[wai id="6"]
[wai id="7"]
ក្រសួងសុខាភិបាលនៃព្រះរាជាណាចក្រកម្ពជា បានចេញសេចក្ដីប្រកាសនៅថ្ងៃទី ១៤ មីនានេះ ពីការដាក់បម្រាមហាមមិនឲ្យ ជនបរទេស ដែលមកពីប្រទេស អ៊ីតាលី អាល្លឺម៉ង់ អេស្ប៉ាញ បារាំង និងអាមេរិក ចូលមកកម្ពុជារយ:ពេល ៣០ថ្ងៃដោយគិតចាប់ពីថ្ងៃទី ១៧ មីនា ២០២០ នេះតទៅ។ សេចក្ដីប្រកាសនេះធ្វើឡើងបន្ទាប់ពីបានរកឃើញជាបន្តបន្ទាប់នូវវីរុសកូវីដ ១៩ លើជនបរទេសដែលមានសញ្ជាតិផ្សេងៗ នៅក្នុងប្រទេសកម្ពុជា។
សូមបញ្ជាក់ថា រហូតដល់ពេលនេះគិតត្រឹមថ្ងៃទី១៤ ខែមីនា ឆ្នាំ២០២០នេះ កម្ពុជាបានរកឃើញកូវីដ១៩ ចំនួន៧ករណីហើយ ដោយក្នុងនោះមាន៖
ទី១៖ បុរសជនជាតិចិន មកពីទីក្រុងវូហាន (ជាសះស្បើយ)
ទី២៖ បុរសជនជាតិខ្មែរ វ័យ៣៨ឆ្នាំ នៅខេត្តសៀមរាប
ទី៣៖ ស្ត្រីជនជាតិអង់គ្លេស វ័យ៦៥ឆ្នាំ អ្នកដំណើរនាវា Viking Cruise Journey នៅខេត្តកំពង់ចាម
ទី៤៖ បុរសជនជាតិអង់គ្លេស វ័យ៧៣ឆ្នាំ អ្នកដំណើរនាវា Viking Cruise Journey នៅខេត្តកំពង់ចាម
ទី៥៖ ស្រីជនជាតិអង់គ្លេស វ័យ៦៩ឆ្នាំ អ្នកដំណើរនាវា Viking Cruise Journey នៅខេត្តកំពង់ចាម។
ទី៦៖ បុរសជនជាតិកាណាដា អាយុ៤៩ឆ្នាំ នៅរាជធានីភ្នំពេញ
ទី៧៖ បុរសជនជាតិប៊ែលហ្សិក អាយុ៣៣ឆ្នាំ នៅរាជធានីភ្នំពេញ
ពាណិជ្ជកម្ម
យ៉ាងណាមិញ បើយោងតាមអ្នកនាំពាក្យសុខាភិបាលលោកស្រី ឱ វណ្ណឌីន បានបញ្ជាក់ថា បុរសជនជាតិកាណាដា នោះ បានស្នើសុំព្យាបាលដាច់ដោយឡែកនៅផ្ទះរបស់ខ្លួន។ ក្រោយការពិនិត្យល្អិនល្អន់ និងទីតាំងដែលនៅឆ្ងាយពីគេ ក្រសួងបានស្នើធ្វើតាមការស្នើសុំ រីឯកូនពីរនាក់ដែលស្ថិតក្រោមបន្ទុករបស់គាត់ ក៏ត្រូវបានយកសំណាកទៅពិនិត្យនៅវិទ្យាស្ថានប៉ាស្ទ័រ កម្ពុជាផងដែរ។ លទ្ធផលនាវេលាម៉ោង១២ និង៣០នាទីថ្ងៃទី១៤ ខែមីនានេះ បង្ហាញថា កូនទាំងពីរនាក់នោះ មានលទ្ធផលតេស្តអវិជ្ជមាន។
ដោយឡែកសម្រាប់ក្រសួងអប់រំ យុវជន និងកីឡា នាថ្ងៃទី១៤ ខែមីនា នេះ បានចេញសេចក្តីប្រកាសព័ត៌មាន ស្តីពីការអនុវត្តវិស្សមកាលតូចមុនកាលកំណត់ សម្រាប់គ្រឹះស្ថានសិក្សាចំណេះទូទៅសាធារណៈ និងឯកជននៅរាជធានីភ្នំពេញ និងក្រុងសៀមរាប ក្រោយការរកឃើញករណីឆ្លង COVID-19 ជាបន្តបន្ទាប់។ក្រសួងអប់រំ បានបញ្ជាក់ថា ការអនុវត្តវិស្សមកាលតូចមុនកាលកំណត់នេះ គឺចាប់អនុវត្តពីថ្ងៃដែលខ្លួនចេញសេចក្តីប្រកាសព័ត៌មាន។ សម្រាប់គ្រឹះស្ថាន ដែលមិនទាន់បញ្ចប់ការវាយតម្លៃលទ្ធផលពិន្ទុឆមាសទី១ ក្រសួងតម្រូវឲ្យយកលទ្ធផលសិក្សាជាមធ្យមភាគនៃពិន្ទុប្រចាំខែ ចាប់ពីខែធ្នូ ឆ្នាំ២០១៩ ដល់ខែកុម្ភៈ ឆ្នាំ២០២០ ៕
[wai id="5"]