើសឡើយ ខណៈគ្រាន់តែ ១ យប់ថ្ងៃចន្ទ ទី ៩ ខែមីនា សមត្ថកិច្ចបានចាប់ឃាត់រថយន្ត និងម៉ូតូរហូតដល់ជាង ៤០០ គ្រឿងយកទៅស្នងការដ្ឋានដើម្បីធ្វើការអប់រំ និងផាកពិន័យ។
ពាណិជ្ជកម្ម
លោក ស ថេត ស្នងការនគរបាលរាជធានីភ្នំពេញបានថ្លែងប្រាប់ថាការរឹតបន្តឹងច្បាប់ចរាចរណ៍ផ្លូវគោក នៅពេលយប់នេះគឺមានការត្រួតពិនិត្យសារជាតិស្រវឹងការបើកបរដោយមិនពាក់មួកសុវត្ថិភាពករណីគ្រឿងញៀន និងការប្រើប្រាស់អាវុធខុសច្បាប់ជាដើមនៅតាមបណ្តាគោលដៅនានាក្នុងខណ្ឌទាំង ១៤ ចាប់ពីម៉ោង ១១ យប់ដល់ម៉ោង ២ កន្លះរំលងអធ្រាត្រដើម្បីកាត់បន្ថយករណីគ្រោះថ្នាក់ចរាចរណ៍ និងកាត់បន្ថយករណីបទល្មើសផ្សេងៗ ឱ្យមានការថយចុះរឹតតែខ្លាំងថែមទៀត។
លោកស្នងការបានបញ្ជាក់ថា៖ «យើងរឹតបន្ដឹងទាំងការបើកបរដោយមិនពាក់មួកទាំងបើកបរក្នុងស្ថានភាពស្រវឹងក្រុមក្មេងទំនើងការប្រើប្រាស់អាវុធខុសច្បាប់គឺរួមទាំងអស់មិនមែនតែធ្វើតែលើរឿងចរាចរណ៍តែមួយមុខទេគឺធ្វើទាំងអស់សំដៅឱ្យបទល្មើសផ្សេងៗមានការថយចុះកាន់តែខ្លាំង»។
គួររម្លឹកដែរថា សម្តេចក្រឡាហោម ស ខេង ធ្លាប់មានប្រសាសន៍ថា “ទាំងអស់គ្នាមានសិទ្ធិស្មើភាពគ្នាចំពោះមុខច្បាប់ អត់មាន លើកលែងអ្នកណាទេ ឱ្យតែខុសច្បាប់។ ច្បាប់ចែងថាមនុស្សមានសិទ្ធិស្មើគ្នាចំពោះមុខច្បាប់ ទោះបីអ្នកឯកផ្កាយ៤ក៏ដោយ បើកឡានបុកគេ ប៉ូលីផ្កាយមួយ ឬស័ក្តិមួយ ឬក៏ពលបាលត្រីទេ ក៏ចាប់បានដែរព្រោះមានសិទ្ធិ ស្មើភាពគ្នាចំពោះមុខច្បាប់។”សម្តេចក្រឡាហោមបានបន្តថា ទោះបីជាមានស័ក្តិ ឬតូនាទីជាអ្នកតំណាងរាស្ត្រ ដែលធ្វើ ច្បាប់យ៉ាងណាក្តីបើមិនគោរពច្បាប់ ក៏ត្រូវអនុវត្តន៍ច្បាប់ដែរ។ តួនាទីរដ្ឋមន្ត្រីបើមិនគោរពច្បាប់ក៏ខុសផ្កាយ៤ក៏ដោយបើធ្វើខុសច្បាប់គឺខុស។ សម្ដេចក្រឡាហោមបានថ្លែងបញ្ជាក់ថា “អីញ្ចឹងសុំឱ្យអស់លោកប៉ូលីសធ្វើទៅ ហើយមានអីឆ្លើយដាក់ខ្ញុំមក ខ្ញុំការពារ អីញ្ចឹងអត់ហ៊ានធ្វើទេ គ្រាន់តែ ដោះមួកមករួចខ្លួននោះ រឿងហ្នឹងអត់ទេ គឺអ្នកណាក៏ដោយត្រូវតែអនុវត្តន៍ច្បាប់”៕
[wai id="6"]