[wai id="6"]
[wai id="7"]
ការឆ្លងជំងឺ COVID-19 នៅតំបន់អាស៊ី ជាពិសេសតំបន់អាស៊ី-ប៉ាស៊ីហ្វិក បានបន្តកើនឡើងកាលពីថ្ងៃព្រហស្បតិ៍ ខណៈប្រទេសថៃបានរាយការណ៍ពីករណីឆ្លងថ្មីនៃជំងឺនេះ ចំនួន ១១១ នាក់ក្នុងរយៈពេលតែមួយថ្ងៃ។ ប្រទេសថៃបានរាយការណ៍ថាមានករណីឆ្លង COVID-19 ចំនួន ១១១ នាក់ផ្សេងទៀតដែលនាំឱ្យចំនួនសរុបកើនដល់ ១.០៤៥ នាក់និងស្លាប់ចំនួន៤នាក់។
ខណៈពេលនោះដែរ ប្រទេសម៉ាឡេស៊ី បានរាយការណ៍ករណីឆ្លងកើននៃជំងឺ COVID-19ដល់២.១៦១នាក់ ពោលគឺកើនឡើង១៣០ករណី និងករណីស្លាប់២៦នាក់។
រដ្ឋាភិបាលម៉ាឡេស៊ី ប្រកាសកញ្ចប់ថវិកាសង្គ្រោះ៥៨ពាន់លានដុល្លារ ដើម្បីទប់ទល់ផលប៉ះពាល់សេដ្ឋកិច្ចបង្កឡើងដោយសារការរីករាលដាលខ្លាំងនៃជំងឺមួយនេះ។
ចំណែកឯប្រទេសបង់ក្លាដែស រាយការណ៍ករណីឆ្លងជំងឺ COVID-19 កើនឡើងដល់៤៨នាក់ ក្នុងនោះពួកគេរកឃើញករណីថ្មី៤នាក់ ក្នុងរយៈពេល២៤ម៉ោងចុងក្រោយ និងករណីស្លាប់៥នាក់ ហើយចំនួនអ្នកឆ្លងជំងឺ COVID-19នៅក្នុងប្រទេសអាហ្វហ្គានីស្ថាន កើនឡើងដល់៩១នាក់ និងករណីស្លាប់មានចំនួន៣នាក់ ។
ពាណិជ្ជកម្ម
ចំនួនករណីស្លាប់ដោយសារជំងឺ COVID-19នៅក្នុងប្រទេសឥណ្ឌាវិញ បានកើនឡើងដល់ ១៧នាក់ គិតត្រឹមព្រឹកថ្ងៃសុក្រនេះ ខណៈដែលករណីឆ្លងកើនឡើងដល់៧២៤នាក់ ។ រដ្ឋភាគខាងលិចមហារ៉ាស្ត្រា ប្រទេសឥណ្ឌា ដោះលែងអ្នកទោសប្រហែល១១.០០០នាក់ ដើម្បីកាត់បន្ថយចំនួនមនុស្សលើសចំណុះក្នុងពន្ធនាគារ ស្របពេលមានការរីករាលដាលខ្លាំងនៃជំងឺមួយនេះ ។
ប្រទេសកូរ៉េខាងត្បូងបានរាយការណ៍ថាមានករណីឆ្លងជំងឺ COVID-19 ចំនួន ១០៤ នាក់ បន្ថែមទៀត បើប្រៀបធៀបទៅនឹង ២៤ ម៉ោងមុន គិតត្រឹមពាក់កណ្តាលអធ្រាត្រថ្ងៃព្រហស្បតិ៍ម៉ោងក្នុងស្រុកដែលនាំឲ្យចំនួនអ្នកឆ្លងសរុបកើនដល់ ៩.២៤១ នាក់និង អ្នកស្លាប់មាន១៣១នាក់។
ក្រសួងសុខាភិបាលនិងរដ្ឋាភិបាលក្នុងតំបន់របស់ប្រទេសជប៉ុនបាននិយាយថាករណីឆ្លងថ្មីនៃជំងឺ COVID-19 ចំនួន ៤៧ នាក់ត្រូវបានបញ្ជាក់នៅទីក្រុងតូក្យូ ដែលជាកំណត់ត្រាថ្មីមួយនៃការឆ្លងប្រចាំថ្ងៃនៅក្នុងរដ្ឋធានីនេះ ដែលធ្វើឱ្យចំនួនមនុស្សឆ្លងនៅក្នុងប្រទេសជប៉ុនកើនដល់ ១,៣៧៣ នាក់គិតត្រឹមម៉ោង ៦ ៣០ នាទីម៉ោងក្នុងស្រុក។
