[wai id="6"]
[wai id="7"]
មន្ត្រីចិនមួយរូបបានលើកឡើងថា ទាហានសហរដ្ឋអាមេរិក អាចជាអ្នកនាំជំងឺ COVID-19 ចូលមកកាន់ប្រទេសចិន ដោយពុំមានការផ្ដល់ជាភស្តុតាងសម្រាប់ការអះអាងរបស់លោកនោះទេ ខណៈពេលដែលសមាជិកសភាមួយរូបរបស់អាមេរិក គឺលោក Rashida Tlaib បានព្យាករណ៍ថា ពលរដ្ឋអាមេរិកចន្លោះពី៧០ទៅ១៥០លាននាក់ អាចនឹងឆ្លង ជំងឺមួយនេះ ។
លោក Zhao Lijian អ្នកនាំពាក្យក្រសួងការបរទេសចិនបានអះអាងបែបនេះនៅលើបណ្ដាញ Twitter កាលពីល្ងាចថ្ងៃព្រហស្បតិ៍ ជាការបន្ទរដល់ការលើកឡើងស្រដៀងគ្នានេះនៅតាមបណ្ដាញសង្គមដែលស្ដីបន្ទោសសហរដ្ឋអាមេរិក ចំពោះការរីករាតត្បាតសកល ។
ពាណិជ្ជកម្ម
ប្រធានមជ្ឈមណ្ឌល គ្រប់គ្រងនិងបង្កាជំងឺរបស់ចិនបាននិយាយដោយខ្លួនឯងថា ប្រភពនៃជំងឺនេះ បានឆ្លងមកពីផ្សារលក់សត្វព្រៃមួយកន្លែង នៅចំកណ្ដាលទីក្រុងអ៊ូហាន។
លោក Zhao បានអំពាវនាវឲ្យមានការចាប់អារម្មណ៍លើការលើកឡើងកាលពីថ្ងៃពុធ ពីលោក Robert Redfield ដែលជាប្រធានមជ្ឈមណ្ឌលបង្ការ និងគ្រប់គ្រងជំងឺសហរដ្ឋអាមេរិក ដែលបាននិយាយទទួលស្គាល់ថា ពលរដ្ឋអាមេរិកមួយចំនួន ដែលបានស្លាប់ដោយសារជំងឺផ្តាសាយធ្ងន់ អាចនឹងស្លាប់ដោយសារជំងឺ COVID-19 ។
លោក Zhaoបានសរសេរតាម Twitterថា តើចំណុចសូន្យនៃអ្នកជំងឺបានចាប់ផ្តើមពីពេលណានៅសហរដ្ឋអាមេរិក? តើមានមនុស្សប៉ុន្មាននាក់បានឆ្លង? តើមានមន្ទីរពេទ្យឈ្មោះអ្វីខ្លះ? វាអាចជាកងទ័ពសហរដ្ឋអាមេរិក ដែលនាំឲ្យមានការរីករាលដាលនៃជំងឺ COVID-19 នៅក្នុងទីក្រុងអ៊ូហាន។ ត្រូវតែមានតម្លាភាព! ត្រូវតែទម្លាយទិន្នន័យរបស់អ្នកជាសាធារណៈ! សហរដ្ឋអាមេរិក នៅជំពាក់ពួកយើងនូវការពន្យល់មួយនេះ។
លោក Zhao បានទាមទារចង់ដឹងផងដែរ ពីចំនួនមនុស្សប៉ុន្មានលាននាក់ដែលបានឆ្លងជំងឺ COVID-19 និងមនុស្សប៉ុន្មានម៉ឺននាក់ បានស្លាប់ អំឡុងរដូវកាលផ្តាសាយចុងក្រោយនេះ ពាក់ព័ន្ធពិតប្រាកដនឹងជំងឺ COVID-19 ។
គួរឲ្យដឹងថា ករណីដំបូងនៃវីរុស Coronaថ្មី បានកើតមាននៅក្នុងទីក្រុងភាគកណ្តាលអ៊ូហាន ប្រទេសចិន កាលពីចុងឆ្នាំមុន ហើយចាប់តាំងពីពេលនោះ ការរីលរាលដាលសកលនៃវីរុសនេះ បានឆក់យកជីវិតមនុស្សរាប់ពាន់នាក់ ដែលភាគច្រើននៃអ្នកស្លាប់កើតមានឡើងនៅក្នុងប្រទេសចិន ។
ស្របពេលដែលប្រទេសចិន ប្រឈមនឹងការរិះគន់ខ្លាំងនោះ ក្រុមអាជ្ញាធរ បានវាយបកទៅវិញជាមួយនឹងការលើកឡើងថា វីរុសនេះ អាចនឹងមានដើមកំណើតនៅកន្លែងផ្សេង។
លោកវេជ្ជបណ្ឌិត Zhong Nanshan ដែលជាគ្រូពេទ្យជំនាញខាងវីរុសឈានមុខគេមួយរូបរបស់ចិន បាននិយាយកាលពីចុងខែកុម្ភៈថា ថ្វីត្បិតតែជំងឺ COVID-19 រកឃើញដំបូងគេនៅក្នុងប្រទេសចិនយ៉ាងណាក្តី តែវាក៏មិនមែនមានន័យថា វាមានដើមកំណើតនៅចិននោះដែរ ។
ពាក់ព័ន្ធនឹងការលើកឡើងខាងលើ លោក Zhaoបាននិយាយថា គ្មានការសន្និដ្ឋាននៅឡើយទេ ពីដើមកំណើតនៃវីរុសមួយនេះ ហើយអ្វីដែលពួកយើងកំពុងឆ្លងកាត់នាពេលបច្ចុប្បន្ននេះ គឺជាអព្ភូតហេតុសកល ដែលប្រភពរបស់វា នៅត្រូវកំណត់នៅឡើយ។
មតិដូចគ្នាជាច្រើននៅក្នុងប្រទេសចិន បានលើកឡើងថា អត្តពលិកយោធាសហរដ្ឋអាមេរិក ដែលចូលរួមការប្រកួត Military World Games ដែលជាការប្រកួតមានការចូលរួមពីទាហានជាង១ម៉ឺននាក់ មកពីបណ្តាប្រទេសជាង១០០ប្រទេស នៅក្នុងទីក្រុងអ៊ូហាន កាលពីខែតុលា ឆ្នាំមុន អាចនឹងនាំយកជំងឺ COVID-19មកកាន់ប្រទេសចិន។ ទោះបីជាយ៉ាងណាក៏ដោយ គេនៅមិនទាន់មានភស្តុតាងនៅឡើយទេ ដើម្បីគាំទ្រការចោទប្រកាន់មួយនេះ៕
[wai id="5"]
