បើគិតត្រឹមយប់ថ្ងៃទី២២ ខែមីនា ឆ្នាំ២០២០ កម្ពុជាបានរកឃើញករណីថ្មី នៃវីរុសកូវីដ១៩នៅលើមនុស្សចំនួន៣១នាក់បន្ថែមទៀត ធ្វើឲ្យចំនួនអ្នកផ្ទុកវីរុសដ៏កាចសាហាវនេះកើនឡើងដល់៨៤នាក់។
យោងតាមសេចក្ដីប្រកាសរបស់ក្រសួងសុខាភិបាលកម្ពជា បានឲ្យដឹងថា បើគិតត្រឹមយប់ថ្ងៃអាទិត្យ ទី២២ខែមីនា ឆ្នាំ២០២០ កម្ពុជាបានរកឃើញករណីថ្មីចំនួន៣១នាក់ នៅក្នុងខេត្តព្រះសីហនុ។ ក្នុងចំណោមករណីថ្មីនោះ គឺធ្វើតេស្ដរកឃើញទៅលើអ្នកទេសចរជនជាតិបារាំងចំនួន២៩នាក់ និងជនជាតិខ្មែរចំនួន២នាក់ ជាមគ្គុទ្ទេសក៍ទេសចររបស់ក្រុមជនជាតិបារាំង។
បើគិតត្រឹមត្រឹមវេលាម៉ោង៣ និង១០នាទីទៀបភ្លឺ (ម៉ោងនៅកម្ពុជា) ឈានចូលថ្ងៃទី២៣ ខែមីនា មានប្រទេស និងដែនដីចំនួន១៩១ នៅទូទាំងពិភពលោក បានឆ្លងវីរុសកូរ៉ូណា ឬកូវីដ១៩ ដោយមានអ្នកឆ្លងចំនួន៣៣៤៥១៤នាក់ មានអ្នកជាសះស្បើយ៩៧៥៧៤នាក់ និងមានអ្នកស្លាប់ចំនួន១៤៥៩៩នាក់។សូមអានសេចក្ដីប្រកាសរបស់ក្រសួងសុខាភិបាលកម្ពុជាទាំងស្រុងដូចខាងក្រោម៖