ក្រសួងសុខាភិបាលសហព័ន្ធបាននិយាយថាចំនួនអ្នកស្លាប់ដោយសារជំងឺ COVID-19 នៅក្នុងប្រទេសឥណ្ឌាកាលពីព្រឹកថ្ងៃព្រហស្បតិ៍នេះបានកើនឡើងដល់ ១៣ នាក់ ដែលនាំឲ្យករណីឆ្លងសរុបចំនួន ៦៤៩ នាក់ ត្រូវបានរាយការណ៍មកទល់ពេលនេះ។
ប្រទេសហ្វីលីពីនបានរាយការណ៍ថាមានមនុស្សចំនួន ៧១ នាក់បន្ថែមទៀតរួមទាំងសមាជិកព្រឹទ្ធសភាម្នាក់ដែលបានធ្វើតេស្តវិជ្ជមានជំងឺ COVID-19 ដែលធ្វើអោយចំនួនករណីសរុបកើនឡើងដល់ ៧០៧ នាក់និងអ្នកស្លាប់មាន៤៥នាក់ ។ ប្រទេសហ្វីលីពីន កីលុបចោលសមយុទ្ធយោធារួមគ្នាជាមួយសហរដ្ឋអាមេរិក ដោយសារការរីករាលដាលសកលនៃជំងឺ COVID-19 ។
ក្រសួងសុខាភិបាលប្រទេសវៀតណាមបានបញ្ជាក់ពីករណីឆ្លងថ្មីនៃជំងឺ COVID-19 ចំនួន ៧ ករណីបន្ថែមទៀតដែលធ្វើឱ្យចំនួនសរុបនៅក្នុងប្រទេសនេះកើនដល់ ១៤៨ នាក់។ចំនួនអ្នកស្លាប់ដោយសារជំងឺ COVID-19 នៅក្នុងប្រទេសអូស្ត្រាលីបានកើនឡើងពី ៨ នាក់ទៅ ១៣ នាក់ក្នុងមួយថ្ងៃ។មនុស្សចំនួន ២,៩៩៧ នាក់ត្រូវបានបញ្ជាក់ថាបានឆ្លងជំងឺ COVID-19នៅប្រទេសអូស្ត្រាលី។
លោក Phouthone Moungpak អនុរដ្ឋមន្ត្រីក្រសួងសុខាភិបាលបាននិយាយថាប្រទេសឡាវបានរកឃើញករណីឆ្លងជំងឺ COVID-19 ចំនួន ៣ បន្ថែមទៀត ដែលនាំឲ្យ ចំនួនសរុបកើនឡើងដល់ ៦ នាក់។
ប្រព័ន្ធផ្សព្វផ្សាយក្នុងស្រុកបានរាយការណ៍ថាអ្នកជំងឺវិជ្ជមានចំនួន ៣ នាក់បន្ថែមទៀត បានជាសះស្បើយឡើងវិញ នៅប្រទេសម៉ាល់ឌីវដែលនាំឱ្យចំនួនអ្នកជាសរុបរបស់ប្រទេសនេះកើនដល់៥ នាក់។ខណៈអ្នកឆ្លងមានចំនួន១៣នាក់។
ក្រសួងសុខាភិបាលបាននិយាយថាមនុស្សសរុបចំនួន ២៣ នាក់បានស្លាប់ដោយសារជំងឺ COVID-19 នៅប្រទេសម៉ាឡេស៊ីគិតត្រឹមថ្ងៃព្រហស្បតិ៍ ដោយមានករណីឆ្លងថ្មីចំនួន ២៣៥ នាក់ កើនឡើងក្នុងរយៈពេលតែមួយថ្ងៃដែលនាំឲ្យចំនួនសរុបកើនដល់ ២.០៣១ នាក់។
ចំនួនអ្នកស្លាប់សោយសារជំងឺ COVID-19 នៅប្រទេសឥណ្ឌូនេស៊ីបានកើនឡើងដល់ ៧៨ នាក់ហើយគិតត្រឹមវេលាថ្ងៃត្រង់ ម៉ោងក្នុងស្រុកកាលពីថ្ងៃព្រហស្បតិ៍ ក្នុងនោះមនុស្សចំនួន ៨៩៣ នាក់ ត្រូវបានបញ្ជាក់ថាបានឆ្លងជំងឺ នៅក្នុងប្រទេសប្រជុំកោះ មួយនេះ ហើយអ្នកជំងឺ ៣៥ នាក់បានជាសះស្បើយពីជំងឺនេះ៕
[wai id="5"]
